Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Lainari / Lainaria AFQ

Lainaris e lainarias construeschan e saneschan ils interiurs e las parts dadora da divers edifizis da lain. Els èn responsabels per la producziun e per la fabricaziun dals elements singuls fin a la montascha al lieu.

Lavurs

Lainaris e lainarias èn las persunas dal fatg per edifizis da lain da tut gener. Els auzan tetgaglias, bajegian chasas da lain, clavads e hallas da sport e construeschan punts e fatschadas. Els construeschan stgalas, ischs e portas, tavlegian paraids e funds, mettan palantschieus sura, installeschan fanestras ed isoleschan paraids e tetgs. Tut tenor diever elegian els il lain adattà ed al elavuran fin al product final.

Lainaris dissegnan e construeschan elements da construcziun a maun u al computer cun agid da CAD. Tut ils elements – travs, lattas, plattas da fibras da lain, plattas cumprimidas e plattas da lain cruschà – vegnan transferids dal plan da construcziun sin il lain. En in proxim pass vegnan ils elements resgiads, fresads, splanads e furads. En il lavuratori prefabritgeschan els era elements sco entirs funds ed entiras paraids. Latiers tutga era d'installar cabels e lingias e da laschar chavas per fanestras e chamins. Ozendi han els per quest intent maschinas modernas: resgia, fresa, splauna da trav, splauna, maschinas da stgalprar e furar.

Ils elements preparads monteschan ils lainaris silsuenter sin il plazzal. En lavur da team collian els ils elements cun struvas e guttas. Indispensabel èsi per mintga lainari da lavurar exact ed en buna collavuraziun cun il team al plazzal, mintga acziun sto seser. Il product final po esser ina tetgaglia, ina chasa entira u ina stgala.

Sper lur lavur da construir edifizis novs e da far construcziuns d’interiurs renoveschan ils lainarias era chasas veglias. Ultra da quai isoleschan els edifizis ed èn versads en products da cleantech. Lainaris san montar sistems da fotovoltaica e da solar.

Lainaris èn conscients dals privels en lur professiun e sa protegian bain. En il mintgadi da lavur resguardan els normas e reglaments che han da far cun la segirtad, prendan mesiras per evitar accidents e portan l’equipament da protecziun. Els respectan reglaments da protecziun da l’ambient e dismettan il material restant tenor prescripziun.

Scolaziun

Basa legala

Ordinaziun federala dals 5-8-2013 (Versiun dal 1-1-2018)

Durada

4 onns

Furmaziun en la pratica

En ina lainaria resp. en ina interpresa da construcziun en lain

Furmaziun en scola

1 di per emna a la scola professiunala

Roms professiunals

  • preparar las lavurs
  • prefabritgar elements da construcziun
  • auzar las construcziuns da lain
  • prefabritgar elements da construcziun
  • montar stresas da protecziun edisolaziuns
  • montar tavlegiadas / sutconstrucziuns
  • montar elements prefabritgads
  • Curs ordaifer il manaschi

    Emprender ed exercitar en moda pratica las basas professiunalas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "lainari / lainaria AFQ"

Premissas

Furmaziun preliminara
  • scola obligatorica terminada cun prestaziuns mesaunas u grondas
Pretensiuns
  • inschign manual
  • imaginaziun dal spazi
  • chapientscha tecnica
  • gronda abilitad da lavurar en in team
  • sanadad robusta
  • forza corporala e movibladad
  • nagin sturnizi

Furmaziun supplementara

Curs

purschidas da scolas spezialisadas e professiunalas sco era da l’Associaziun svizra dals maisters scrinaris e fabricants da mobiglias ASSFM

Furmaziun da basa scursanida

p.ex. scrinari / scrinaria AFQ, dissegnader / dissegnadra AFQ

Examen professiunal (EP)

polier / poliera da construcziuns en lain cun certificat professiunal federal,
capolavurer / capolavurera da construcziuns en lain cun certificat professiunal federal
spezialist / spezialista da lain cun certificat professiunal federal

Examen professiunal superiur (EPS)

maister / maistra da construcziuns en lain

Scola spezialisada superiura (SSS)

tecnicist / tecnicista dipl. SSS en tecnica da laina, approfundaziun construcziuns en lain

Scola auta spezialisada (SAS)

studis en secturs spezials parentads, p.ex. Bachelor of Science (SAS) en tecnica da laina, architectura u inschigneria per fatgs da construcziun

Cundiziuns da lavur

Lainaris e lainarias lavuran en lainarias, interpresas da construcziun en lain sco era en interpresas da construcziun auta e bassa.

Ulteriuras infurmaziuns

Holzbau Schweiz
Schaffhauserstr. 315
8050 Turitg
Tel: +41 44 253 63 93
URL: www.holzbau-schweiz.ch

Revista professiunala:
"Wir Holzbauer"
"First"



orientamento.ch