Lavurs
Lur lavurs èn las suandantas:
Preparar il restaurant
- preparar locals per ils giasts
- endrizzar plazs da lavur per preparar spaisas
- preparar las ingredienzas
- preparar la reclama, p.ex. scriver il menu dal di sin ina tavla
Administrar victualias e material
- prender encunter sco er controllar victualias e material ed endatar quels en in sistem
- magasinar victualias e material
- controllar il magasin e guardar, sch'insatge sto vegnir empustà
Preparar spaisas e bavrondas
- preparar apparats da cuschina sco mixer u maschina da tagliar
- preparar spaisas e bavrondas tenor recept
- preschentar en moda attractiva las spaisas e las bavrondas
- nettegiar ils apparats ed il plaz da lavur
- controllar e nudar la qualitad da las spaisas e da las bavrondas
Vender products ed assister giasts
- preschentar products
- tegnair net ils locals
- retschaiver, assister e dar adia a giasts
- servir giasts e cussegliar davart products
- vender products
- infurmar ils giasts davart las acziuns e far tavlas davart ils products, p.ex. cun maletgs e cun pretschs
- prender encunter e trametter resuns e reclamaziuns
Scolaziun
Durada
2 onns
Furmaziun pratica
en in manaschi da la gastronomia da sistem
Furmaziun en scola
1 di per emna en la scola professiunala spezialisada
Roms professiunals
- planisar process
- administrar products e servetschs
- preparar spaisas e bavrondas
- ulteriura lingua naziunala u englais
Curs ordaifer il manaschi
emprender, approfundar ed exercitar las basas professiunalas, 9 dis durant 2 onns
Diplom
Practicist / Practicista da la gastronomia da sistem AFP
Premissas
Furmaziun preliminara
- terminà la scola obligatorica
Pretensiuns
- abilitad da lavurar en in team
- plaschair da lavurar cun victualias e glieud
- senn commerzial
- senn exprimì per igiena
- abilitad da supportar squitsch en situaziuns hecticas
- moda da lavurar svelta
- prontezza da lavurar durant uras irregularas
- apparientscha cultivada
Furmaziun supplementara
Curs
purschidas da scolas professiunalas e da federaziuns professiunalas sco berufehotelgastro.ch u gastrosuisse.ch
Emprendissadi supplementar
Practicists / Practicistas da la gastronomia da sistem AFP pon per regla far in emprendissadi scursanì sco Spezialist / Spezialista da la gastronomia da sistem AFQ. Suenter pon vegnir absolvidas las medemas furmaziuns supplementaras sco per Spezialist / Spezialista da la gastronomia da sistem AFQ.
Cundiziuns da lavur
Practicistas e tecnicists da la gastronomia da sistem lavuran en chadainas da restaurants. Las persunas da questa professiun han bler contact cun giasts ed èn la gronda part dal temp en pe. L'ambient da lavur è savens canerus e hectic. Ellas han uras da lavur irregularas e lavuran er la saira, la fin d'emna u ils firads.
Practicistas e tecnicists da la gastronomia da sistem han bunas schanzas sin il martgà da lavur, perquai ch'il sectur da take-away è creschì fermamain ils ultims onns.
Ulteriuras infurmaziuns
Infurmaziuns davart la professiun e plazzas d'emprendissadi da la hotellaria e gastronomia
8046 Turitg
URL: www.berufehotelgastro.ch
GastroSuisse
8046 Turitg
URL: www.gastrosuisse.ch
HotellerieSuisse
3001 Berna
URL: www.hotelleriesuisse.ch
Infurmaziuns generalas:
URL: www.berufsberatung.ch
Tschertga da plazzas d’emprendissadi:
URL: www.berufsberatung.ch/lehrstellen