?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Le perturbazioni tecniche degli ultimi giorni sono state risolte. Il portale è nuovamente disponibile e completamente funzionante.

Pictur / Pictura AFQ

Picturs e picturas procuran ch'ils edifizis hajan la dretga colur. Els pictureschan fatschadas, paraids, palantschieus sura, funs, portas, fanestras ed autras parts dal bajetg cun colurs e lacs. Cun lur lavur protegian ed embelleschan els chasas, bajetgs industrials e da commerzi u auters edifizis.

Lavurs

Els exequeschan suandantas lavurs:

Preparaziun
  • calcular la surfatscha e con material che vegn duvrà
  • calcular ils custs e scriver offertas
  • empustar colurs u las maschadar sez per survegnir il tun che la clientella giavischa
  • plazzar stgalas, chavalluts, punts u sch'i fa basegn palancaus
  • fixar folias da palpiri u da materia sintetica cun bindel da colla per proteger il palantschieu u autras parts che na duajan betg vegnir en contact cun colur
  • distatgar tapetas e rasadas da colur veglias u ruina cun spateglias, barschuns, allontanaders da colur u auters guaffens
  • emplenir rusnas u stgarps, allontanar grass e malgulivezzas, smerigliar e far giu pulvra
  • procurar per in sutterren sitg e net e consultar auters spezialists sch'i è necessari
Lavurs da pictur
  • dar si colur e lac cun il penel , zullas u cun la pistola da squittar, savens cun pliras rasadas (grundar emprim, alura cuvrir)
  • applitgar isolaziuns, liadiras, structuras da surfatscha u spezialas decoraziuns, tut tenor giavisch er producir sez elements decorativs sco relievs u figuras geometricas
  • tatgar u fixar tapetas, tailas u auters revestgiments vid las paraids
  • nettegiar il plazzal, ils guaffens ed il material, dismetter il rument a moda adattada a l’ambient
  • resguardar las prescripziuns da la segirezza da lavur e da la protecziun da l'ambient

Scolaziun

Basa legala

Ordinaziun federala 22-7-2014 (versiun dal 1-1-2018)

Durada

3 onns

Furmaziun en la pratica

En in manaschi da picturs

Furmaziun en scola

1 di per emna a la scola professiunala

Roms professiunals

  • planisar, preparar e rapportar davart lavurs
  • tractar preliminar e surtrair funds
  • garantir la segirezza da la lavur, segirar la protecziun da la sanadad e da l’ambient
  • decorar e crear
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "pictur / pictura AFQ"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • movibilitad corporala
  • sanadad robusta
  • senn per colurs
  • senza sturnizi
  • naginas allergias sin dissolvents
  • abilitad da lavurar en in team

Furmaziun supplementara

Curs

purschidas da scolas spezialisadas e professiunalas sco er dal Schweiz. Maler- und Gipserunternehmer-Verbands

Furmaziun da basa scursanida

stuccatur-constructur / stuccatura-constructura a sitg AFQ
vernischader / vernischadra da carossaria AFQ
vernischader industrial / vernischadra industriala AFQ

Diplom da l’associaziun

manader / manadra da plazzal, pictur / pictura da Service, vernischader / vernischadra a squitta, tapezader / tapezadra

Examen professiunal (EP)

manader / manadra da project colur cun certificat professiunal federal, mastergnant / mastergnanta per la tgira da monuments cun certificat professiunal federal, creader / creadra en l’artisanat cun certificat professiunal federal

Examen professiunal superiur (EPS)

maister pictur / maistra pictura

Scola spezialisada superiura (SSS)

curs da furmaziun en roms parentads, p.ex. tecnicist diplomà / tecnicista diplomada SSS planisaziun da construcziun (coluraziun d'architectura)

Scola auta spezialisada (SAS)

percurs da studi en roms parentads, p. ex. Bachelor of Arts en architectura u Bachelor of Science (SAS) en fatgs d’inschigneria da construcziun. Tut tenor scola auta spezialisada valan differentas cundiziuns d'admissiun.

Cundiziuns da lavur

Picturs e picturas lavuran en manaschis da picturs. I sa tracta per regla da manaschis pitschens u mesauns. Sco lieu d'occupaziun vegn plinavant l’industria da colurs e da lacs en dumonda.

Picturs en tschertgads sin il martgà da lavur.

Ulteriuras infurmaziuns

Schweiz. Maler- und Gipser-unternehmer-Verband SMGV
Grindelstr. 2
Postfach 73
8304 Wallisellen
Tel: 043 233 49 00
URL: www.maler-werden.ch

Revista professiunala:
"applica"



orientamento.ch