Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Practicist / Practicista da construcziun da fatschadas AFP

Practicists e practicistas da construcziun da fatschadas monteschan fatschadas or da metal, fibrocement, vaider ed autras materialias. Els installeschan isolaziuns cunter la chalur sut la paraid da l’edifizi. Uschia protegian els l’edifizi cunter influenzas da l’aura.

Lavurs

Practicists e practicistas da construcziun da fatschadas cuvran edifizis cun elements da fatschadas. Cun lur lavur dattan els ina fatscha a l’edifizi ed al protegian cunter l’umiditad, la chalur ed il fraid.

Practicists da construcziun da fatschadas utiliseschan materialias sco fibrocement, lain, cheramica, metal, crap natiral e vaider. Els resgian e taglian la tocca da construcziun minuziusamain sin il lieu. Cun in tarader ed ina pistola da nittar fixeschan els ils elements da la fatschada sin la subconstrucziun. Entamez ferman els l’isolaziun cunter la chalur.

Avant mintga lavur calculeschan practicists da construcziun da fatschadas il material che vegn duvrà. Els al preparan ensemen cun ils guaffens e las maschinas per il transport al plazzal.

Practicists da construcziun da fatschadas lavuran da tutt’aura ordadora. Savens lavuran els sin ina puntanada e ston perquai esser senza sturnizi.

Tar tut las lavur resguardan practicists da construcziun da fatschadas las prescripziuns davart la segirezza da la lavur. Ultra da quai suondan els las directivas davart la protecziun da l’ambient. Material restant e rument magasineschan ed allontaneschan els a moda adattada a l’ambient.

Scolaziun

Basa legala

Ordinaziun federala 21-10-2016

Durada

2 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs en bloc a la scola professiunala a Uzwil/SG

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • installaziun da stresas e sistems vi da paraids e mirs exteriurs
  • tschentar las construcziuns da fatschadas
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "practicist / practicista da construcziun da fatschadas AFP"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • enclegientscha tecnica
  • sanadad robusta
  • flexibilitad corporala
  • esser senza sturnizi
  • abilitad da lavurar en in team

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis

Construider / Construidra da fatschadas AFQ

Practicists da construcziun da fatschadas AFP pon frequentar ina furmaziun scursanida sco construider / construidra da fatschadas AFQ (entrada al 2. onn da furmaziun da basa).

Suenter quai han els las medemas pussaivladads da furmaziuns supplementara construiders / construidras da fatschadas AFQ.

Cundiziuns da lavur

Practicists da construcziun da fatschadas lavuran en manaschis da la branscha da paraids e mirs exteriurs d’edifizis u en uschenumnads manaschis maschadads (mirs exteriurs d’edifizis e tolaria).

Quai èn per ordinari manaschis pitschens u mesauns.

Practicists da construcziun da fatschadas pon era lavurar en manaschis d’industria che fabritgeschan products per paraids e mirs exteriurs.

Ulteriuras infurmaziuns

Uniun Polybau
Lindenstr. 4
Postfach
9240 Uzwil
Tel: 071 955 70 41
URL: www.polybau.ch




orientamento.ch