?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Le perturbazioni tecniche degli ultimi giorni sono state risolte. Il portale è nuovamente disponibile e completamente funzionante.

Practicist forestal / Practicista forestala AFP

Practicists forestals e practicistas forestalas derschan plantas, fan plantaziuns e tgiran il guaud. Els lavuran per la construcziun e per il mantegniment da vias da guaud u segireschan spundas sco er auals. Els lavuran sut la direcziun da lur schefs.

Lavurs

Els exequeschan suandantas lavurs:

  • tgirar plantas e far plantaziuns
  • derscher plantas cun resgias a motor e turns da suga, allontanar la roma e tagliar il bist
  • allontanar zerclim e chalias che disturban per che plantas giuvnas hajan avunda plaz e glisch
  • proteger plantas gist emplantadas dad animals, p. ex. cun in chanaster da fildarom
  • gidar tar la construcziun da vias da guaud, da segirar spundas e d’eriger rempars da lavinas sin ils culms
  • scriver in rapport da lavur davart las lavurs prestadas
  • resguardar las prescripziuns da segirezza:  preparar conscienziusamain las lavurs e trair en la dretga vestgadira da lavur - per exempel ina chapellina, egliers da protecziun e guants
  • tgirar e nettegiar ils guaffens ed ils apparats

Scolaziun

Basa legala

Ordinaziun federala 1-1-2018

Durada

2 onns

Furmaziun en la pratica

En ina interpresa forestala publica u privata u en in manaschi forestal

Furmaziun en scola

Per regla curs da bloc a la scola professiunala

Roms professiunals

  • exequir lavurs cun laina cun agid da proceders motormanuals
  • utilisar e tgirar meds da lavur
  • resguardar las prescripziuns da la protecziun da la sanadad e da l’ambient sco er da la segirezza da la lavur
  • exequir la tgira da guauds giuvens e plantaziuns
  • Curs ordaifer il manaschi

    lainaria e meds da lavur per il mantegniment, agid d’urgenza per il persunal forestal, tgira dal guaud

    Diplom

    Attest federal professiunal "practicist forestal / practicista forestala AFP"

Premissas

Furmaziun preliminara
  • scola populara terminada cun pretensiuns da basa
  • fufragnadi vegn recumandà
Pretensiuns
  • plaschair da lavurar en il liber
  • bun dun d’observar la natira
  • senn da responsabladad per lavurs privlusas (ristga d’accidents)
  • buna sanadad per lavurs en il liber da tutt’aura
  • forza corporala
  • enclegientscha pratica
  • enclegientscha tecnica per la lavur cun apparats e maschinas
  • abilitad da lavurar en ina gruppa
  • supplementarmain: examinaziun corporala tras in medi

Furmaziun supplementara

Curs

purschidas da centers da furmaziun per selvicultura ed agricultura, da federaziuns e d’organisaziuns per la protecziun da l’ambient; ina survista dals curs porscha Codoc

Bostger / Bostgera AFQ

practicists forestals / practicistas forestalas AFP pon far ina furmaziun scursanida sco bostger / bostgera AFQ cun attestat federal da qualificaziun (access al 2. onn da furmaziun).

Suenter han els las medemas pussaivladads da furmaziun supplementara sco bostgers / bostgeras AFQ.

Cundiziuns da lavur

Practicists forestals lavuran per manaschis forestals privats e publics u en champs da lavurs sumegliants, per exempel en l’industria da laina, orticultura e cuntrada u sin il sectur ambiental. Practicists forestals lavuran per gronda part en il liber ed èn suttaposts a tut las influenzas da l’aura. Lur lavur è corporalmain fitg stentusa.

Ulteriuras infurmaziuns

Codoc
Koordination und Dokumentation Bildung Wald
Hardernstr. 20
Postfach 339
3250 Lyss
Tel: 032 386 12 45
URL: www.waldberufe.ch




orientamento.ch