Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Practicist da scrinari / Practicista da scrinaria AFP

Practicistas da scrinarias e practicists da scrinaris AFP fan simplas lavurs da scrinari sin il plazzal. Els elavuran lain ed auters materials e monteschan elements da construcziun tenor plans.

Lavurs

Practicistas da scrinarias e practicists da scrinaris AFP enconuschan las pli impurtantas tecnicas per elavurar lain e material da lain. En la scrinaria gidan els a fabritgar elements da construcziun. Els gliman la tocca da lain, la preparan per il vernischadi e monteschan enferradira sco per exempel maniglias. Els lavuran en in team u exequeschan las lavurs a moda autonoma.

Cuntrari als scrinaris na dissegnan practicists da scrinaris nagins plans. Els fan però simplas skizzas e san leger ed interpretar dissegns da lavur e plans da montascha.

Practicists da scrinaris preparan la montascha. Els mettan a disposiziun ils materials necessaris, guaffens e meds auxiliars e chargian ils vehichels da transport. Sin il plazzal monteschan els la tocca da construcziun tenor las ordinaziuns dals superiurs. Latiers resguardan els las normas e prescripziuns da l'ambient valaivlas. Vers lur clientella sa cumportan els a moda correcta.

Practicists da scrinaris enconuschan materials e meds auxiliars che vegnan utilisads en la scrinaria. Ils divers materials da lain elavuran els cun sentiment. Meds auxiliars sco colla, palpiri da vaider, vernisch e tschaira dovran els a moda professiunala.

Practicists da scrinaris elavuran il lain cun guaffens e maschinas. Sch'ils guaffens e las maschinas na vegnan betg utilisads a moda correcta, po quai esser privlus. Els lavuran perquai a moda attenta e persequiteschan strictamain las prescripziuns da segirezza da lavur e da la protecziun da la sanadad. Uschia na protegian els betg mo sa sezs, mabain era lur collavuraturs.

Scolaziun

Basa legala

Ordinaziun federala 1-12-2005 cun midadas 15-11-2012

Durada

2 onns

Accents

  • scrinaria
  • construcziun da fanestras

Furmaziun en la pratica

En ina scrinaria u en in lavuratori d'emprendissadi (Basilea, Berna u Samedan, mintgamai mo la direcziun scrinaria)

Furmaziun en scola

1 di l'emna a la scola professiunala

Roms professiunals

  • tecnica da construcziun (segirezza da lavur, resursas dal manaschi, montascha / furniziun)
  • enconuschientscha da materials (materials, protecziun da l'ambient / ecologia)
  • planisaziun (dissegn tecnic, calculaziuns, administraziun)
  • Curs ordaifer il manaschi

    Emprender ed exercitar a moda pratica las basas professiunalas

    Diplom

    Attest federal professiunal "practicist da scrinari / practicista da scrinaria AFP"

Premissas

Furmaziun preliminara
  • scola populara terminada
Pretensiuns
  • inschign manual
  • buna imaginaziun dal spazi
  • lavur precauta ed exacta
  • buna sanadad (naginas allergias da pulvra e chemicalias)

Furmaziun supplementara

Curs

purschidas da l'Associaziun svizra dals maister scrinaris e fabricants da mobiglias ASSFM

Scrinari / scrinaria AFQ

Practicists da scrinaris pon far ina furmaziun da basa scursanida sco scrinari AFQ (access al segund onn da la furmaziun da basa).

Suenter han els las medemas pussaivladads da furmaziun supplementara sco scrinaris AFQ.

Cundiziuns da lavur

Practicists da scrinaris AFP lavuran en scrinarias ed auters manaschis ch'elavuran lain, oravant tut en manaschis mesauns e gronds, nua che las lavurs sa repetan. Darar lavuran els en manaschis pitschens ch'exequeschan lavurs individualas.

Practicists da scrinaris AFP fidads han bunas schanzas sin il martgà da lavur.

Ulteriuras infurmaziuns

Associaziun svizra dals maister scrinaris e fabricants da mobiglias ASSFM
Gladbachstr. 80
Chascha postala
8044 Turitg
Tel: 044 267 81 00
URL: www.schreiner.ch

LBB Manaschi
d'emprendissadi Basilea
4012 Basilea
Tel: 061 295 24 24
URL: www.lbb.info

Scola spezialisada tecnica Berna
Lorrainestr. 3
3013 Berna
Tel: 031 337 37 37
URL: www.tfbern.ch

Lavuratori d'emprendissadi engiadinais per scrinaris
Tel: 081 851 09 90
7503 Samedan
URL: www.lehrwerkstatt.ch

Revista professiunala:
URL: www.schreinerzeitung.ch



orientamento.ch