Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Installatur / Installatura da stgaudaments AFQ

Installaturs ed installaturas da stgaudaments èn persunas dal fatg per la montascha d’indrizs da stgaudaments. Adina pli savens installeschan els sistems tecnics termics che vegnan mess en funcziun entras energias regenerablas. Els exequeschan er reparaturas.

Lavurs

Installaturs ed installaturas da stgaudaments monteschan differentas sorts da sistems da stgaudaments: radiaturs, stgaudaments da palantschieus, stgaudaments da distanza, indrizs da stgaudar aua, indrizs solars u indrizs da recuperaziun da chalur. Uschia garanteschan per chalur e bainesser en abitaziuns e locals da lavurar. Els procuran che la chalur sa derasia là nua ch'ella vegn duvrada.

Entras ina planisaziun exacta garanteschan las installaturas sanitaras la qualitad dumandada ed in decurs effizient. Ellas rimnan infurmaziuns, prendan mesiras, construeschan plans da lavuratori, dissegnan detagls da montascha e retschertgan il material necessari.

Sin fundament dils plans tschentan ils installaturs sanitars las lingias da l'aua chauda e  l'aua da sfradentar sin il plazzal. Els taglian bischens da metal, storschan quels en la dretga furma, taglian crennadiras e buglian singuls tocs da bischens. Il sistem da lingias isoleschan els encunter sperdita da chalur.

Installaturas sanitaras monteschan radiaturs, ventils da reglar, sondas da temperatura ed auters instruments. En tschaler resp. en la stanza da tecnica bajegian els ina pumpa da stgaudar u ina chaldera. Sper forza ed ina buna tecnica da purtar, dovra quai er ina buna lavur da team.

Cura che tut è collià mettan ils installaturs sanitars en funcziun ils indrizs. Els controlleschan schebain il sistem funcziunescha correctamain, schebain tut las lingias èn clausas e las regulaziuns da la temperatura èn correctas. Lura decleran els als clients l'utilisaziun da l'indriz.

Il mantegniment regular, sco reparaturas e sanaziuns d’indrizs da stgaudament, tutgan er tar las incumbensas d’installaturs da stgaudaments. En connex cun las lavurs administrativas emplainan els rapports da lavur,  scrivan protocols e documentaziuns. Uschia elavuran els la basa per la facturaziun e per il success economic da lur manaschi.

Sin il plazzal lavuran installaturs sanitars en dus u en teams pli gronds. Els enconuschan ils privels sin il plazzal e protegian sasez ed ils collavuraturs cun resguardar las prescripziuns da segirezza, cun prender mesiras davart la prevenziun d’accidents e cun purtar l’equipament da protecziun persunal. Tar tut las lavurs sa tegnan els vi da las prescripziuns davart la protecziun da l’ambient.

Scolaziun

Basa legala

Ordinaziun federala 1-7-2019

Durada

4 onns

Furmaziun en la pratica

En in manaschi da la branscha da stgaudaments u en in manaschi maschadà stgaudament-ventilaziuns-installaziuns sanitaras

Furmaziun en scola

1 di per emna a la scola professiunala

Cumpetenzas professiunals

  • Planisaziun da las lavurs
  • Montascha d'indrizs ed instruments tecnics termics
  • Installaziun da lingias ed armaturas
  • Montascha da cumponentas che dattan giu chalur
  • Messa en funcziun dad indrizs tecnics termics
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "installatur / installatura da stgaudaments AFQ"

Premissas

Furmaziun preliminara
  • scola populara terminada cun pretensiuns mediocras u autas
Pretensiuns
  • inschign manual
  • enclegientscha pratica
  • enclegientscha tecnica
  • imaginaziun dal spazi
  • movibilitad corporala
  • sanadad robusta
  • abilitad da lavurar en ina gruppa

Furmaziun supplementara

Curs

purschidas da scolas spezialisadas e professiunalas, dals centers da furmaziun da suissetec, sco er d’interpresas da la branscha da la tecnica d’edifizis

Furmaziun da basa scursanida

en ina professiun parentada, p.ex. construider / construidra da ventilaziuns AFQ, installatur sanitar / installatura sanitara AFQ u planisader / planisadra da tecnica d’edifizis AFQ

Examen professiunal (EP)

(mintgamai cun certificat professiunal federal) schefmontader / schefmontadra stgaudaments, spezialist / spezialista per sistems da chalur, controllader / controlladra da brischaders, cussegliader energetic / cussegliadra energetica edifizis, manader da project / manadra da project tecnica d’edifizis e. a.

Examen professiunal superiur (EPS)

maister / maistra da stgaudaments

Scola spezialisada superiura (SSS)

tecnicher / tecnicra dipl. SSS tecnica d’edifizis

Scola auta spezialisada (SAS)

Bachelor of Science (SAS) en tecnica d’edifizis

Cundiziuns da lavur

Installaturs da stgaudaments lavuran en manaschis d’installaziun da stgaudaments u en manaschis cumbinads stgaudament-ventilaziuns-installaziuns sanitaras. I sa tracta d’interpresas pitschnas, mesaunas u grondas. Els en per via sin plazzas u lavuran en il lavuratori da lur manaschi. Il pli lavuran els en dus u en teams pli gronds.

In contract collectiv da lavur (CCL) reglescha las relaziuns dal dretg da lavur tranter ils partenaris socials.

Ulteriuras infurmaziuns

Schweizerisch- Liechtensteinischer Gebäudetechnikverband (suissetec)
Auf der Mauer 11
Postfach 1768
8021 Zürich 1
Tel: 043 244 73 00
URL: www.suissetec.ch

Revistas professiunalas:
"HK-Gebäudetechnik"
"Planer + Installateur"




orientamento.ch