?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Le perturbazioni tecniche degli ultimi giorni sono state risolte. Il portale è nuovamente disponibile e completamente funzionante.

Planisader / Planisadra d’indrizs da schelentar AFQ

Planisadras e planisaders d’indrizs da schelentar procuran per stanzas bain climatisadas sco era per sfradentaments che funcziunan en manaschis industrials. Els planiseschan e calculeschan indrizs da schelentar, dissegnan ils plans per la montascha, surveglian l'installaziun e sustegnan la messa en funcziun dals indrizs.  En il biro dissegnan els ils plans cun agid da programs al computer (CAD). Sin il plazzal u en il lavuratori sustegnan els ils montaders, ils architects ed ils patruns da construcziun da realisar ils plans.

Lavurs

Els exequeschan suandantas lavurs:

Preparaziun
  • decider davart ils indrizs da sfradentar planisads
  • determinar mesiras en connex cun la segirezza da lavur e protecziun da la sanadad protegian els plinavant lur atgna segirezza e sanadad.
  • determinar il basegn da fradaglia
  • planisar l'indriz da sfradentar
  • calcular las cumponentas (parts), ils conducts da bischens e l'isolaziun
  • planisar la regulaziun
  • far offertas e publicaziuns sco era offertas per furnituras e furniturs
  • planisar l'empustaziun da material
Planisaziun
  • far plans per indrizs da sfradentar
  • elavurar schemas per conducts da bischens ed instrumentaziun
  • crear schemas electrics per ils indrizs u adattar tals
Direcziun dal project
  • planisar ed endrizzar il plaz da lavur persunal
  • coordinar ils differents pass da lavur ed ils termins dals projects da sfradentar
  • convocar sesidas en connex cun projects da sfradentar, manar e protocollar quellas
  • controllar e sustegnair la montascha e la messa en funcziun dals indrizs da sfradentar
  • terminar projects da sfradentar e documentar els

Scolaziun

Basa legala

Ordinaziun federala dals 15-4-2020

Durada

4 onns

Accents

  • indrizs da sfradentar per manaschis
  • indrizs da climatisaziun
  • indrizs da sfradentar per l'industria
  • indrizs da pumpa a chalur

Furmaziun en la pratica

En in manaschi da la tecnica da schelentar u en in biro d’inschigners per tecnica da schelentar / tecnica d’edifizis; 2 enfin 3 mais praticum en in magasin, in lavuratori u sin in plazzal

Furmaziun en scola

1 di l'emna a la scola professiunala gibb a Berna

Roms professiunals

planisar indrizs da sfradentar, elavurar plans e schemas, manar projects da sfradentar

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "planisader / planisadra d’indrizs da schelentar AFQ"

Premissas

Furmaziun preliminara
  • scola populara terminada cun pretensiuns mesaunas u autas
  • bunas prestaziuns en geometria, matematica e fisica
Pretensiuns
  • plaschair dal dissegn tecnic, dal dissegn a maun e dal dissegn al computer
  • interess da process fisicals
  • sentiment per detagls tecnics
  • enclegientscha per connexs abstracts
  • abilitad da s’imaginar chaussas en il spazi
  • moda da lavurar exacta e conscienziusa
  • pazienza e perseveranza
  • abilitad d’organisar
  • autonomia
  • fidadadad e senn per responsabladad, p.ex. en connex cun privels per l’ambient
  • plaschair dal contact ed abilitad da communitgar, p.ex. plaschair da la lavur en il team e dun da tractar

Furmaziun supplementara

Curs

purschidas da l'Uniun svizra per la frigotecnica SVK, da scolas professiunalas e spezialisadas sco er manaschis da furniziun da la branscha per la frigotecnica

Furmaziun da basa scursanida

En il champ da lavur "planisaziun da tecnica d’edifizis": planisader / planisadra da tecnica d’edifizis da stgaudaments AFQ, planisader / planisadra da tecnica d’edifizis da ventilaziuns AFQ, planisader / planisadra da tecnica d’edifizis sanitars AFQ.

En il sectur montascha: montader / montadra d’indrizs da schelentar AFQ.

Examen professiunal (EP)

chefmontader / schefmontadra d’indrizs da schelentar cun certificat professiunal federal, manader / manadra da project tecnica d’edifizis cun certificat professiunal federal, cussegliader energetic / cussegliadra energetica edifizis cun certificat professiunal federal

Scola spezialisada superiura (SSS)

p.ex. tecnicist diplomà / tecnicista diplomada SSS en tecnica d’edifizis

Scola auta spezialisada (SAS)

p.ex. Bachelor of Science (SAS) en tecnica d’edifizis. Tut tenor scola auta spezialisada valan differentas cundiziuns d'admissiun.

Cundiziuns da lavur

Indrizs da sfradentar sa chattan en butias, mazlarias, pasternarias, restaurants, manaschis da l'industria, ospitals, labors da perscrutaziun, centers da calculaziun, patineras artifizialas ed en chasas d'abitar ed edifizis da mastergn. Planisaders d’indrizs da schelentar lavuran en manaschis per indrizs da schelentar u en biros d’inschigneria da la tecnica d’indrizs da sfradentar u d’edifizis.
Per onn vegnan scolads en Svizra mo tschintg fin diesch emprendists. Spezialists qualifitgads èn tschertgads sin il martgà da lavur e chattan per il solit ina plazza. En la tecnica d’edifizis e d’indrizs da schelentar vegnan adina puspè introducids novs sistems e novas prescripziuns. Quai pretenda ina furmaziun supplementara regulara.

Ulteriuras infurmaziuns

Uniun svizra per la frigotecnica SVK
Secretariat
Eichistr. 1
6055 Alpnach Dorf
Tel: +41 41 670 30 45
URL: www.cooler-job.ch

Revistas professiunalas:
"HK-Gebäudetechnik"
"Friscaldo"



orientamento.ch