Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Assistent / Assistenta da vernischadi AFP

Assistents ed assistentas da vernischadi tractan las surfatschas d’urdains, maschinas e vehichels. Els nettegian ils materials e scuvran las surfatschas che na vegnan betg vernischadas. Els preparan guaffens ed elements da construcziun e gidan ad exequir las ulteriuras preparaziuns da lavur.

Lavurs

Assistents ed assistentas da vernischadi lavuran en manaschis da carossaria u en manaschis da l’industria. Els preparan il material da diever, endrizzan plazs da lavur ed  exequeschan lavurs da revestgiment.

Assistents da vernischadi  molan giu surfatschas e las grundeschan silsuenter. Els maschaidan colurs tenor receptura e las mettan a disposiziun per il vernischader da carossaria. Durant lur lavur resguardan els las directivas davart la protecziun da l’ambient. Els portan apparats da respiraziun, egliers e vestgids da protecziun. Cura ch’els han terminà las lavurs, nettegian els tut ils guaffens utilisads.

En il champ da la carossaria puleschan assistents da vernischadi surfatschas da vehichels. Latiers appartegnan per exempel vehichels utilitars e vehichels sin binaris, autos, motos, bartgas u aviuns. Plinavant midan els rodas e gidan ils collavuraturs da remplazzar e reparar ils vaiders d’auto.

Assistents da vernischadi en il champ da l’industria tractan surfatschas da maschinas ed indrizs ed als preparan spezialmain, per exempel cun als sgrassar, nettegiar e sablunar. Las surfatschas pon consister da differents materials, per exempel da metal, lain, textilias u palpiri. Ultra da quai pacheteschan els differents elements da construcziun ed als emplunan sin palettas.

Scolaziun

Basa legala

Ordinaziun federala 24-10-2012

Durada

2 onns

Accents

  • carossaria
  • industria

Furmaziun en la pratica

en ina vernischaria, ina vernischaria d’autos u in manaschi da liadira sco era en ina partiziun da vernischadi d’in manaschi industrial

Furmaziun en scola

1 di per emna a la scola professiunala

Roms professiunals

  • preparar lavurs e tractar preliminarmain elements da construcziun per la cuvrida
  • elavurar material da cuvrida ed exequir lavurs da finiziun
  • montar, metter en funcziun e mantegnair construcziuns, maschinas e guaffens
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "assistent/ assistenta da vernischadi AFP"

Premissas

Furmaziun preliminara
  • scola populara terminada
Pretensiuns
  • senn per creaziun, per colurs e furmas
  • mauns inschignaivels per lavurar a moda exacta
  • fidadadad
  • abilitad da lavurar en in team
  • sanadad robusta (naginas allergias da chemicalias, nagin asma)
  • naginas  anomalias en la vesida da colurs

Furmaziun supplementara

Curs

purschidas da scolas spezialisadas e professiunalas sco er dal Schweizerischer Carrosserieverband VSCI

Vernischader / Vernischadra da carossaria AFQ resp. Practicist / Practicista vernischader industrial AFQ

Assistents da vernischada AFP pon absolver  ina furmaziun da basa scursanida sco vernischader da carossaria AFQ resp. vernischader industrial AFQ (entrada en il  2. onn da la furmaziun da basa).

Suenter èsi pussaivel da frequentar las medemas furmaziuns supplementaras sco vernischaders da carossaria AFQ resp. vernischaders industrials AFQ.

Cundiziuns da lavur

Assistents da vernischadi lavuran per ordinari en vernischarias d’auto pli grondas u en manaschis da carossaria.

Ulteriuras infurmaziuns

Schweiz. Carrosserieverband VSCI
Strengelbacherstr. 2B
4800 Zofingen
Tel: 062 745 90 80
URL: www.vsci.ch

Furmaziuns da basa en la branscha da carossaria
URL: www.carrosserieberufe.ch



orientamento.ch