Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Toler / Tolera da carossaria AFQ

Tolers e toleras da carossarias reparan autos da persunas e vehichels pigns da transport. Parts ch’èn smatgadas en mettan els en lur furma originala e parts da la carossaria ch’èn donnegiadas fitg ferm remplazzan els tras novas parts.

Lavurs

Tolers e toleras da carossaria reparan carossarias, surtut d’autos da persunas, e vehichels pigns da transport. Il pli sa tracti d’autos accidentads. Els reparan dentant er donns ch’èn sa dads tras segns d’isada e surdiever u tras influenzas da l’aura.

Cun apparats da mesirar controlleschan tolers e toleras tge tocca dal auto ch'è vegnida demolida. Els identifitgeschan per exempel, schebain il sturs è vegnì cumprimì u stratg dapart e mettan parts da la carossaria defurmada en la furma originala cun agid da tecnicas da strair e da smatgar. Questa lavur pretenda in fin sentiment, in bun egl ed in sentiment per furmas, damai ch’il material è mo 0,4 enfin 0,8 mm gross.

Parts ch’ins na po betg pli reparar, monteschan tolers da carossarias ora e remplazzan ellas tras novas parts ch’èn per part prefabritgadas e che ston vegnir adattadas. Tecnicas da colliar sco per exempel buglir, tatgar e rebatter èn vegnidas pli impurtantas. Ella tecnica d'autos vegnan duvrads ozendi differents sturs d'aluminium u d'atschal. Ils differents liaments d'aluminium pretendan blera savida dal fatg.

Aspects tecnics èn daventads pli e pli impurtants, damai che la tocca d'autos cuntegn adina dapli electronica. En il paraculp poi avair in PDC (Park Distance Control) ed en la porta in airbag. Las chazzolas da Xenon ston vegnidas demontadas e lura puspè montadas. Ils tolers e las toleras ston savair controllar tut las funcziuns e savair interpretar cun apparats da diagnosa ils sbagls probabels. Era la tecnica da clima ston els chapir. Bunamain tar mintga donn frontal èn ils sistems da sfradentar donnegiads, uschia ch'ina demontascha è necessaria per pudair reparar ils donns.

Suenter avair terminà las lavurs da toler surdattan las persunas dal fatg il vehichel a la vernischaria. Cura ch’il vehichel è puspè tar els, mettan els ensemen tut las parts, els monteschan vaiders, indrizs d’illuminaziun e da signal euv. e collian avra-portas, airbags, strenschatschintas e. s. puspè cun l’electronica.

Tolers da carossaria san applitgar tecnicas da reparatura e da l’elavuraziun da metal. Cunquai che material da fabricaziun e tecnicas da colliaziun vegnan sviluppads permanentamain vinavant, ston els er adina puspè emprender novas tecnicas da lavur.

Scolaziun

Basa legala

Ordinaziun federala 15-5-2017

Durada

4 onns

Furmaziun en la pratica

En ina tolaria da carossaria

Furmaziun en scola

1 di per emna a la scola professiunala

Roms professiunals

  • giuditgar donns da vehichels, montascha e demontascha e lavurs da finiziun
  • furmar, refurmar, separar ed enchastrar tocca da carossaria
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "toler / tolera da carossaria AFQ"

Premissas

Furmaziun preliminara
  • scola populara terminada
  • bunas prestaziuns en quint, geo-metria e dissegn tecnic
Pretensiuns
  • inschign manual marcant
  • enclegientscha tecnica
  • mauns inschignus per lavurar a moda exacta
  • abilitad da s’imaginar chaussas en il spazi
  • senn per furmas e colurs
  • fidadadad
  • autonomia

Furmaziun supplementara

Curs

purschidas dal Schweiz. Carrosserieverband VSCI, da produciders d’isegls spezials e da scolas professiunalas

Examen professiunal (EP)

manader / manader da lavuratori da carossaria cun certificat professiunal federal, direcziun speziala tolaria

Examen professiunal superiur (EPS)

maister / maistra carossaria, direcziun toler / tolera

Scola auta spezialisada (SAS)

cun furmaziun preliminara correspundenta, Bachelor of Science SAS) en tecnica d’automobils (BFH, Bienna)

A l’exteriur

scola spezialisada per tecnica: tecnicist / tecnicista cun diplom federal direcziun tecnica da carossarias e construcziun da vehichels, p.ex. Fulda, Hamburg u Kaiserslautern, Germania, scola auta spezialisada: Bachelor of Engineering (B.Eng.) en tecnica da vehichels, p.ex. Hamburg u Ulm, Germania

Spezialisaziun

sco expert / experta da donns, furmaziun supplementara tar ina societad d’assicuranzas

Cundiziuns da lavur

Tolers da carossaria lavuran savens en manaschis da carossarias pitschens u mesauns. Suenter ina furmaziun supplementara èsi er pussaivel da lavurar sco expert da donns per assicuranzas u sco cussegliader da clients en in manaschi da carossaria.

La purschida da plazzas d’emprendissadi è gronda.

Tolers da carossaria scolads han bunas schanzas sin il martgà da lavur. Las cundiziuns d’engaschament vegnan regladas tras in contract collectiv da lavur.

Ulteriuras infurmaziuns

Schweiz. Carrosserieverband VSCI
Strengelbacherstr. 2B
4800 Zofingen
Tel: 062 745 90 80
URL: www.vsci.ch

Revista professiunala:
"Carrossier"



orientamento.ch