Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Construider / Construidra da fatschadas AFQ

Construiders e construidras da fatschadas procuran per ina cumparsa estetica ed attractiva d’in edifizi. Els cuvran fatschadas cun materials sco fibrocement, lain, metal, crap natiral u vaider. Avant quai installeschan els subconstrucziuns ed isolaziuns cunter la chalur.

Lavurs

Cun lur lavur protegian construiders e construidras da fatschadas ils edifizis cunter l’umiditad, la chalur ed il fraid. Tar tut quai lavuran els cun differents materials: fibrocement e lain, cheramica e metal sco era crap natiral e vaider.

Las preparaziuns ed ils scleriments avant la construcziun da fatschadas èn fitg impurtants. Sin basa da plans calculeschan construiders da fatschadas il material duvrà e preparan ils meds auxiliars. Els endrizzan il plazzal ed organiseschan ils process da lavur.

Construiders da fatschadas creeschan ina subconstrucziun or d’aluminium, atschal, lain u fibra da vaider. Sin quai monteschan els l’isolaziun cunter la chalur cun agid dal sistem da fixaziun adequat. Els monteschan era isolaziuns cunter la canera, protecziuns cunter incendis e moduls solars. Tar tut quai resguardan els las prescripziuns valaivlas e sa tegnan vi da las instrucziuns.

Construiders da fatschadas exequeschan las cuvridas cun plattas planivas e profiladas, squamadas u smatgadas. Els enconuschan ils materials duvrads e san cura che tge material vegn utilisà.

Construiders da fatschadas èn era responsabels per sanaziuns d’edifizis vegls. Cun meglras isolaziuns cunter la chalur gidan els da spargnar custs da stgaudament.

Construiders da fatschadas lavuran sin puntanadas. Els enconuschan ils privels dal plazzal e resguardan adina las prescripziuns davart la segirezza da la lavur e la prevenziun d’accidents.

Scolaziun

Basa legala

Ordinaziun federala 21-10-2016

Durada

3 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs en bloc a la scola professiunala a Uzwil/SG

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • installaziun da stresas e sistems vi da paraids e mirs exteriurs
  • planisaziun e preparaziun da las lavurs da construcziun da fatschadas
  • tschentar, mantegnair e reparar ils sistems da construcziun da fatschadas
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "construider / construidra da fatschadas AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • enclegientscha tecnica
  • imaginaziun spaziala
  • esser senza sturnizi
  • abilitad da lavurar en in team
  • plaschair vi da la lavur en il liber

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis

Furmaziun da basa scursanida

emprendissadi supplementar d’in onn sco isolader / isoladra AFQ, sco tetger / tetgera AFQ u sco constructur / constructura da puntanadas AFQ, emprendissadi supplementar da dus onns sco montader / montadra da storas AFQ u sco toler / tolera AFQ

Examen professiunal (EP)

cun diplom federal: manader / manadra da construcziun da paraids e mirs exteriurs, cussegliader energetic / cussegliadra energetica en edifizis u manader / manadra da project en montascha d’installaziuns dal current solar

Examen professiunal superiur (EPS)

maister / maistra en policonstrucziun

Scola spezialisada superiura (SSS)

curs da furmaziun en domenas sumegliantas, p. ex. tecnicist / tecnicista SSS surveglianza da construcziun

Scola auta spezialisada (SAS)

direcziuns da studi en roms sumegliants, p. ex. Bachelor of Science SAS en tecnica da construcziun (direcziun paraids e mirs exteriurs) a la scola auta a Lucerna

Cundiziuns da lavur

Construiders da fatschadas lavuran en manaschis da la branscha da paraids e mirs exteriurs d’edifizis u en uschenumnads manaschis maschadads (mirs exteriurs d’edifizis e tolaria).

Quai èn per ordinari manaschis pitschens u mesauns.

Construiders da fatschadas pon era lavurar en manaschis d’industria che fabritgeschan products per paraids e mirs exteriurs.

Ulteriuras infurmaziuns

Uniun Polybau
Lindenstr. 4
Postfach
9240 Uzwil
Tel: 071 955 70 41
URL: www.polybau.ch





orientamento.ch