Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Practicist / Practicista da furmas AFP

Practicists e practicistas da furmas produceschan models e furmas per l’industria. Tar la producziun dals tocs en elavuraziun lavuran els cun maschinas ed a maun.

Lavurs

Practicists e practicistas da furmas surpiglian lavurs simplas en la producziun da models, furmas, apparats ed elements da construcziun. Els fabritgeschan products sco per exempel models da cularia ed utensils per l’industria da culaditsch e materia sintetica u elements da laminar e prototips per la construcziun da vehichels ed aviuns.

Practicists da furmas mainan tras las lavurs tenor las instrucziuns e las prescripziuns da lur schef autonomamain u en il team. Els preparan il lieu da lavur, mettan a disposiziun ils utensils ed ils materials che vegnan duvrads e drizzan en las maschinas.

Tar la producziun da tocs en elavuraziun resguardan els exactamain las prescripziuns. Ils models e las furmas èn descrits en ils dissegns tecnics. Cun differents utensils e maschinas sco turns, fresas, maschinas da furar e maschinas da mular elavuran practicists da furmas differents metals, materia sintetica liquida e lain. Els resgian, tatgan e gliman. Els dovran dentant er maschinas dirigidas dal computer. Quellas vegnan programmadas e drizzadas en da lur schefs. Practicists da furmas surveglian il process d’elavuraziun da las maschinas.

A la fin controlleschan els la qualitad dals singuls tocs en elavuraziun. Els fan urden en il lieu da lavur e mettan en urden las differentas maschinas. Per finir scrivan els il rapport da lavur.

Practicists da furmas han in’auta responsabladad. Els guardan da lur atgna segirezza e sanadad ed han quità da l’ambient.

Scolaziun

Basa legala

Ordinaziun federala 30-10-2009, cun midada dals 22-02-2016

Durada

2 onns

Furmaziun en la pratica

En in manaschi da construcziun da models u da furmas

Furmaziun en scola

1 di per emna a la scola professiunala; l’instrucziun ha lieu communablamain cun ils practicists da mecanica

Roms professiunals

  • basa tecnica
  • tecnica da dissegn
  • tecnica  da material da fabricaziun e tecnica da fabricaziun

Curs ordaifer il manaschi

tecnica da fabricaziun manuala / fabricaziun maschinala convenziunala

Lavuratori d’emprender

Durant 2 uras per emna vegnan ils emprendists accumpagnads a moda individuala e la materia d’emprender vegn approfundada.

Diplom

Attest federal professiunal "practicist / practicista da furmas AFP"

Premissas

Furmaziun preliminara
  • scola populara terminada
  • bunas prestaziuns en quint, geometria e dissegn tecnic
Pretensiuns
  • abilitad da savair leger plans e da s’imaginar chaussas en il spazi
  • inschign manual
  • enclegientscha tecnica
  • talent da dissegnar (dissegn tecnic e dissegn a maun liber)
  • moda da lavurar exacta e conscienziusa

Furmaziun supplementara

Curs

purschidas da scolas professiunalas, da SWISS FORM ed autras associaziuns professiunalas

Construider / Construidra da furmas AFQ

practicists / practicistas da furmas AFP pon far ina furmaziun da basa scursanida sco construider / construidra da furmas AFQ (access al 2. onn da furmaziun da basa).

Suenter èn pussaivlas las medemas furmaziuns supplementaras sco per construiders / construidras da furmas AFQ.

Cundiziuns da lavur

Practicists da furmas lavuran il pli en manaschis da construcziun da models pli pitschens u mesauns e cularias. La purschida da plazzas d’emprendissadi è plitost stgarsa. En Svizra vegnan scolads per onn mo paucs emprendists.

Practicists da furmas han bunas schanzas da chattar ina plazza da lavur. Els san far lavurs multifaras, perquai ch’els èn disads da lavurar cun different material e differentas maschinas.

Ulteriuras infurmaziuns

SWISS FORM – Verband Schweiz. Modellbaubetriebe
Sekretariat
6210 Sursee
Tel: 041 926 07 89
URL: www.swiss-form.ch




orientamento.ch