Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Dissegnader / Dissegnadra AFQ

Dissegnaders e dissegnadras fan  dissegns tecnics tenor las prescripziuns da spezialists da la planisaziun dal territori e da la planisaziun da construcziun. Tut tenor lur direcziun da scolaziun èn els spezialisads en las domenas architectura, construcziun d’inschigneria, architectura d'interiurs, architectura da cuntradas u planisaziun dal territori.

Lavurs

Dissegnaders dissegnan e construeschan plans, skizzas e models per projects da construcziun. Els sa tegnan vi da sbozs da spezialists, p. ex. architects, inschigners da construcziun u planisaders dal territori. En cas da basegn fan els l’emprim registraziuns al lieu. A basa da quellas datas ed a basada plans existents fan els lura cun agid da programs CAD u a maun dissegns tecnics, plans tridimensiunals e models che correspundan a la scala.

La glieud da professiun surpiglia era pensums tecnic-professiunals e planisatorics. Dissegnadras sustegnan ils experts da la planisaziun da construcziun e da la planisaziun dal territori sin tut ils nivels dal project. Cun elavurar soluziuns per projects da construcziun fan ellas calculaziuns matematicas e resguardan las leschas da las scienzas natiralas sco era lad prescripziuns concernent il dretg da construcziun. Ellas enconuschan las caracteristicas chemicas e fisicalas dal material da construcziun e fan attenziun che la moda da construir saja adattada a l’ambient. Ultra da quai han dissegnadras incumbensas administrativas, fan preschentaziuns sco era controllas da construcziun. Tut tenor lur direcziun da scolaziun sa spezialiseschan ellas en in sectur.

Dissegnaders da la direcziun architectura elavuran plans da projects e plans d’execuziun da construcziuns autas da tuts geners, sco per exempel da chasas d’abitar, centers da cumpra, edifizis da biro u d’industria.

Dissegnadras da la direcziun construcziun d’inschigneria s’occuppan da construcziuns purtantas da construcziuns autas (da betun armà, atschal u lain) sco era da la planisaziun da construcziuns bassas (infrastructura per il traffic, construcziun idraulica, protecziun da l’ambient, provediment ed allontanament).

Dissegnaders da la direcziun architectura d'interiurs sa participeschan a projects da renovaziun e da reconstrucziun, p.ex. d’abitaziuns, locals commerzials, locals da negozi u stans da fiera.

Sin basa da lur enconuschientschas da plantas realiseschan dissegnadras da la direcziun architectura da cuntradas plans per zonas verdas e cuntradas en spazis vitals differents, saja quai en secturs d’abitar, da lavurar, da sa recrear sco era en secturs dal temp liber, dal turissem u da la protecziun da la natira.

Dissegnaders e dissegnadras da la direcziun planisaziun dal territori s’occuppan da la planisaziun d’abitadis, dal traffic, da las cuntradas e da l’ambient. Els gidan a sviluppar ed a concepir quartiers, vitgs, citads u entiras regiuns.

Scolaziun

Basa legala

Ordinaziun federala dals 28-9-2009 (versiun dal 1-1-2018)

Durada

4 onns

Direcziuns

  • architectura
  • construcziun d’inschigneria
  • architectura d'interiurs
  • architectura da cuntradas
  • planisaziun dal territori

Furmaziun en la pratica

En in manaschi da la direcziun respectiva, p.ex. en in biro d’architectura u d'inschigneria da construcziun

Furmaziun en scola

Durant l’emprim onn d’emprendissadi 2 dis, suenter 1-1½ dis per emna ad ina scola professiunala, tut tenor chantun e/u tenor direcziun er instrucziun en bloc

Roms professiunals

  • basa matematica e basa da las scienzas natiralas
  • planisaziun
  • visualisaziun
  • lavur da project

Curs ordaifer il manaschi

Davart differents temas

Maturitad professiunala

Cun fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "dissegnader / dissegnadra AFQ" (Direcziun architectura, inschigneria da construcziun, architectura d'interiurs, architectura da cuntradas, planisaziun dal territori)

Premissas

Furmaziun preliminara
  • scola obligatorica terminada cun grondas pretensiuns
  • bunas prestaziun en matematica, geometria, dissegn tecnic e linguas
Pretensiuns
  • abilitad exprimida da s'imaginar il spazi
  • pensar abstract-logic
  • chapientscha per relaziuns cumplexas
  • abilitad da crear dissegns e skizzas a maun
  • interess da reglas matematicas e da reglas e connexs da las scienzas natiralas
  • plaschair da lavurar al computer
  • moda da lavurar exacta e conscienziusa
  • talent d’organisar
  • abilitad da lavurar en in team
  • plaschair dal contact cun umans e dun da contractar
  • per las direcziuns architectura da cuntradas e planisaziun dal territori: grond interess per la natira e l’ambient

Furmaziun supplementara

Curs

purschidas d’associaziuns professiunalas, da scolas spezialisadas superiuras e da scolas autas spezialisadas

Examen professiunal (EP)

cun certificat professiunal federal: ecobiolog / ecobiologa da construcziun, manader / manadra da construcziun paraids e mirs exteriurs, planisader / planisadra da glisch, expert / experta da la protecziun cunter incendis

Examen professiunal superiur (EPS)

cun diplom federal: ecobiolog / ecobiologa da construcziun, manader / manadra da construcziuns autas, manader / manadra da construcziuns bassas
expert / experta da la protecziun cunter incendis

Scola spezialisada superiura (SSS)

p.ex. tecnicist diplomà / tecnicista diplomada SSS planisaziun da construcziun u tecnicist diplomà / tecnicista diplomada SSS surveglianza da construcziun

Scola auta spezialisada (SAS)

Bachelor of Science en inschigneria da construcziun, Bachelor of Arts en architectura, Bachelor of Science en architectura da cuntradas u en planisaziun dal territori, Bachelor of Arts en architectura d'interiurs

Cundiziuns da lavur

Dissegnaders e dissegnadras lavuran tenor lur direcziun en biros d’architectura, d’inschigneria da construcziun, da planisaziun u en uffizis communals da construcziun. La purschida da plazzas d'emprendissadisa differenziescha tut tenor la direcziun da scolaziun. Per la tschertga da plazzas ston ins mussar bler engaschament. Suenter la finiziun da lur furmaziun han els bunas schanzas sin il martgà da lavur. Cun furmaziuns supplementars ed experientscha da lavur adequata san els manar projects e surpigliar funcziuns da cader.

Ulteriuras infurmaziuns

Plavenir
Eichistrasse 1
6055 Alpnach Dorf
Tel: +41 41 670 02 02
URL: https://zeichnerberuf.ch



orientamento.ch