Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Toler / Tolera AFQ

Tolers e toleras èn spezialists e spezialistas per lavurs da tola e d’isolaziun vi da las paraids e mirs exteriurs d’in edifizi. Els elavuran era tola satiglia e construeschan parachametgs.

Lavurs

Tolers e toleras guardan ch’ils edifizis sajan resistents a l’aura grazia a differents elements da construcziun: chanals da tetg, bischens da sbuccada, mantels da fatschada e da lucarna, culiers da chamins, curnischs e parachametgs.

La lavur da toler cumenza cun producir ils tocs singuls en il lavuratori. Là vegn elavurà la tola, profils, bischens, materials sintetics ed isolants. Sco muster dovran els plans e skizzas da construcziun. Tut tenor incumbensa visitan ils tolers il plazzal per prender mesiras e per far skizzas avant che cumenzar la lavur. Las mesiras vegnan transferidas sin la tola. Silsuenter vegn ella tagliada. Els storschan la tola en la furma giavischada e collian las parts singulas cun lutegiar, rebatter e buglir.

Mintgatant han ils tolers era da producir objects d’art applitgà sco pizs da turs, cots da clutgers e sbarbuts u reproducziuns d’ornaments vi d’edifizis protegids. Era fabritgar elements da construcziun per l’industria po tutgar tar lur lavurs.

Ils elements da construcziun preparads en il lavuratori monteschan ils tolers silsuenter sin il plazzal. Els lavuran da tutt’aura sut tschiel avert. Savens lavuran els en gronda autezza sin palancads e tetgs. Els enconuschan ils privels sin ils plazzals e protegian sasezs ed ils collavuraturs cun resguardar ils reglaments da segirtad. Els prendan mesiras per evitar accidents e portan l’equipament da protecziun persunal.

Els resguardan rigurusamain las prescripziuns da protecziun da l’ambient. Materialias utilisadas e material privlus per l’ambient vegnan dismess tenor prescripziun.

Sper las lavurs praticas exequeschan ils tolers era simplas lavurs administrativas. Els scrivan per exempel rapports da temp ed emplainan scrits da material.

Scolaziun

Basa legala

Ordinaziun federala 12-12-2007 cun midada dals 1-10-2014

Durada

3 onns

Furmaziun en la pratica

En ina stagnaria/tolaria

Furmaziun en scola

1 di per emna a la scola professiunala

Roms professiunals

  • Enconuschientschas professiunalas (administraziun, durabilitad, segirezza a la lavur, quints, curs fundamental chemia, curs da basa fisica, material da fabricaziun, tecnicas davart l’elavuraziun, elavuraziun da tola, tecnicas per fixar e montar, enconuschientschas da construcziun, tetgs cun pendenza, tetgs plats, mantels e cuvridas da tola satiglia, protecziun da fieu e da chametgs)
  • dissegnar professiunal
  • preparaziun da la lavur
  • Curs ordaifer il manaschi

    Emprender ed exercitar la basa professiunala a moda pratica

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "toler / tolera AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • imaginaziun dal spazi
  • movibladad corporala
  • sanadad robusta
  • avair nagina tema d’autezza
  • abel da lavurar en in team

Furmaziun supplementara

Curs

purschidas da scolas spezialisadas e professiunalas sco era dals Centers da furmaziun da suissetec, da la STF Winterthur (Scola svizra spezialisada tecnica) sco era d’interpresas da la branscha da tecnica d’edifizis

Furmaziun da basa scursanida

En ina professiun parentada, p.ex. construider / construidra da ventilaziuns AFQ u installatur sanitar / installatura sanitara AFQ

Examen professiunal (EP)

Cun certificat professiunal federal: polier toler / poliera tolera, manader / manadra da project per tecnica d’edifizis, manader / manadra da project per montaschas da solar, cussegliader / cussegliadra d’energia per edifizis t.a.

Examen professiunal superiur (EPS)

maister toler / maistra tolera

Scola spezialisada superiura (SSS)

tecnicist diplomà SSS en tecnica d’edifizis

Scola auta spezialisada (SAS)

Bachelor of Science (SAS) en tecnica d’edifizis u Bachelor of Science (SAS) en la domena d’inschigner / inschignera da construcziun cun approfundaziun construcziun da fatschadas e da metal

Cundiziuns da lavur

Tolers lavuran en tolarias, en interpresas da tolaria cun installaziuns sanitaras u en interpresas da tolaria e cuvratetgs. En general èn las interpresas pitschnas u da grondezza mesauna.

Il contract collectiv da lavur (CCL) per la branscha svizra da la tecnica d’edifizis reglescha las disposiziuns dal dretg da lavur dals partenaris socials.

Sin il martgà da lavur èn ils tolers spezialists tschertgads.

Ulteriuras infurmaziuns

Schweizerisch- Liechtensteinischer Gebäudetechnikverband (suissetec)
Auf der Mauer 11
Postfach 1768
8021 Zürich
Tel: 043 244 73 00
URL: www.suissetec.ch
URL: www.toplehrstellen.ch

Revista professiunala:
"HK-Gebäudetechnik"



orientamento.ch