Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Opticher / Opticra da precisiun AFQ

Opticras ed optichers da precisiun fabritgeschan cun agid da dissegns tecnics elements da construcziun optics e mecanics per apparats optics. Els manevreschan maschinas da fabricaziun e monteschan la tocca tar gruppas da construcziun.

Lavurs

Opticras ed optichers fabritgeschan tocca da construcziun optica fitg precisa en vaider e tocca da construcziun simpla mecanica da differents metals. La tocca da construcziun optica en vaider, sco lentas, spievels e prismas, vegn utilisada en ils secturs da l’optica dals egls, da la tecnica medicinala, da la tecnica da fotografia e film u da la tecnica da mesiraziun. Tut tenor il product sa fatschentan optichers da precisiun cun differentas dimensiuns: il diameter da lentas microscopicas è pli pitschen che in millimeter, quel da spievels per l’astronomia è plirs meters grond.

Optichers da precisiun fabritgeschan la tocca da construcziun tenor ina descripziun da l'incumbensa e tenor dissegns tecnics. Cun agid dals documents menziunads preparan els il material, ils guaffens sco era la materia auxiliara ed endrizzan differentas maschinas. Els fabritgeschan la tocca da construcziun optica a maun u cun la maschina. Tras gizzar u pulir produceschan els surfatschas planivas e surfatschas sfericas (ad arvieut). Schebain che la pli gronda part da las lavurs po vegnir fatga cun maschinas, è era lavur a maun dumandada, per exempel per pulir, bagnar e nettegiar.

Suenter la modificaziun da la furma raffineschan optichers da precisiun il vaider optic. Els surtiran las surfatschas cun stresas finas da metal, fluorid da magnesium u oxids per pudair influenzar la reflexiun da la glisch. Savens na vegnan betg mo lentas singulas integradas en apparats optics, mabain er uschenumnads sistems optics u gruppas da construcziun. En quest cas collian ils optichers da precisiun las lentas u ils prismas cun agid da chit fin.

Optichers da precisiun ston lavurar exactamain e plain concentraziun per che la tocca da construcziun optica correspundia a la qualitad dumandada. La tocca vegn producida cun precisiun en il spazi da nanometers. Optichers da precisiun ston perquai dumagnar bain las metodas da mesiraziun e da controlla correspundentas.

Optichers da precisiun lavuran savens en gruppas. Suenter la realisaziun da singuls pass da lavur dattan els vinavant la tocca en elavuraziun. Els n'enconuschan betg mo lur atgna lavur, mabain chapeschan l’entir proceder da fabricaziun.

Scolaziun

Basa legala

Ordinaziun federala 16-8-2011

Durada

4 onns

Furmaziun en la pratica

En in manaschi da l’industria optica, cumplettà cun ina furmaziun en lavuratoris d’emprendissadi (basas da l'optica, mecanica ed electronica)

Furmaziun en scola

1 di l'emna a la scola professiunala a Rorschach (roms specifics a la professiun vegnan er instruids da manaschis d’emprendissadi)

Roms professiunals

  • planisaziun da la lavur e logistica
  • fabricaziun e mantegniment da guaffens, meds dal manaschi e da controlla
  • furmaziun da tocca en elavuraziun
  • politura da tocca en elavuraziun
  • nettegiament, raffinaziun e protecziun da tocca en elavuraziun: fixaziun, colliaziun e montascha da tocca en elavuraziun
  • controlla da tocca en elavuraziun
  • Curs ordaifer il manaschi

    emprender ed exercitar las basas professiunalas en la pratica

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "opticher / opticra da precisiun AFQ"

Premissas

Furmaziun preliminara
  • scola populara terminada
  • bunas prestaziuns en quints e geometria
  • bunas prestaziuns en fisica e chemia
Pretensiuns
  • inschign manual
  • mauns ruassaivels ed in fin sentiment
  • abilitad da l’imaginaziun spaziala d’objects
  • interess vi da la tecnica
  • buna vesida e nagins disturbis da la vesida da colurs

Furmaziun supplementara

Curs

Purschidas da scolas professiunalas e scolas spezialisadas

Examen professiunal (EP)

cun certificat professiunal federal: spezialist / spezialista da process, commerziant tecnic / commerzianta tecnica

Examen professiunal superiur (EPS)

maister / maistra d’industria

Scola spezialisada superiura (SSS)

curs da furmaziun en direcziuns spezialisadas parentadas, p.ex. tecnicist diplomà / tecnicista diplomada construcziun da maschinas, tecnicist diplomà / tecnicista diplomada tecnica da sistems, tecnicist diplomà / tecnicista diplomada process d’interpresas

Scola auta spezialisada (SAS)

Roms da studi en direcziuns spezialisadas parentadas, p.ex. Bachelor of Science (SAS) en microtecnica, Bachelor of Science (SAS) en mecatronica, Bachelor of Science (SAS) en tecnica da sistems, Bachelor of Science (SAS) en tecnica da maschinas

Cundiziuns da lavur

Optichers da precisiun chattan plazzas da lavur en manaschis da la construcziun tecnica d’instruments e d'apparats. Els pon lavurar en il sectur da la producziun, da la montascha, dal svilup, da la construcziun, dal biro tecnic u dal lavuratori da controlla.

Optichers da precisiun èn dumandads sin il martgà da lavur. Els disponan da fitg bunas enconuschientschas da basa en mecanica ed optica e pon vegnir duvrads en differents champs.

La purschida da plazzas d’emprendissadi è plitost stgarsa. En Svizra existan mo paucas plazzas d’emprendissadi per optichers da precisiun. Las plazzas d’emprendissadi èn da chattar cunzunt en las regiuns tranter Basilea e Son Gagl.

Ulteriuras infurmaziuns

Federaziun professiunala dals optichers da precisiun / elavuraturs da vaider
c/o Swissoptic SA
Heinrich-Wild Strasse
9435 Heerbrugg
URL: www.feinwerkoptiker.ch



orientamento.ch