Lavurs
Sufladers d'apparats da vaider elavuran vaider tar apparats sco pistuns u sfradentaders, ils quals vegnan duvrads en ils labors da chemia ni da la scienza. Dissegns tecnics u skizzas fatgas dals sufladers d'apparats da vaider vegnan dissegnads a maun u al computer cun agid da software da dissegn ed èn nizzaivels sco model.
Sufladers d'apparats da vaider elavuran elavuran vaider sin maisa u sin il turn tras tractament chaud e fraid. Enten stgaudar cuntinuadamain a moda controllada, tras volver, trair, far vegnir pli stretg, centrar, storscher, e suflar defurman els il corps e bischens da vaider. En quest connex fan els stim dal maletg da la flomma dal brischader ed adatteschan quel cuntinuadamain a l'andament da la flussiun plastica dal vaider.
Cun agid dil brischader fabritgeschan las sufladras d'apparats da vaider elements da basa per apparats da vaider sco funs, colliaziuns d'uders, cullas e spiralas isotermicas. Alura monteschan ellas ils differents elements da vaider tenor incumbensa tar apparats da vaider. En il furn da detensiun schluccan las sufladras d'apparats da vaider ils corps da vaider per disfar tensiuns ed impedir sfessas. Suenter controlleschan las sufladras d'apparats da vaider sche la tocca da producziun ha anc restanzas da tensiun cun agid da l 'examinatur da tensiun.
Tar l'elavuraziun fraida dals corps da vaider separan sufladers d'apparats da vaider d'apparats bischens e bastuns da vaider cun sgriflar il vaider e rumper u resgiar el a maun u cun maschinas. Cun agid da differentas metodas gliman, puleschan u surtiran els la surfatscha dal vaider.
Da temp en temp èn ils sufladers d'apparats da vaider exponids ad autas temperaturas durant lur lavur cun brischaders e furns. Perquai ston els resguardar rigurusas prescripziuns davart la segirezza da lavur e davart la protecziun da l’ambient e da la sanadad. Els utiliseschan ils materials ed ils meds auxiliars spargnusamain e dismettan quels a moda cumpetenta.
Scolaziun
Basa legala
Ordinaziun federala 14-12-2018
Durada
3 onns
Furmaziun en la pratica
en in manaschi da sufladers d'apparats da vaider
Furmaziun en scola
trais giadas durant mintg'onn d'emprendissadi instrucziun da bloc al Center da scola professiunal a Wertheim en Germania durant trais fin tschintg emnas
Roms professiunals
- preparar a las lavurs
- elavuraziun chauda dal vaider
- elavuraziun fraida dal vaider
- terminar e controllar las lavurs
Curs ordaifer il manaschi
Emprender a moda pratica ed exercitar la basa professiunala
Diplom
Attestat federal da qualificaziun "Suflader / Sufladra d'apparats da vaider"
Premissas
Furmaziun preliminara
- Scola obligatorica terminada cun premissas da basa
Pretensiuns
- imaginaziun spaziala
- inschign manual
- plaschair vi da la tecnica
- svelta capacitad cumprensiva
- moda da lavur exacta
- perseveranza
Furmaziun supplementara
Curs
Dieta da spezialists en Svizra ed en l'ester sco purschidas da scolas professiunalas e spezialisadas
En Germania
Examen da maister sco suflader d'apparats da vaider,
inschigneria en economia direcziun tecnica da vaider,
tecnica da material: vaider e cheramica
Cundiziuns da lavur
Apparats da vaider vegnan duvrads en differentas branschas sco per exempel en l'industria da chemia e farmaceutica, en l'industria da maschinas, en la producziun da nutriment industriala, da la diagnostica medicinala, da la tecnica medicinala e tar ils furniturs da las energias regenerablas. Pervia da lur auta spezialisaziun èn las sufladra ed ils sufladers d'apparats da vaider glieud da professiun tschertgada, schebain en Svizra sco er en l'exteriur.
Ulteriuras infurmaziuns
GVS Glasbläser Verband
Schweiz
c/o büchiglasuster Büchi AG
Gschwaderstr. 12
8610 Uster
Tel: +41 44 905 51 14
URL: www.apparateglasblaeser.ch