Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Practicist / Practicista da construcziun da puntanadas AFP

Practicists e practicistas da construcziun da puntanadas erigian e demonteschan puntanadas. Grazia a lur lavur pon auters spezialists da construcziun lavurar vi da fatschadas e tetgs.

Lavurs

Cun lur lavur procuran practicists e practicistas da construcziun da puntanadas ch’auters spezialists da construcziun pon exequir lur lavurs vi da fatschadas e tetgs. Els monteschan e demonteschan puntanadas vi da fatschadas, auzaders da construcziun, tetgs provisorics e puntanadas spezialas. Els segireschan las puntanadas cun tschabargals e raits da protecziun.

Practicists da construcziun da puntanadas preparan il material per il transport al plazzal e chargian ils vehichels. Sin il plazzal stgargian els la tocca da construcziun greva dal camiun e la portan tar l’edifizi. Durant la construcziun d’ina puntanada da fatschadas vegnan ils elements da rom e las plattas da cuvrida tanschidas ensi d’in lavurer a l’auter.

Era la montascha e la demontascha da passarellas provisoricas, tribunas, cumposiziuns da plattafurmas ed autras construcziuns temporaras tutgan tar ils pensums da practicists da construcziun da puntanadas.

Practicists da construcziun da puntanadas lavuran savens a l’autezza e ston perquai esser senza sturnizi. Els enconuschan ils ristgs e privels dal plazzal. Perquai resguardan els adina las prescripziuns davart la segirezza da la lavur. Els èn cunresponsabels ch’il plazzal restia en urden, net e segir.

Scolaziun

Basa legala

Ordinaziun federala 21-10-2016

Durada

2 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs en bloc a la scola professiunala a Uzwil/SG

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • installaziun da stresas e sistems vi da paraids e mirs exteriurs
  • montar e demontar lavurs da construcziun da puntanadas
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attestat federal professiunal "practicist / practicista da construcziun da puntanadas AFP"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • enclegientscha tecnica
  • sanadad robusta
  • flexibilitad corporala
  • esser senza sturnizi
  • abilitad da lavurar en in team

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis

Construider / Construidra da puntanadas AFQ

Practicists da construcziun da puntanadas AFP pon frequentar ina furmaziun scursanida sco construider / construidra da puntanadas AFQ (entrada al 2. onn da furmaziun da basa).

Suenter quai han els las medemas pussaivladads da furmaziuns supplementara sco construiders / construidras da puntanadas AFQ.

Cundiziuns da lavur

Practicists da construcziun da puntanadas lavuran en manaschis da la branscha da paraids e mirs exteriurs d’edifizis ed en manaschis d’isolaziun. Quai èn per ordinari manaschis pitschens u mesauns.

Practicists da construcziun da puntanadas pon era lavurar en manaschis d’industria che fabritgeschan products per paraids e mirs exteriurs.

Ulteriuras infurmaziuns

Uniun Polybau
Lindenstr. 4
Postfach
9240 Uzwil
Tel: 071 955 70 41
URL: www.polybau.ch




orientamento.ch