Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Micromecanist / Micromecanista AFQ

Micromecanists e micromecanistas produceschan e monteschan tocca singula d’auta precisiun, prototips, serias ed iseglia. Els lavuran cun guaffens a maun e maschinas dirigidas dal computer ch’els endrizzan e programmeschan.

Lavurs

Micromecanists e micromecanistas produceschan en lavur fitg precisa tocca singula ch’è savens minuscla. Questa tocca fitg pitschna vegn duvrada per exempel per utensils tecnics fins, parts d'uras e da computers, instruments da mesirar e controllar, pitschens apparats ed iseglia u protesas medicinal-tecnicas e.u.v.

Tut tenor product e dumber da la tocca tschernan micromecanistas in proceder da producziun adattà. Sco basa da lur lavur servan plans exacts. Cun elavurar quels prototips u pitschnas serias exclusivas resgian, furan, gliman, puleschan u fresan ellas cun iseglia a maun la tocca da metal u da materia sintetica. Tar tocca spezialmain delicata dovran els l’agid da maschinas dirigidas dal computer. Ellas controllan la tocca producida cun instruments da controlla mecanics ed electronics. Tut tenor il resultat obtegnì curregian ellas la producziun. Ultra da quai s'occupan ellas dal mantegniment e da la reparatura da las maschinas.

Tar serias pli grondas vegn la tocca tagliada ora. Micromecanists cun spezialisaziun "iseglia da punschar/cular" dovran apparats u maschinas dirigids dal computer tipics per lur champ spezial sco p.ex. pressas u electroerosiun. Cun quests apparats produceschan els differenta iseglia per punschar u differentas furmas per cular.

Micromecanistas cun spezialisaziun " décolletage" èn ablas da producir tocca en elavuraziun minuscla cun agid da turns automatics dirigids da curvas e garanteschan la producziun en quest sectur.

Per producir tocca pitschna e prototips cun agid da maschinas dirigidas dal computer (CNC) e da maschinas tradiziunalas èn responsabels micromecanists cun spezialisaziun "producziun e CNC".

Micromecanistas planiseschan ed organiseschan independentamain lur lavurs. Sch'ellas na pon betg ademplir in giavisch da la clientella u al pon ademplir mo per part, p.ex. per motivs da custs u per mancanza da materials u da maschinas, preschentan ellas alternativas praticas ed innovativas. Perquai che las tecnologias sa midan permanentamain en lur professiun, frequentan ellas adina puspè furmaziuns supplementaras. Durant lur lavurs garanteschan ellas che las prescripziuns da la segirezza da lavur e da la protecziun da la sanadad e da l’ambient vegnan observadas.

Scolaziun

Basa legala

Ordinaziun federala 20-01-2020

Durada

4 onns

Direcziuns

  • producziun e CNC
  • décolletage
  • iseglia da punschar/ cular

Furmaziun en la pratica (a partir dal 2. onn d'emprendissadi)

Ils emprendists / las emprendistas frequentan lur furmaziun pratica en ina scola a temp cumplain u en manaschis da la branscha da microtecnica u d'uras.

Furmaziun en scola

2 dis per emna (1. onn d'emprendissadi)
1 di per emna (2. fin 4. onn d'emprendissadi) a la scola professiunala

Roms professiunals

  • micromecanica
  • dissegn
  • tecnica da mesirar
  • tut tenor spezialisaziun: producziun e CNC, décolletage (lavurs da turnar en il micro-sectur) u iseglia da punschar e furmas da cular.
  • Curs ordaifer il manaschi

    Emprender ed exercitar en la pratica las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "micromecanist / micromecanista AFQ"

Premissas

Furmaziun preliminara
  • scola populara terminada
  • examen d'admissiun en il manaschi d'emprendissadi ed en la scola professiunala
Pretensiuns
  • mauns inschignaivels e ruassaivels per lavurar a moda fitg precisa
  • chapientscha tecnica
  • interess da la lavur cun maschinas e computers
  • abilitad da leger plans e bun’imaginaziun spaziala
  • pensar logic e metodic
  • gronda abilitad da sa concentrar
  • senn per urden e nettezza

Furmaziun supplementara

Curs

purschidas da scolas professiunalas e scolas spezialisadas

Examen professiunal (EP)

Spezialist / spezialista da process cun certificat federal u commerziant tecnic / commerzianta tecnica cun certificat professiunal federal

Examen professiunal superiur (EPS)

maister / maistra d’industria

Scola spezialisada superiura (SSS)

p.ex. tecnicist / tecnicista dipl. SSS microtecnica, (furmaziun mo en franzos) / tecnicist / tecnicista dipl. SSS construcziun da maschinas (spezialisaziun tecnica da construcziun u da producziun)

Scola auta spezialisada (SAS)

p.ex. Bachelor of Science (SAS) en microtecnica, Bachelor of Science (SAS) en tecnica da maschinas

Cundiziuns da lavur

Micromecanists e micromecanistas chattan plazzas en tut las branschas che produceschan instruments d’auta precisiun (industria d’uras, optica, robotica, aviatica, informatica, electronica u telecommunicaziun).

Cun in'experientscha da lavur correspundenta pon els er surpigliar posiziuns da responsabladad, p.ex. sco schef u scheffa dal team u sco commerziantas u commerziants tecnics.

La microtecnica è ina branscha cun grond avegnir che survegn adina dapli impurtanza. Micromecanists e micromecanistas ch'en pronts da sa furmar vinavant han bunas schanzas sin il martgà da lavur. Las paucas plazzas d’emprendissadi en l’industria èn situadas en la regiun, nua ch’i vegnan producidas uras, pia tranter Genevra e Schaffusa.

Ulteriuras infurmaziuns

Center per la furmaziun professiunala Bienna
Scola tecnica spezialisada
Salzhausstr. 18
Chascha postala 4264
2500 Bienna 4
Tel: +41 32 344 38 11
URL: www.bbz-biel.ch

Associaziun svizra dals patruns da l'industria d'uras
Avenue Léopold-Robert 65
Chascha postala
2301 La Chaux-de-Fonds
Tel: +41 32 910 03 83
URL: www.cpih.ch



orientamento.ch