Lavurs
Practicists e practicistas d’isolaziuns gidan a far tetgs plats impermeabels en cas da plievgia. Per quai cuvran els chavas e passagis cun differentas materialias. Els utiliseschan bitum, asfalt culà u materia sintetica.
Sin il tetg plat tschentan els sdrimas da bitum. Els stgaudan il material cun in brischader da gas e buglian uschia ensemen las sdrimas.
Era terrassas, penslas e tschalers tutgan tar ils secturs da lavur da practicists d’isolaziuns. Paraids da tschaler fan els impermeablas cun coluradas e material d’isolaziun uschia che l’aua sutterrana na po betg entrar. Els construeschan era cuvridas passablas per terrassas e las verdineschan.
Mintgatant ston practicists d’isolaziun leger plans e calcular las mesiras che vegnan utilisadas per pudair tschentar las sdrimas d’isolaziun.
Practicists d’isolaziun enconuschan las ristgas ed ils privels sin in plazzal. Els èn cunresponsabels ch’il plazzal restia en urden, net e segir. Els lavuran savens a l’autezza e ston perquai esser senza sturnizi.
Durant la lavur resguardan practicists d’isolaziuns las prescripziuns davart la segirtad. Materialias restantas e rument magasineschan ed allontaneschan els a moda adattada a l’ambient.
Scolaziun
Basa legala
Ordinaziun federala 21-10-2016
Durada
2 onns
Furmaziun en la pratica
En in manaschi da la branscha da paraids e mirs exteriurs d’edifizis
Furmaziun en scola
Curs en bloc a la scola professiunala a Uzwil/SG
Roms professiunals
- prescripziuns e mesiras davart la segirezza da lavur e la protecziun da la sanadad e da l’ambient
- installaziun da stresas e sistems vi da paraids e mirs exteriurs
- tschentar ils sistems d’isolaziun
Curs ordaifer il manaschi
Emprender ed exercitar a moda pratica la basa professiunala
Diplom
Attestat federal professiunal "practicist / practicista d’isolaziuns AFP"
Premissas
Furmaziun preliminara
- scola populara terminada
Pretensiuns
- inschign manual
- enclegientscha pratica
- enclegientscha tecnica
- sanadad robusta
- flexibilitad corporala
- esser senza sturnizi
- abilitad da lavurar en in team
Furmaziun supplementara
Curs
purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis
Isolader / Isoladra AFQ
Practicists d’isolaziun AFP pon frequentar ina furmaziun scursanida sco isolader / isoladra AFQ (entrada al 2. onn da furmaziun da basa).
Suenter quai han els las medemas pussaivladads da furmaziuns supplementara sco isoladers / isoladras AFQ.
Cundiziuns da lavur
Practicists d’isolaziuns lavuran en manaschis da la branscha da paraids e mirs exteriurs d’edifizis ed en manaschis d’isolaziun. Quai èn per ordinari manaschis pitschens u mesauns.
Practicists d’isolaziuns pon era lavurar en manaschis d’industria che fabritgeschan products per paraids e mirs exteriurs.
Ulteriuras infurmaziuns
Uniun Polybau
Lindenstr. 4
Postfach
9240 Uzwil
Tel: 071 955 70 41
URL: www.polybau.ch