Lavurs
Lur lavurs èn las suandantas:
Rimnar laina
- plazzar tavlas per segirar il territori
- endrizzar la plazza da lavur, pia il tagl da laina
- chattar bostgs per derscher , p.ex. bostgs malsauns u ruts
- determinar la direcziun da crudada per ils bostgs
- pinar bostgs, p.ex. resgiar crennas en ils bostgs
- tagliar la roma
- decumponer e furmar bists cun la resgia a motor u cun auters urdains
- rumir il tagl da laina sut surveglianza, p.ex. transportar davent roma e bostgs
Tgirar e proteger il guaud
- differenziar las 10 spezias da bostgs las pli impurtantas d'ina regiun, enconuscher lur caracteristicas e savair, co che lur lain vegn duvrà
- preparar plantinas per far emplantaziuns
- proteger las plantinas durant il transport e durant il deposit
- preparar la surfatscha per emplantar las plantinas sut instrucziun
- tgirar las plantinas emplantadas
Mantegnair urdains e materials
- tegnair en urden ils urdains ed il material
- nettegiar la resgia a motor e remplazzar las parts ruttas
- nettegiar, unscher e gizzar la chadaina da la resgia a motor
Scolaziun
Durada
2 onns
Furmaziun en la pratica
en in manaschi forestal public u privat ubain en ina interpresa forestala
Furmaziun en scola
per regla curs da bloc en la scola professiunala spezialisada
Roms professiunals
- exequir lavurs da lainaria en process a motor a maun
- duvrar e mantegnair ils meds da lavur
- observar las prescripziuns per proteger la sanadad e l'ambient sco er per garantir la segirezza a la lavur
- exequir la tgira dal guaud giuven e lavurs d'emplantaziun
Curs ordaifer il manaschi
emprender, approfundar ed exercitar las basas professiunalas, 32 dis durant 2 onns
Diplom
Practicist forestal / Practicista forestala AFP
Premissas
Furmaziun preliminara
- terminà la scola obligatorica
Pretensiuns
- plaschair da lavurar en il liber
- buna observaziun da la natira
- conscienza per lavurs privlusas (ristga d'accidents)
- buna sanadad per lavurar da tuttas auras sut tschiel avert
- forza corporala
- chapientscha per lavurs praticas
- chapientscha tecnica per lavurs cun urdains e cun maschinas
- abilitad da lavurar en in team
Furmaziun supplementara
Curs
purschidas da scolas spezialisadas e da scolas professiunalas spezialisadas
Emprendissadi supplementar
Practicistas forestalas e practicists forestals AFP pon per regla far in emprendissadi scursanì sco Bostger / Bostgera AFQ.
Suenter pon vegnir absolvidas las medemas furmaziuns supplementaras sco per Bostger / Bostgera AFQ.
Cundiziuns da lavur
Practicistas forestalas e practicists forestals lavuran en teams durant l'entir onn e da tuttas auras sut tschiel avert. Ellas ed els lavuran sut la surveglianza da bostgeras e bostgers. Durant lur lavur portan ellas ed els in equipament da segirezza luminus.
Practicistas forestalas e practicists forestals lavuran tar vischnancas, tar chantuns u tar interprendiders privats da l'industria da laina sco er en l'orticultura da cuntrada e dad iert.
Ulteriuras infurmaziuns
OdML forestal Svizra
3250 Lyss
URL: www.oda-wald.ch