?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Assistent / Assistenta da mazlaria AFP

Assistentas ed assistents da mazlaria AFP elavureschan charn, produceschan products a basa da charn e vendan differents products da charn. Els lavuran cun cuntels gizs e dattan gronda paisa a la nettezza al plaz da lavur.

Lavurs

Els exequeschan suandantas lavurs:

En la direcziun da producziun ed elavuraziun
  • durmentar e stagliar ils animals e registrar il pais da maz
  • stagliar il corp da l'animal mazzà cun resgias da charn e cuntels gizs
  • tagliar la charn da l'oss cun cuntels spezials da stgarnir e la parter en purziuns pli pitschnas
  • preparar la tocca da charn per la vendita
  • emballar, etichettar e magasinar la charn correctamain
  • elavurar differentas liongias ord la tocca da charn restanta
  • gidar d'ensalar u fimentar tocca da charn
En la direcziun da la preparaziun e vendita
  • prender davent tessì da grass restant da la charn
  • liar ensemen brassads professiunalmain
  • preparar plattas fraidas da charn e producir delicatessas sco per exempel tratgas da schelatina
  • cussegliar la clientella davart la preparaziun da la differenta tocca da charn
  • preschentar ils products en la stizun dal commerzi a moda plaschaivla
  • servir e cussegliar la clientella
  • pachetar la charn
Resguardar l'igiena e la prescripziuns davart la segirezza al plaz da lavur
  • nettegiar mintga di ils guaffens, ils indrizs ed il plaz da lavur
  • gizzar ils cuntels e resguardar las prescripziuns davart la segirezza
  • purtar scussals, guants da gumma e raits da chavels

Scolaziun

Basa legala

Ordinaziun federala 18-10-2016, versiun dal 1-1-2018

Durada

2 onns

Accents

  • producziun ed elavuraziun
  • preparaziun e vendita

Furmaziun en la pratica

En affars da charn, en manaschis d’elavuraziun commerzials u industrials

Furmaziun en scola

1 di l'emna a la scola professiunala

Roms professiunals

  • elavurar la charn
  • garantir la persistenza e las prescripziuns davart la qualitad
  • producziun da charn, preparaziuns da charn, products da charn
  • preparaziun e vendita da products da charn
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attestat federal professiunal "Assistent / assistenta da mazlaria AFP"

Premissas

Furmaziun preliminara
  • scola populara terminada
Pretensiuns
  • interess per victualias e spezialmain per la charn
  • enconuschientschas dal tudestg
  • senn per la nettezza e l’igiena
  • buna sanadad ed abilitad da supportar squitsch
  • abilitad da lavurar en ina gruppa

Furmaziun supplementara

Curs

purschidas da scolas professiunalas, d’associaziuns sco era dal center da furmaziun da l’economia da charn svizra a Spiez

Spezialist / Spezialista da products da charn AFQ

Assistents da mazlaria pon far ina furmaziun da basa scursanida sco spezialists da products da charn AFQ (access al segund onn da la furmaziun da basa). Suenter han els las medemas pussaivladads da furmaziun supplementara sco spezialists da products da charn AFQ.

Cundiziuns da lavur

Assistents da mazlaria AFP lavuran en affars da charn, en manaschis d’elavuraziun commerzials u industrials u tar distribuiders a l’engrossa. Tut tenor l’accent da furmaziun e tenor il manaschi varieschan ils temps da lavur. En la direcziun da la producziun e da l’elavuraziun cumenzan assistents da mazlaria savens pli baud cun la lavur. Ils temps da lavur da assistents da mazlaria cun accent sin la preparaziun e la vendita dependan dals temps d’avertura dals affars.

Ulteriuras infurmaziuns

Uniun professiunala svizra da charn
Sihlquai 255
Postfach 1977
8031 Turitg
Tel: 044 250 70 60
URL: www.swissmeatpeople.ch





orientamento.ch