Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Construider / Construidra da ventilaziuns AFQ

Construiders e construidras da ventilaziuns èn persunas dal fatg per la producziun e la montascha d’indrizs da ventilaziun e d’aria cundiziunada. Els mainan er tras lavurs da mantegniment e reparaturas.

Lavurs

Indrizs da ventilaziun e d’aria cundiziunada vegnan avant en tuttas furmas en edifizis. Là adempleschan els differents intents: Els mainan aria frestga en localitads serradas, fan ch’i dat ina temperatura interna equilibrada e reguleschan l’umiditad da l’aria e la pressiun da l’aria.

Tut tenor accent da lur furmaziun da basa s’occupan construiders e construidras da ventilaziuns cun la producziun u la montascha d’indrizs. Tar la producziun fabritgeschan els en il lavuratori ils singuls elements da construcziun tenor ils plans. Or da sturs construeschan els singulas parts dal sistem da ventilaziun. Els taglian il sturs, al storschan u rebattan ed al collian tras buglir, francar cun struvas u rebatter.

Sin il plazzal vegnan bajegiads ensemen ils elements tar in indriz. Construiders da ventilaziuns ferman ils bischens da ventilaziun ch’èn vegnids mess ensemen en la miraglia ed als enzuglian là nua ch’igl è necessari cun material d’isolaziun. Els installeschan ils motors, ils ventilaturs ed ils filters da l’indriz da controllar e reglar. Suenter avair terminà las lavurs da montascha mettan els en funcziun l’indriz e controlleschan schebain la circulaziun d’aria funcziunescha endretg e schebain las regulaziuns pertutgant temperatura ed umiditad da l’aria constattan.

Construiders da ventilaziuns èn er responsabels per il mantegniment regular e la reparatura d’indrizs da ventilaziun e d’aria cundiziunada. Tar sanaziuns cumpletteschan els indrizs existents per exempel cun in sistem da recuperaziun da la chalur che spargna energia.

Las lavurs da montascha fan construiders da ventilaziuns il pli savens en gruppas da dus, savens er en pli grondas squadras. Els enconuschan ils privels sin il plazzal e protegian sasezs ed il collavuraturs cun resguardar las prescripziuns da segirezza e cun purtar l’equipament da protecziun persunal.

Per betg periclitar l’ambient resguardan els las prescripziuns pertutgant la protecziun da l’ambient. Material da construcziun duvrà e material privlus per l’ambient dismettan els tenor las prescripziuns dal manaschi. Sper las lavurs praticas fan els er simplas lavurs administrativas. Els scrivan per exempel rapports da lavur ed emplainan formulars da material.

Scolaziun

Basa legala

Ordinaziun federala 12-12-2007

Durada

3 onns

Accents

  • lavuratori: construir sistems per la distribuziun d’aria
  • montascha: montar indrizs da ventilaziun e d’aria cundiziunada

Furmaziun en la pratica

En in manaschi da la branscha da ventilaziuns

Furmaziun en scola

di per emna a la scola professiunala

Roms professiunals

  • enconuschientschas professiunalas (administraziun, persistenza, segirezza da la lavur, aritmetica, basa da la chemia, basa da la fisica, material da fabricaziun, termologia, ero- ed idrodinamica, electrotecnica, reglas da mesirar-controllar, mesirar-controllar-reglar, elavuraziun da bischens, elements da construcziun e sistems, tecnica da montascha e da lavuratori, basa construcziun)
  • dissegn spezialisà
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "construider / construidra da ventilaziuns AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • enclegientscha tecnica
  • imaginaziun dal spazi
  • movibilitad corporala
  • sanadad robusta
  • abilitad da lavurar en in team

Furmaziun supplementara

Curs

purschidas da scolas spezialisadas e professiunalas, dals centers da furmaziun da suissetec, da la STF Winterthur sco er d’interpresas da la branscha da la tecnica d’edifizis

Furmaziun da basa scursanida

en ina professiun parentada, p.ex. toler / tolera AFQ, installatur / installatura da stgaudaments AFQ, installatur sanitar / installatura sanitara AFQ u planisader / planisadra da tecnica d’edifizis AFQ

Examen professiunal (EP)

cun certificat professiunal federal: schefmontader / schefmontadra ventilaziuns, manader da project / manadra da project tecnica d’edifizis, cussegliader energetic / cussegliadra energetica e.a.

Scola spezialisada superiura (SSS)

tecnicher / tecnicra dipl. SSS tecnica d’edifizis

Scola auta spezialisada (SAS)

Bachelor of Science (SAS) en tecnica d’edifizis

Cundiziuns da lavur

Construiders da ventilaziuns lavuran en manaschis da la branscha da ventilaziuns e d’aria cundiziunada. I sa tracta per gronda part da manaschis  pitschens e mesauns. En manaschis pli gronds sa spezialiseschan construiders da ventilaziuns sin in dals secturs lavuratori, montascha u servetsch.

In contract collectiv da lavur (CCL) per la branscha da tecnica d’edifizis svizra reglescha las relaziuns dal dretg da lavur tranter ils partenaris socials.

Las schanzas sin il martgà da lavur èn bunas per construiders da ventilaziuns.

Ulteriuras infurmaziuns

Schweizerisch- Liechtensteinischer Gebäudetechnikverband (suisstec)
Auf der Mauer 11
Postfach 1768
8021 Zürich
Tel: 043 244 73 00
URL: www.suissetec.ch
URL: www.toplehrstellen.ch

Revistas professiunalas:
"HK-Gebäudetechnik"
"Planer + Installateur"




orientamento.ch