Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Tecnolog / Tecnologa da vin AFQ

Tecnologs e tecnologas da vin elavuran ivas alvas e blauas a different vin. Els èn responsabels per il torclar, la fermentaziun, la tgira, la producziun, l’embuttigliada e la commerzialisaziun da lur products.

Lavurs

Els exequeschan suandantas lavurs:
Elavurar las ivas

Controllas las ivas furnidas
  • allontanar ils monis da la rasina cun maschinas da sgranellar e smatgar las ivas tier la maischa (maschaida or da suc, pulpa da fritg, pels da l’iva e sems)
  • tar la producziun da vin alv: emplenir il most en butschins u tancs, là ha lieu la fermentaziun alcoholica
  • tar la producziun da vin cotschen: fermentar l’entira maischa fermentada ed alura la pressegiar, per ch'ils colurants ed ils tannins necessaris per il vin cotschen possian vegnir statgads da las pels da l’iva
Survegliar il process da la fermentaziun e tgirar il vin
  • controllar durant il process da fermentaziun la temperatura ed il cuntegn da zutger
  • survegliar la fasa da decumposiziun biologica d’acid cun il microscop e cun metodas chemicas
  • degustar il vin, per valitar il svilup cun ils egls, cun il nas e cun la bucca
  • decider cura e co il vin vegn deponì e tgirà vinavant
  • definir per mintga sort, mintg’annada e per mintga tip da vin ina strategia
Manischar maschinas
  • manischar pressas e pumpas, separaturs, indrizs da sfradentar, filtrar e stgaudar
  • lavurar cun maschinas da nettegiar, emplenir ed etichettar
  • nettegiar tut ils recipients e las maschinas a moda conscienziusa per ch’il vin na giaja betg en mal
  • survegliar las maschinas ed eliminar disturbis

Scolaziun

Basa legala

Ordinaziun federala 8-5-2008 (stadi dal 22-10-2019)

Durada

3 onns

Furmaziun en la pratica

En in manaschi da commerzi da vin u en in tschaler da vin

Furmaziun en scola

Pliras emnas curs da bloc al Strickhof, Au Turitg

Roms professiunals

  • elavuraziun (producir ivas; torclar ivas; tgirar e producir vins; embuttigliar vins; vender vins)
  • mecanisaziun ed indrizs tecnics (endrizzar e mantegnair maschinas ed indrizs); nizzegiar e mantegnair edifizis e stabiliments)
  • conturn da lavur (chapir connexs da l’economia da manaschi, da la politica, dal dretg e da la natira en il conturn da lavur)
  • rom facultativ
  • Curs ordaifer il manaschi

    Segirezza da la lavur e protecziun da la sanadad, igiena e segirezza da la qualitad, utilisaziun da vehichels d’auzar, tecnologia da vin

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "tecnolog / tecnologa da vin"

Premissas

Furmaziun preliminara
  • temp da scola obligatoric terminà
  • cun in attest federal professiunal agricul (AFP), cun in attestat federal da qualificaziun (AFQ) d’ina autra professiun u cun in examen da maturitad sa reducescha la furmaziun tar il tecnolog / la tecnologa da vin per regla sin 2 onns
  • cun in attestat federal da qualificaziun (AFQ) d’ina autra professiun agricula po la furmaziun tar il tecnolog / la tecnologa da vin sa reducir sin in onn
Pretensiuns
  • interess vi da la natira, la chemia, la biologia e la fisica
  • enclegientscha tecnica
  • talent d’organisar
  • bun dun d’observaziun
  • moda da lavurar conscienziusa, fin sentiment
  • bun nas e bun gust per degustar
  • senn per nettezza ed urden
  • abilitad da giuditgar e decider
  • buna sanadad (lavur en tschalers da vin fraids)

Furmaziun supplementara

Curs

purschida dal Strickhof, Au ZH, da ZHAW, Wädenswil, e da l’École d'Ingénieurs de Changins

Furmaziun supplementara

Suenter la finiziun da la furmaziun da basa po vegnir absolvida ina furmaziun da basa scursanida dad in onn en ina professiun agricula.

Examen professiunal (EP)

manader / manadra da gestiun tecnologia da vin u viticultura cun certificat professiunal federal u in auter examen professiunal en il sectur agricultura

Examen professiunal superiur (EPS)

maister tecnolog / maistra tecnologa da vin, maister viticultur / maistra viticultura u in auter examen professiunal en il sectur agricultura; tecnolog / tecnologa da victualias cun diplom federal

Scola spezialisada superiura (SSS)

tecnicist / tecnicista dipl. SSS tecnologia da victualias, agro-tecnicist / agro-tecnicista dipl. SSS, agro-commerziant / agro-commerzianta dipl. SSS, tecnicist  / tecnicista viticultura dipl. SSS

Scola auta spezialisada (SAS)

p.ex. Bachelor of Science (SAS) en onologia, en tecnologia da victualias, en biotecnologia u en agronomia. Tut tenor scola auta spezialisada valan differentas cundiziuns d'admissiun.

Cundiziuns da lavur

Tecnologs e tecnologas da vin lavuran en manaschis pli gronds da la producziun da vin e dal commerzi da vin, en torcleras u en firmas d’import.

I na dat betg bleras plazzas d'emprendissadi en questa professiun. Suenter la furmaziun professiunala da basa èn las schanzas sin il martgà da lavur en Svizra ed a l’exteriur bunas. Tranter multifaras furmaziuns supplementaras pon tecnologs e tecnologas da vin sa spezialisar sco maisters tecnolog s/ maistras tecnologas da vin u sco manaders / manadras da gestiun.

Ulteriuras infurmaziuns

OdA AgriAliForm
Laurstr.10
5201 Brugg AG
Tel: +41 56 462 54 40
URL: www.agri-job.ch

Strickhof
Lebensmitteltechnologie und Hortikultur
Seestrasse 295
8804 Au ZH
Tel: +41 58 105 94 00
URL: www.strickhof.ch

Vereinigung Schweizer Weinhandel
Zentralsekretariat
Amthausgasse 1
Postfach
3000 Bern 7
Tel: +41 58 796 99 55
URL: www.wineandspirit.ch



orientamento.ch