Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Mecanist / Mecanista da motos AFQ

Mecanists e mecanistas da motos mantegnan, megliereschan e repareschan motos. Els cusseglian la clientella ed administreschan il magasin da tocs da reserva.

Lavurs

Mecanists e mecanistas da motos segireschan l’admissiun da motos da tut gener al traffic, bartgettas, motos a trais rodas e quads a quatter rodas. Els passentan ina gronda part da lur temp da lavur en il lavuratori, nua ch’els exequeschan vi da las motos lavurs da mantegniment, reparaturas e midadas. Ultra da quai cusseglian els la clientella.

Mecanists da motos beneventan ils clients, prendan cunter las motos ed incumbensas da la clientella, cusseglian ed infurmeschan davart las lavurs en mira e custs. Els decleran ils avantatgs ed ils dischavantatgs da differents vehichels. Plinavant han els la survista da las lavurs ch’èn da liquidar, planiseschan ils pass da lavur ed il temp da lavur, uschia ch’els pon surdar a la clientella a termin ina moto senza menda.

Mecanists da motos elimineschan pannas da las motos e las preparan per l’admissiun al traffic. Els valiteschan e controlleschan roms e parts dal schassis sin donns effectuads tras isada u accidents. Els centreschan rodas, controlleschan profils da pneus, remplazzan pneus veders, nettegian rulleras dal chau dal guvernagl, controlleschan pedaleras ed axas ed unschan tut las parts moviblas.

Els reparan suspensiuns e parasquass e midan vi da las furtgas telescopicas l'ieli dals parasquass, rudellas da stuppadira e bischlas da guidar. Els controlleschan, dattan aria e moderniseschan ils frains cun e senza Sab (sistem antibloccant / tud: ABS). Els sa fatschentan cun la tracziun, la midada dals girs e cun l’electronica dals vehichels. Mecanists da motos examineschan e giusteschan chadainas sco er rodam ed accuplaments e reparan indrizs d’illuminaziun. Els chargian e remplazzan battarias, aviaders, indrizs d’envidament sco er tocs dal motor sco cilinders, carburaturs e ventils.

Mecanists da motos tschertgan cun apparats da mesirar e cun manuals suenter disturbis. Els examineschan per exempel il pilotadi electronic cun agid da multimeters (instruments che san mesirar pliras chaussas enina). Suenter che la lavur è terminada fan els in gir da prova.

Parts defectas vegnan per motivs da custs savens remplazzadas e betg reparadas. Mecanists da motos san dentant tuttina era resgiar, buglir u tagliar bain crennadiras, quai per reparar sezs tocs ch’els na survegnan betg pli. Els administreschan ultra da quai il magasin da tocs da reserva. Els resguardan las prescripziuns davart la garanzia da la qualitad, la segirezza da lavur, la protecziun da l’ambient e da la sanadad.

Scolaziun

Basa legala

Ordinaziun federala 5-9-2011 (stan 1-2-2018)

Durada

4 onns

Furmaziun en la pratica

en in lavuratori da motos

Furmaziun en scola

1 fin 1½ dis per emna a la scola professiunala

Roms professiunals

  • noziuns tecnicas
  • elements electrics
  • proceders da fabricaziun
  • infurmaziuns da mantegniment e da reparaturas
  • infurmaziuns tecnicas
  • meds da communicaziun
  • servetsch da clientella
  • servetsch da tocs da reserva
  • empustaziuns sco er tecnica da motos

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Examen dad ir cun auto

Emprendists ston durant la scolaziun acquistar il permiss dad ir cun motos da la pli auta categoria

Diplom

Attestat federal da qualificaziun "mecanist / mecanista da motos AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha tecnica
  • imaginaziun dal spazi
  • lavurar a moda exacta e conscienziusa
  • pazienza e perseveranza
  • senn da responsabladad
  • plaschair vi dal contact cun la clientella

Furmaziun supplementara

Curs

purschidas da 2rad Schweiz e da scolas professiunalas

Furmaziun da basa scursanida

sco mecanist / mecanista da motos pitschnas e velos AFQ u sco mecanist / mecanista da velos AFQ

Examen professiunal superiur (EPS)

maister mecanist / maistra mecanista da motos, maister mecanist / maistra mecanista da velos

Scola spezialisada superiura (SSS)

p.ex. tecnicist / tecnicista dipl. SSS construcziun da maschinas

Scola auta spezialisada (SAS)

p.ex. Bachelor of Science (SAS) en tecnica d’automobil, Bachelor of Science (SAS) en tecnica da maschinas

Cundiziuns da lavur

Mecanists da motos lavuran savens en lavuratoris pitschens u mesauns. Pussaivel è er in engaschament tar firmas da producziun u firmas commerzialas da motos e da vehichels sumegliants a las motos.

La gronda lavur han mecanists da motos la primavaira e la stad. Ils dis da lavur en il lavuratori ed en la vendita pon esser fitg lungs. Durant l’enviern pon els sa deditgar a reparaturas pli grondas u preparar vehichels d’occasiun per la vendita. Las sururas prestadas la stad pon savens vegnir cumpensadas durant l’enviern.

Il temp da lavur correspunda per regla a las uras d’avertura dal negozi. I vegn pia er lavurà la sonda.

Ulteriuras infurmaziuns

2rad Schweiz
via da la staziun 86
chascha postala
5001 Aarau
Tel: 062 823 37 85
URL: www.2radschweiz.ch

Revista professiunala:
"inform"




orientamento.ch