?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Practicist montader / Practicista montadra da storas AFP

Practicists montaders da storas e practicistas montadras da storas gidan a montar storas ed auters sistems da protecziun cunter il sulegl. Els monteschan storas  manischadas a maun u automaticamain en edifizis novs u remplazzan storas veglias en chasas existentas. Cun lur lavur protegian els ils edifizis cunter l’irradiaziun dal sulegl disturbanta dentant er cunter egliadas mirvegliusas u pulvra.

Lavurs

Els exequeschan suandantas lavurs:

Preparar il plazzal
  • preparar il material, ils guaffens ed apparats tenor instrucziuns
  • chargiar e segirar ils vehichels, transportar e deponer il material tenor las prescripziuns sin il plazzal
  • gidar d'installar las maschinas e da segirar il plaz da lavur
Montar protecziun cunter il sulegl
  • gidar da far l' elecziun dal dretg sistem da protecziun cunter il sulegl, sco p.ex.  storas e marchesas
  • mesirar las surfatschas e far simpels plans
  • installar e fermar las differentas cumponentas da l'indriz, p.ex. glischneras, lamellas, schalusias da taila u d'aluminium e motors
  • metter en funcziun sistems da protecziun cunter il sulegl manischadas a maun u electronicamain, als controllar e reglar
  • enconuscher e resguardar las prescripziuns davart la segirezza da la lavur
  • rumir ils plazzals e scriver rapports da lavur
Lavurs da reparatura
  • nettegiar las storas, demontar, reparar u remplazzar cumponentas defectas
  • gidar d'automatisar sistems existents manischads a maun
  • mantegnair guaffens e maschinas
  • dismetter ils ruments a moda adattada a l’ambient

Scolaziun

Basa legala

Ordinaziun federala dals 21-10-2016 (versiun dal 1-1-2018)

Durada

2 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs en bloc a la scola professiunala a Uzwil/SG u a Les Paccots/FR

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • installaziun da stresas e sistems vi da paraids e mirs exteriurs
  • montar ils sistems da storas

Curs ordaifer il manaschi

Emprender ed exercitar a moda pratica la basa professiunala

Diplom

Attestat federal professiunal "practicist montader da storas / practicista montadra da storas AFP"

Premissas

Furmaziun preliminara
  • Temp da scola obligatoric terminà
Pretensiuns
  • inschign manual
  • chapientscha pratica
  • chapientscha tecnica
  • sanadad robusta
  • buna constituziun corporala
  • senza sturnizi
  • abilitad da lavurar en in team

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis

Montader / Montadra da storas AFQ

Practicists montaders da storas AFP pon frequentar ina furmaziun scursanida sco montader / montadra da storas AFQ (entrada al 2. onn da furmaziun da basa).

Suenter quai han els las medemas pussaivladads da furmaziuns supplementaras so montaders / montadras da storas AFQ.

Cundiziuns da lavur

Practicists montaders da storas e practicistas montadras da storas lavuran en manaschis che vendan sistems da protecziun cunter il sulegl e sistems da protecziun cunter l’aura. Quai èn per ordinari manaschis da montascha pitschens u fitg paucs manaschis d’industria gronds.

La branscha da paraids e mirs exteriurs gioga ina impurtanta rolla per la strategia d'energia da la Confederaziun. Tar la construcziun u sanaziun d'edifizis contribuescha ella per exempel che quels vegnan pli effizients areguard l'energia. Per persunas dil fatg èn las perspectivas professiunals bunas.

Ulteriuras infurmaziuns

Uniun Polybau
Lindenstr. 4
chascha postala
9240 Uzwil
Tel: +41 71 955 70 41
URL: www.polybau.ch




orientamento.ch