?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Tecnolog / Tecnologa da latg AFQ

Tecnologs e tecnologas da latg elavuran latg frestg e produceschan products da latg locals e regiunals. Els dirigian indrizs da producziun, mantegnan maschinas e controlleschan ils products. Ultra da quai cusseglian els la clientella e gidan en la vendita.

Lavurs

Els exequeschan suandantas lavurs:

Prender encunter furniziun da latg
  • prender encunter il latg che vegn furnids cun camiuns-cisterna
  • controllar la qualitad dal latg e magasinar il latg en in tanc per latg frestg
  • separar la groma dal latg cun centrifugas
  • pastorisar il latg cun al stgaudar (per ch’ins al possia conservar)
Producir chaschiel ad auters products
  • endrizzar  las maschinas da producziun per ils differents products
  • stgaudar il latg per la producziun dal chaschiel
  • agiuntar quagl e culturas da bacterias al latg per ch'el s'enquaglia
  • controllar ils garnis da chaschiel dal latg enquaglià ed observar cura ch'els han la dretga grondezza
  • observar la massa da chaschiel a moda precisa e documentar il process
  • planisar co las magnuccas vegnan magasinadas e tgiradas
  • guardar che tut ils products secundars pon vegnir reutilisads
Controllar la producziun
  • survegliar la producziun cun agid dals visurs
  • eliminar disturbis, controllar la qualitad dals products e far attenziun ch'i regia igiena perfetga
Lavurar en la vendita
  • cussegliar la clientella
  • vender products da latg

Scolaziun

Basa legala

Ordinaziun federala 11-10-2019

Durada

3 onns

Direcziuns

  • producziun da spezialitads da latg localas e regiunalas
  • cussegliar la clientella/vendita da products da latg
  • far analisas supplementaras
  • manar apparaturas da producziun
  • duvrar products secundars ord l'engrasch da portgs

Furmaziun en la pratica

en ina chascharia, en ina latgaria u en in manaschi industrial

Furmaziun en scola

1 di per emna a las scolas professiunalas Flawil, Sursee, Langnau i.E. u Posieux

Roms professiunals

Exequir ils process generals da l’elavuraziun da latg, producir products da latg specifics per il manaschi, exequir lavurs spezialas che stattan en connex cun il product e cun il manaschi, implementar las prescripziuns d’igiena e dal management da qualitad, respectar las prescripziuns da segirezza da lavur e da la protecziun da la sanadad e da l’ambient, enconuschientschas da la professiun e.a.

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "tecnolog / tecnologa da latg AFQ"

Premissas

Furmaziun preliminara
  • temp da scola obligatoric terminà
Pretensiuns
  • plaschair da s’occupar cun victualias
  • interess vi da process biologics
  • bun dun d’observar
  • bun nas e bun gust
  • enclegientscha tecnica
  • plaschair da lavurar cun maschinas
  • senn per igiena
  • buna sanadad (per gronda part lavur sin pe)
  • betg esser sensibel cun umiditad
  • esser pront da lavurar a temp irregular

Furmaziun supplementara

Curs

Purschidas da scolas spezialisadas, pussaivladad d’absolver praticums a l’exteriur

Examen professiunal (EP)

cun certificat professiunal federal:
p.ex. tecnolog / tecnologa da latg u tecnolog / tecnologa da victualias

Examen professiunal superiur (EPS)

p.ex. tecnolog da latg diplomà / tecnologa en la producziun da latg diplomada u tecnolog da victualias diplomà / tecnologa da victualias diplomada

Scola spezialisada superiura (SSS)

p.ex. tecnicist diplomà SSS / tecnicista diplomada SSS, direcziun tecnologia da victualias

Scola auta spezialisada (SAS)

Bachelor of Science (SAS) en tecnologia da victualias, approfundaziun Food Science & Management u Food and Beverage Innovation

Cundiziuns da lavur

Tecnologs da latg pon lavurar en differents manaschis, da la pitschna chascharia tar in manaschi da producziun industrial. Els lavuran er en la cumpra ed en la vendita ed en labors. Cun ina furmaziun supplementara correspundenta èsi pussaivel da lavurar sco cussegliader u en il sectur da commerzi en in manaschi industrial.

Las schanazas sin il martgà da lavur èn per tecnologs da latg en Svizra ed a l’exteriur fitg bunas. En Svizra vegnan mintg’onn scolads 120 tecnologs da latg. Tut tenor manaschi ston tecnologs en la producziun da latg lavurar a temp irregular.

Ulteriuras infurmaziuns

Schweizerischer Milchwirtschaftlicher Verein SMV
Berufsbildung
Gurtengasse 6
Postfach
3001 Bern
Tel: +41 31 311 31 82
URL: www.milchtechnologe.ch





orientamento.ch