Vai al titolo

Miradur / Miradura AFQ

Miradurs e miraduras construeschan edifizis novs e saneschan edifizis existents. Els bajegian mirs da quadrels, da crap natiral e fan lavurs da betun. Ultra da quai monteschan els puntanadas, dattan si liadira e tschentan bischens da chanalisaziun.

Lavurs

Els exequeschan suandantas lavurs:

Preparar il plazzal
  • leger ensemen cun la direcziun da construcziun ils plans e far la planisaziun
  • endrizzar e segirar il plazzal cun barricadas e scuts da protecziun
  • far la marcaziun
  • chavar foss per la chanalisaziun, emplenir ils foss e stabilisar spundas
Lavurs da construcziun
  • preparar entuladas per fundaments, pilasters da sustegn, paraids ed autra tocca da construcziun
  • montar e fixar tenor ils plans bastuns d'atschal
  • preparar, derscher ed elavurar il betun a maun u cun maschinas
  • far mirs cun quadrels e maulta e controllar cun corda mesirar e livel sch'il mir è gulivs
  • far chamins e montar portas da chamins
  • montar elements prefabritgads sco plattas, pitgas u curnischs da fanestras
  • montar isolaziun e liadiras e far chavas
  • nettegiar e Mantegnair guaffens e maschinas
  • enconuscher e resguardar las perscripziuns da segirezza
  • dismetter il rument adattà a l'ambient, enconuscher e resguardar las mesiras da la protecziun da l'ambient
Spazzar e renovar
  • preparar las lavurs da spazzar e renovar
  • spazzar e demontar edifizis ed apparats vegls, reconstruir stadi original
  • exequir lavurs da renovaziun tar edifizis vegls u donnegiads

Scolaziun

Basa legala

Ordinaziun federala dals 14-9-2010 (versiun dal 1-1-2018)

Durada

3 onns

Furmaziun en la pratica

En ina interpresa da construcziun

Furmaziun en scola

1 di per emna a la scola professiunala

Roms professiunals

  • interpresa e conturn
  • basa da realisaziun
  • prefasa da la realisaziun
  • realisaziun
  • surveglianza da l’incumbensa
  • Curs ordaifer il manaschi

    Emprender ed utilisar / exercitar en la pratica la basa dal mastergn.

    Maturitad professiunala

    Tar fitg bunas prestaziuns da scola po vegnir frequentà la scola da maturitad professiunala durant la furmaziun da basa.

    Diplom

    Attestat federal da qualificaziun "miradur / miradura AFQ"

Premissas

Furmaziun preliminara
  • temp da scola obligatoric terminà
  • bunas prestaziuns en matematica
Pretensiuns
  • inschign manual
  • enclegientscha pratica
  • imaginaziun dal spazi
  • sanadad robusta
  • movibilitad corporala e forza
  • avair nagina tema d’autezza
  • abilitad da lavurar en ina gruppa

Furmaziun supplementara

Curs

purschidas da scolas spezialisadas e professiunalas sco era da la Societad Svizra dals Impressaris-Constructurs

Furmaziun da basa scursanida

p. ex. sco dissegnader / dissegnadra AFQ

Examen professiunal (EP)

cun certificat professiunal federal: polier / poliera, controllader / controlladra da material da construcziun (betun e maulta), spezialist / spezialista da protecziun d’edifizis, polier / poliera al tagl d’edifizi, artisan / artisana en la tgira da monuments ed auters

Examen professiunal superiur (EPS)

maister constructur diplomà, manadra da construcziun diplomada

Scola spezialisada superiura (SSS)

tecnicist diplomà SSS surveglianza da construcziun, tecnicista diplomada

Scola auta spezialisada (SAS)

studis da bachelor en il sectur spezial construcziun, p. ex. Bachelor of Science (SAS) en en inschigneria da construcziun. Tut tenor scola auta spezialisada valan differentas cundiziuns d'admissiun.

Cundiziuns da lavur

Miradurs e miraduras lavuran en interpresas da construcziun. I dat manaschis d’ina persuna fin manaschis gronds cun dapli che 100 collavuraturs. Els lavuran da tut aura giuadora. La stad dat i bler lavur, l'enviern pli pauc. Per part lavuran els en grondas autezzas.

Las cundiziuns d’engaschament èn regladas tras il contract collectiv naziunal da lavur per l’industria principala da construcziun svizra e tras contracts collectivs da lavur regiunals.

Las schanzas sin il martgà da lavur èn fitg bunas.

Ulteriuras infurmaziuns

Societad Svizra dals Impressaris-Constructurs SSIC
Furmaziun da basa
Weinbergstr. 49
Postfach
8042 Zürich
Tel: +41 58 360 76 99
URL: www.bauberufe.ch



orientamento.ch