Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Mecatronist / Mecatronista d’automobils AFQ

Mecatronists e mecatronistas d’automobils mainan tras controllas da sistems u lavurs da diagnosa simplas tar autos u vehichels utilitars. Els surpiglian lavurs da mantegniment e reparatura vi da motor, tracziun, schassis ed electronica.

Lavurs

Automobils han adina dapli cumponentas dirigidas cun sustegn electronic. Mecatronists e mecatronistas d’automobils han enconuschientschas detagliadas davart l’electronica da vehichels e san installar, drizzar, controllar, mantegnair e reparar indrizs correspundents a moda professiunala. Ultra da quai èn els er responsabels per reparaturas pretensiusas da parts mecanicas.

Pervia da la cumplexitad da vehichels moderns sa gidan mecatronists d’automobils cun documents tecnics, schemas e plans da montascha. Els als san interpretar ed applitgar. Cunquai che gia pitschnas inexactezzas durant lur lavur pon manar ad accidents, lavuran els a moda exacta e concentrada. Els sa tegnan strictamain vi da las prescripziuns pertutgant segirezza e protecziun da la sanadad.

Cun instruments da mesirar e da diagnosa cun sustegn electronic mainan mecatronists d’automobils tras examens da sistems e lavurs da diagnosa simplas. Uschia examineschan els la funcziunalitad da las differentas cumponentas da motor, tracziun, schassis ed electronica dal vehichel. Els controlleschan per exempel la suspensiun da las rodas, la battaria, il starter, il mecanissem d’automat, ils frains ed il Sab (sistem antibloccant), l’indriz d’aria cundiziunada, il tempomat euv. Ils mecatronists mesiran sistems d’aviar e d’injecziun e mainan tras lavurs da regulaziun vi da sistems da manischar e ventils. Las parts ch’èn defectas remplazzan els. Ultra da quai mainan els tras mesiraziuns da la svapur.

Era per lavurs pretensiusas èn mecatronists d’automobils responsabels. Els prendan dapart entirs indrizs u parts d’in vehichel, als demonteschan e remplazzan u reparan. Tar l’installaziun da novas parts collian els las cumponentas electronicas e giusteschan ellas correctamain. Tut tenor ils giavischs da la clientella u per vehichels spezials monteschan els installaziuns supplementaras sco indrizs d’alarm, indrizs da signals, sistems da navigaziun ed illuminaziuns supplementaras.

Mecatronists d’automobils cusseglian ultra da quai la clientella a moda cumpetenta, magasineschan e dismettan carburant a moda ecologicamain gista.

Scolaziun

Basa legala

Ordinaziun federala 20-12-2006

Durada

4 onns

Direcziuns

  • autos da persunas
  • vehichels utilitars

Furmaziun en la pratica

En in lavuratori per autos u vehichels utilitars

Furmaziun en scola

1. - 3. onn d’emprendissadi 1 di e mez, durant il 4. onn 1 di per emna a la scola professiunala

Roms professiunals

  • quint / fisica
  • electrotecnica
  • instrucziun da materials / tecnica da fabricaziun
  • communicaziun / servetsch da clientella (incl. englais tecnic)
  • infurmaziuns tecnicas
  • prescripziuns
  • informatica
  • electricitad / electronica
  • motor
  • tracziun
  • schassis

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Examen dad ir cun auto

Emprendists acquistan il permiss dad ir cun auto per autos da persunas resp. vehichels utilitars.

Diplom

Attestat federal da qualificaziun "mecatronist / mecatronista d’automobils AFQ"

Premissas

Furmaziun preliminara
  • scola populara terminada
  • test da qualificaziun AGVS
Pretensiuns
  • fitg buna chapientscha tecnica
  • bun dun receptiv
  • pensar logic
  • inschign manual
  • moda da lavurar exacta e conscienziusa
  • fidadadad e senn per responsabladad
  • autonomia
  • buna demananza (contact cun la clientella)

Furmaziun supplementara

Curs

purschidas da l’Uniun professiunala svizra da l’automobil (AGVS) e da scolas professiunalas

Furmaziun da basa scursanida

mintgamai in examen en l’autra direcziun speziala suenter 1 onn pratica professiunala correspundenta

Examen professiunal (EP)

diagnosticher / diagnosticra d’automobils, cussegliader / cussegliadra da vendita d’automobils, cussegliader / cussegliadra da servetsch a la clientella en la branscha d’automobils, spezialist / spezialista da pneus

Examen professiunal superiur (EPS)

econom da manaschi / economa da manaschi dipl. econom / economa da manaschi dipl. en interpresas d’automobils

Scola spezialisada superiura (SSS)

p.ex. tecnicher / tecnicra dipl. SSS construcziun da maschinas, tecnicher / tecnicra dipl. SSS electrotecnica

Scola auta spezialisada (SAS)

Bachelor of Science (SAS) en tecnica d’automobils

Cundiziuns da lavur

Mecatronists d’automobils lavuran en lavuratoris per autos da persunas u per vehichels utilitars. Per regla sa spezialiseschan els sin marcas d’autos specificas.

Mecatronists d’automobils han il pli savens temps da lavur regulars cun in’emna da 5 dis, auter ch’en manaschis cun agids en cas da panna e servetschs da pichet.

Mecatronists d’automobils motivads e ch’èn pronts per sa furmar supplementarmain èn dumandads sin il martgà da lavur.

Ulteriuras infurmaziuns

Auto Gewerbe Verband Schweiz (AGVS)
Wölflistr. 5
Postfach 64
3000 Bern 22
Tel: 031 307 15 15
URL: www.agvs.ch

Revista professiunala:
"AutoInside"




orientamento.ch