?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Le perturbazioni tecniche degli ultimi giorni sono state risolte. Il portale è nuovamente disponibile e completamente funzionante.

Mediamaticher / Mediamaticra AFQ

Mediamatichers e mediamaticras lavuran cun diversas tecnologias e chanals da medias. Els exequeschan lavurs d'administraziun, marketing ed informatica. Els elavureschan maletgs, texts e videos. Els creeschan paginas-web, chanals da social media u sviluppan meds da reclama sco broschuras u flyers.

Lavurs

Els exequeschan suandantas lavurs:

Elavurar e realisar concepts da marketing
  • elavurar concepts per il marketing analog u digital
  • far diever da meds da communicaziuns cun cleras finamiras
  • administrar ils chanals da social-media
  • sviluppar emprims sbozs da design
  • crear elements grafics sco er layouts ed als adattar per il medium prevesì
Administrar las paginas da web
  • crear e tgirar paginas da web
  • registrar ed elavurar datas primaras, sco per exempel curtas sequenzas da film, fotos, registraziun da musica u da tuns
  • publitgar ils resultats ed als controllar areguard la qualitad pretendida
  • garantir che las paginas da web sajan simplas d'utilisar e che las prescripziuns da la protecziun da datas sajan ademplidas
Elavurar projects
  • realisar simpels projects e surprender las incumbensas da la planisaziun fin a la finiziun dal project e la surdada dal product
  • collavurar tar l'administraziun da la fatschenta e tractar dumondas da la clientella
  • manar sesidas ed occurrenzas sco er communitgar en linguas estras

Scolaziun

Basa legala

Ordinaziun federala 25-10-2018

Durada

4 onns

Furmaziun en la pratica

En interpresas da commerzi, d’industria, da servetschs ed en administraziuns

Furmaziun en scola

A la scola professiunala, en media 2 dis per emna

Roms professiunals

  • producir ed utilisar multimedia
  • realisar concepziun e design
  • utilisar meds dad ICT
  • collavurar en l’administraziun ed en l’economia da manaschi
  • marketing e communicaziun
  • collavuraziun en projects

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "mediamaticher / mediamaticra AFQ"

Premissas

Furmaziun preliminara
  • temp da scola obligatoric ter-minà
  • bunas prestaziuns en matemati-ca, tudestg, franzos ed englais
Pretensiuns
  • bun dun receptiv
  • capacitad da pensar logic ed abstract
  • enclegientscha tecnica
  • creativitad
  • abilitad da communitgar
  • talent d’organisaziun
  • abilitad da lavurar en in team
  • empatia
  • capacitad da savair sa concentrar

Furmaziun supplementara

Curs

purschidas da scolas spezialisadas superiuras e d’associaziuns

Examen professiunal (EP)

Cun certificat professiunal federal: mediamaticher/ra; tecno-poligraf/a, informaticher/ra en economia; sviluppader/a d’applicaziuns dad ICT eav.

Examen professiunal superiur (EPS)

Per exempel manager/ra da projects-web diplomà

Scola spezialisada superiura (SSS)

manager da marketing SSS diplomà / managera da marketing SSS diplomada; tecnicist SSS per medias diplomà / tecnicista SSS per medias diplomada; tecnicist SSS per informatica diplomà / tecnicista SSS per informatica diplomada

Scola auta spezialisada (SAS)

Bachelor of Science (SAS) en inschigneria da medias, scienza d’infurmaziuns, informatica u informatica d’economia; Bachelor of Arts (SAS) en communicaziuns visuala. Tut tenor scola auta spezialisada valan differentas cundiziuns d'admissiun.

Cundiziuns da lavur

Grazia a lur cumpetenzas d'agir multifaras han mediamatichers bleras pussaivladads da lavurar en tut las branschas. En interpresas da servetschs, interpresas industrialas ed administraziuns sco era en interpresas pitschnas e mesaunas èn ils spezialists tschertgads. Els lavuran en partiziuns da communicaziun, marketing e webdesign ed en interpresas ch’èn colliadas cun l’informatica.

Cun la fusiun da telecommunicaziun, da la tecnica da computers sco era da la tecnica da video e d’audio sa datti per ils mediamatichers adina novas pussaivladads da lavur. La furmaziun sco mediamaticher è ina buna basa per divers champs professiunals.

Ulteriuras infurmaziuns

ICT-Berufsbildung Schweiz
Waisenhausplatz 14
3011 Bern
Tel: 058 360 55 50
URL: www.ict-berufsbildung.ch



orientamento.ch