Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Planisader / Planisadra da tecnica d’edifizis da ventilaziun AFQ

Planisadras e planisaders da tecnica d’edifizis da ventilaziun planiseschan, calculeschan e dissegnan indrizs da ventilaziun e d’aria cundiziunada. Els surveglian la montascha e mettan en funcziun ils indrizs.

Lavurs

Planisadras e planisaders da tecnica d’edifizis da ventilaziun procuran per aria netta ed in clima agreabel en stanzas serradas. Per construcziuns novas u sanaziuns d’edifizis planiseschan e calculeschan els indrizs da ventilaziun e d’aria cundiziunada che spargnan energia.

Communablamain cun ils architects, inschigners e patruns da construcziun sclereschan planisaders da tecnica d’edifizis da ventilaziun l’emprim las pretensiuns che l’indriz sto ademplir. Els resguardan ideas e pretensiuns individualas sco era cundiziuns architectonicas e prescripziuns legalas. Els infurmeschan e cusseglian davart differentas pussaivladads da ventilaziuns e da la climatisaziun da localitads. Suenter projecteschan els ils indrizs da ventilaziun e d’aria cundiziunada. Els erueschan funtaunas d’aria e d’energia adattadas e concepeschan indrizs da la tecnica da ventilaziun che spargnan energia e ch’èn favuraivels a l’ambient, p.ex. cun reducir ad in minimum las emissiuns da CO2.

Planisaders da tecnica d’edifizis da ventilaziun calculeschan la grondezza ed ils custs ed elavuran offertas. Avant la realisaziun fan els tut ils quints da detagl necessaris. Per producir e montar ils indrizs dissegnan planisaders da tecnica d’edifizis da ventilaziun ils indrizs da la tecnica da ventilaziun en ils plans da l’architect. Ils plans detagliads servan al persunal dal magazin e da montascha sco basa da lavur. Ils plans elavuran els u cun programs da construcziun al computer (CAD) u a maun.

Planisaders da tecnica d’edifizis da ventilaziun lavuran savens direct sin ils plazzals, nua ch’els discurran davart ils detagls cun il persunal da montascha, ils architects u ils patruns da construcziun. Per che las lavurs da montascha procedian senza difficultads, fan els glistas da material, empostan il material tar ils furniturs, surveglian ils termins ed observan las prescripziuns per la protecziun cunter incendis. En il mintgadi da lavur protegian els lur atgna segirezza e sanadad. Els mettan en funcziun ils indrizs installads e controlleschan, sch’els funcziunan. Ultra da quai scrivan els instrucziuns per l’utilisaziun segira dals indrizs da ventilaziun e d’aria cundiziunada.

Scolaziun

Basa legala

Ordinaziun federala 6-10-2009

Durada

4 onns

Furmaziun en la pratica

En in manaschi per indrizs da ventilaziun u en in biro d’inschigneria per tecnica da construcziun; pratica en il magasin, en il lavuratori e sin il plazzal (almain 3 mais)

Furmaziun en scola

1 di l’emna a la scola professiunala (cumplettà cun curs da bloc)

Roms professiunals

  • organisaziun dal manaschi
  • persistenza
  • segirezza da la lavur e protecziun cunter incendis
  • matematica
  • material da fabricaziun
  • basa da la chemia e da la fisica
  • terminologia e dinamica dals fluids
  • electrotecnica
  • mesirar – controllar – reglar
  • tecnica da construcziun e d’edifizis
  • process da planisaziun
  • indrizs da ventilaziun e d’aria cundiziunada

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "planisader / planisadra da tecnica d’edifizis da ventilaziun AFQ"

Premissas

Furmaziun preliminara
  • scola populara terminada
  • bunas prestaziuns en geometria, matematica, fisica
Pretensiuns
  • plaschair da dissegnar tecnicamain, a maun u al computer
  • interess per process fisicals
  • sentiment per detagls tecnics
  • enclegientscha per colliaziuns abstractas
  • moda da lavurar exacta e conscienziusa
  • talent d’organisar
  • plaschair da contact ed abilitad da communitgar, p.ex. lavur en il team e talent da contractar

Furmaziun supplementara

Curs

purschidas da centers da furmaziun da suissetec e da scolas professiunalas

Furmaziun da basa scursanida

en il champ professiunal "planisaziun da tecnica d’edifizis": planisader / planisadra da tecnica d’edifizis da stgaudament AFQ u planisader / planisadra da tecnica d’edifizis sanitars AFQ

Examen professiunal (EP)

manader / manadra da project en tecnica d’edifizis cun certificat professiunal federal, cussegliader energetic / cussegliadra energetica edifizis cun certificat professiunal federal

Scola spezialisada superiura (SSS)

tecnicist / tecnicista dipl. tecnica d’edifizis

Scola auta spezialisada (SAS)

Bachelor of Science (SAS) en tecnica d’edifizis

Cundiziuns da lavur

Planisaders da tecnica d’edifizis da ventilaziun lavuran en manaschis per installaziuns da ventilaziun ed aria cundiziunada u en biros da tecnica da construcziun u d’inschigneria.

La purschida da plazzas d’emprendissadi è buna. Per onn vegnan scolads en Svizra var 75 emprendists.

Planisaders da tecnica d’edifizis scolads èn tschertgads sin il martgà da lavur. Els chattan il pli senza problems ina plazza da lavur.

En la tecnica d’edifizis vegnan adina puspè introducids novs materials, novs sistems e novas prescripziuns, p.ex. en connex cun la minergia. Quai pretenda ina furmaziun supplementara regulara.

Ulteriuras infurmaziuns

Uniun da la tecnica d’edifizis da la Svizra e dal Principadi da Liechtenstein (suissetec)
Auf der Mauer 11
Chascha postala 1768
8021 Turitg
Tel: 043 244 73 00
URL: www.suissetec.ch

Revistas professiunalas:
"HK-Gebäudetechnik"
"Planer + Installateur"



orientamento.ch