Lavurs
Els exequeschan suandantas lavurs:
Planisar e controllar ils pass da lavur dal team
- tgirar e nettegiar fanestras e palantschieus da sulers, stgalas, pastrigns, tualettas ed auters locals communabels, duvrar latiers nua che pussaivel meds che na fan betg donn a l'ambient e la sanadad
- tractar palantschieus spezials cun meds spezials, p.ex. installaziuns da lain, paraids e palantschieus sura
- magasinar, mantegnair e nettegiar apparats a moda correcta
- controllar meds ed apparats da nettegiar, examinar l'inventari dal deposit, consultar persunas spezialisadas
Reparaturas e mantegniment
- far reparaturas pli pitschnas vi d’installaziuns senza electricitad, remplazzar pairs electrics defects, elements isads u remediar chavas da chit
- garantir che ils apparats funcziunian, eliminar disturbis e consultar persunas spezialisadas ed als instruir
- dismetter u reciclar il rument a moda adattada a l'ambient
Tgira da spazis exteriurs publics
- garantir l'access als edifizis, p.ex. pinar sendas e far ora naiv l'enviern
- segar pastgets, tgirar prads, raschlar feglia e cumpostar ruments d’iert zerclar
- tgirar plantas, chaglias, eras e parcs, cumpostar rument da plantas
- reparar claus u glisch el spazi exteriur
Lavurs d'administraziun
- tgirar il contact cun abitants ed abitantas e lavurers en chasa e garantir che las reglas da chasa vegnian resguardadas
- planisar l'utilisaziun dal locals publics (p.ex. pastrigns)
- scriver rapports per ils possessurs e las possessuras, superiurs u l'administraziun da la chasa
Scolaziun
Basa legala
Ordinaziun federala 8-9-2014 (stan 1-1-2018)
Durada
3 onns
Accents
- servetsch da chasa
- servetsch tecnic
Furmaziun en la pratica
En in manaschi grond, en in’instituziun pli gronda (scola, chasa da tgira, chasa d’uffants, ospital etc.), ina vischnanca, in uffizi da construcziun bassa etc.
Furmaziun en scola
1 di per emna a la scola professiunala
Roms professiunals
- organisaziun da las lavurs
- segirezza a la lavur, protecziun da la sanadad e da l’ambient
- preparar ed exequir lavurs da nettegiar, dismetter rument e tgirar il curtin e spazi verd
- preparar ed exequir lavurs da mantegniment e da controlla sco era il mantegniment dals edifizis e reparaturas
Curs ordaifer il manaschi
Tar differents temas
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "spezialist / spezialista per il mantegniment dal manaschi AFQ"
Premissas
Furmaziun preliminara
- temp da scola obligatoric terminà
Pretensiuns
- inschign manual
- enclegientscha pratica e tecnica
- fidadadad
- movibilitad corporala e forza
Furmaziun supplementara
Curs
purschidas da scolas spezialisadas e professiunalas sco era da l’Associaziun professiunala mantegniment da manaschi (SFB)
Examen professiunal (EP)
pedel / pedella cun certificat professiunal federal u polier per il mantegniment da vias cun certificat professiunal federal
Examen professiunal superiur (EPS)
p.ex. pedella dipl. u manader en facility management e mantegniment dipl.
Scola spezialisada superiura (SSS)
curs da furmaziun en champs spezials parentads, p.ex. manader / manadra da gestiun dipl. en Facility Management (SSS)
Scola auta spezialisada (SAS)
studis en champs spezials parentads, p.ex. Bachelor of Science (SAS) en facility management. Tut tenor scola auta spezialisada valan differentas cundiziuns d'admissiun.
Cundiziuns da lavur
Spezialists e spezialistas da mantegniment lavuran en administraziuns da vischnancas, lavuratoris communals, ospitals, scolas, chasas, baselgias, administraziuns d’immobiglias, firmas da nettegiar u manaschis gronds. Els èn per regla part d'in team. Els lavuran durant tut las stagiuns e da tut aura ordadora. Ils temps da lavur pon mintgatant esser irregulars.
Ulteriuras infurmaziuns
SFB - Schweizerischer
Fachverband Betriebsunterhalt
Postfach
3076 Worb
Tel: +41 77 485 43 42
URL: www.betriebsunterhalt.ch