Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Elavuratur / Elavuratura da lain AFP

Elavuraturas ed elavuraturs da lain gidan a producir e montar products mezfinì e fabricats finì da lain. Lur products pacheteschan e magasineschan els a moda professiunala.

Lavurs

Elavuraturas ed elavuraturs da lain lavuran en interpresas da la construcziun en lain u da l’industria da lain. Els elavuran la materia prima lain a fabricats ed elements da construcziun. En questa furmaziun da basa vegn differenzià tranter ils dus accents da scolaziun industria resp. manaschi e construcziun. Tut tenor l'accent elegì sa differenzieschan las lavurs.

Elavuraturs da lain cun l'accent industria lavuran en manaschis da splanar, manaschis per elements prefabritgads u resgias. Cun agid da maschinas grondas fan els per exempel or da bists travs, aissas u lattas da differenta lunghezza, ladezza e furma. Els pacheteschan ils fabricats da lain tenor incumbensa, als magasineschan ed als transportan a moda professiunala.

Elavuraturs da lain cun accent manaschi e construcziun lavuran per exempel en manaschis da construcziun en lain u lainarias. Els sustegnan teams che produceschan entiras construcziuns or da travs, aissas u lattas. Els gidan era da montar ils elements da lain sin il plazzal e d'eriger ils tetgals.

Elavuraturs da lain lavuran cun maschinas ed utensils a maun u maschinas staziunaras, e quai a moda segira ed effizienta. Maschinas staziunaras èn per exempel maschinas da splanar, resgias radundas, maschinas da stgavorgiar u resgias circularas. Tar las maschinas ed ils utensils a maun tutgan p.ex. resgias a motor, fresas a maun e maschinas da mular.

Durant la lavur resguardan elavuraturs da lain las prescripziuns da la protecziun da l’ambient, da la protecziun da la sanadad, da la segirezza da la lavur e da la prevenziun d’incendis. Els enconuschan ils privels en lur professiun e protegian sasez e lur collavuraturs cun resguardar las prescripziuns da segirezza, cun prender mesiras en connex cun la prevenziun d’incendis e cun purtar l’equipament da protecziun persunal.

Scolaziun

Basa legala

Ordinaziun federala 23-8-2010

Durada

2 onns

Accents

  • industria
  • manaschi e construcziun

Furmaziun en la pratica

En in'interpresa d’elavuraziun da laina

Furmaziun en scola

1 di l'emna a la scola professiunala

Roms professiunals

  • lain, guaud e branscha
  • producziun
  • segirezza da la lavur, protecziun da l’ambient, protecziun da la sanadad, prevenziun d’incendis
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "elavuratur / elavuratura da lain AFP"

Premissas

Furmaziun preliminara
  • scola populara terminada
Pretensiuns
  • inschign manual
  • imaginaziun dal spazi
  • enclegientscha tecnica
  • fitg buna abilitad da lavurar en in team
  • sanadad robusta
  • forza corporala e movibladad

Furmaziun supplementara

Curs

purschidas da scolas spezialisadas e professiunalas sco era da l’Associaziun da la Construcziun en lain Svizra

Attestat federal da qualificaziun AFQ

Elavuraturs da lain AFP pon frequentar suenter il diplom ina furmaziun da basa sco resgiader en l’industria da lain AFQ u lainari AFQ. Suenter han els las medemas pussaivladads da furmaziun supplementara sco lainaris AFQ resp. resgiaders AFQ.

Cundiziuns da lavur

Elavuraturs da lain lavuran en interpresas da la construcziun en lain u en la branscha da resgias, en manaschis da colla, da splanar, d’aissas, da palettas u d’impregnar sco er en la construcziun cun lain collà e fabricas da saiv.

Ulteriuras infurmaziuns

Construcziun en lain Svizra
Schaffhauserstr. 315
8050 Turitg
Tel: 044 253 63 93
URL: www.holzbau-schweiz.ch

Industria da lain Svizra
Mottastrasse 9
3000 Berna 6
Tel: 031 350 89 89
URL: www.holz-bois.ch



orientamento.ch