Lavurs
Lur lavurs èn las suandantas:
Organisar andaments
- planisar ils engaschaments da lavur per il team ed infurmar las collavuraturas ed ils collavuraturs davart ils andaments
- preparar localitads per ils giasts
- endrizzar plazzas da lavur per preparar spaisas
- analisar indicaturs sco il preventiv, la svieuta, ils custs da rauba, ils ruments da victualias e la frequenza da clientella
- meglierar la planisaziun cun agid dals indicaturs
- planisar activitads da vendita e da reclama
S'occupar da products e servetschs
- empustar victualias e material da manaschi necessaris, sco p.ex. meds da nettegiament, serviettas u tavlas da reclama
- prender encunter, controllar ed endatar rauba
- magasinar il material da manaschi e las victualias observond las prescripziuns d'igiena e da qualitad
- inventarisar las victualias ed il material
- organisar activitads da vendita e servetschs sco degustaziuns u chastels-trampolin
- dumandar e cumparegliar offertas e preventivs
Preparar spaisas e bavrondas
- preparar il plaz da lavur ed ils apparats per preparar spaisas
- preparar las victualias cun quità tenor recept
- metter sin in plat las spaisas e las bavrondas en moda attractiva per la clientella
- nettegiar ils apparats ed il plaz da lavur
- controllar e documentar la qualitad da las spaisas e da las bavrondas
Vender products ed assister giasts
- preschentar en moda attractiva las spaisas ed ils products, p.ex. cun agid da vitrinas, tablets u cuppas
- retschaiver, assister e dar adia a giasts
- cussegliar ils giasts davart products ed als servir
- vender e pachetar ils products giavischads
- incassar cumpras
- elavurar dumondas davart occurrenzas u purschidas
- realisar mesiras da reclama: infurmar activamain ils giasts davart acziuns, far tavlas da preschentaziun
- prender encunter ed elavurar resuns e reclamaziuns da giasts
Scolaziun
Durada
3 onns
Furmaziun pratica
en in manaschi da la gastronomia da sistem
Furmaziun en scola
1 fin 2 dis per emna en la scola professiunala spezialisada
Roms professiunals
- planisar process
- administrar products e servetschs
- preparar spaisas e bavrondas
- vender products ed assister giasts
- ulteriura lingua naziunala u englais
Curs ordaifer il manaschi
emprender, approfundar ed exercitar las basas professiunalas, 18 dis durant 3 onns
Maturitad professiunala
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Diplom
Spezialist / Spezialista da la gastronomia da sistem AFQ
Premissas
Furmaziun preliminara
- terminà la scola obligatorica
Pretensiuns
- abilitad da lavurar en in team
- plaschair da lavurar cun victualias e glieud
- senn commerzial
- senn exprimì per igiena
- abilitad da supportar squitsch en situaziuns hecticas
- moda da lavurar effizienta
- prontezza da lavurar durant uras irregularas
- apparientscha cultivada
Furmaziun supplementara
Curs
purschidas da scolas professiunalas e da federaziuns professiunalas sco berufehotelgastro.ch u gastrosuisse.ch
Examen professiunal (EP)
p.ex. Manader / Manadra da gastronomia cun attestat professiunal federal u Manader / Manadra dal sectur restauraziun cun attestat professiunal federal.
Examen professiunal superiur (EPS)
p.ex. Manader / Manadra da la restauraziun collectiva cun diplom federal u Interprendider / Interprendidra da gastronomia dipl.
Scola spezialisada superiura (SSS)
p.ex. Hotelier-gastronom / Hoteliera-gastronoma dipl. SSS u Mainagestiun en facility management dipl. SSS
Scola auta spezialisada (SAS)
studis en secturs specifics parentads, p.ex. bachelor of science en food science u en international hospitality management
Tut tenor la scola auta spezialisada valan differentas cundiziuns d'admissiun.
Cundiziuns da lavur
Persunas spezialisadas da la gastronomia da sistem lavuran en chadainas da restaurants cun lungas uras d'avertura. Ellas han uras da lavur irregularas e lavuran er la saira, la fin d'emna u ils firads. Las persunas da questa professiun han bler contact cun giasts ed èn la gronda part dal temp en pe. L'ambient da lavur è savens canerus e hectic.
Perquai ch'il sectur take-away è creschì fermamain ils ultims onns, han persunas spezialisadas da gastronomia da sistem bunas schanzas sin il martgà da lavur. Ellas pon svelt surpigliar responsabladad per in tschert sectur, lavurar sco manadra d'in team, scolar collavuraturas e collavuraturs u daventar managera u manager d'in restaurant.
Ulteriuras infurmaziuns
Infurmaziuns davart la professiun e plazzas d'emprendissadi da la hotellaria e gastronomia
8046 Turitg
URL: www.berufehotelgastro.ch
GastroSuisse
8046 Turitg
URL: www.gastrosuisse.ch
HotellerieSuisse
3001 Berna
URL: www.hotelleriesuisse.ch
Hotel & Gastro formation
6353 Weggis
URL: www.hotelgastro.ch
Infurmaziuns generalas:
URL: www.berufsberatung.ch
Tschertga da plazzas d’emprendissadi:
URL: www.berufsberatung.ch/lehrstellen