![[object Object],[object Object]](https://media.sdbb.ch/transform/3f66b3aa-0494-4561-837d-2fcc5ce3059d/produktionsmechanikerin_s_h_-3819-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
Sco mecanista u mecanist da producziun AFQ fas ti products per l'industria da maschinas, d'electricitad e da metal. Per quest intent utiliseschas ti utensils, maschinas ed indrizs da CNC. Ti surveglias la producziun automatisada e controlleschas la qualitad da las parts producidas. Ultra da quai mettas ti ensemen elements da construcziun ad apparats e maschinas. Ti prendas en funcziun e mantegnas indrizs.
Incumbensas
- skizzar products mecanics e preparar documents da fabricaziun
- leger e valitar dissegns tecnics
- elavurar e fabritgar elements da construcziun cun iseglia da maun, maschinas e maschinas che vegnan dirigidas dal computer (CNC)
- crear simpels programs per maschinas CNC
- survegliar la producziun automatisada ed en cas da basegn la curreger
- controllar la qualitad e la grondezza dals products producids
- preparar las tolas e las stangas da metal necessarias per la producziun
- elavurar metals, p.ex. furar, storscher u tagliar
- struvegiar, buglir e saldar metals u metter ensemen rebats
- transfurmar metals, p.ex. pressegiar, trair, stuschar u laminar
- gizzar, montar e giustar cuntels
- giustar maschinas ed emplenir cun stangas da metal
- producir elements sin turns automatics e survegliar gruppas da maschinas
- controllar, sch'ils tocs elavurads correspundan a las prescripziuns e sche necessari als adattar
- metter ensemen maschinas, apparats ed installaziuns or da parts
- duvrar indrizs da montascha sco er auzaders e transportaders per auzar e per montar ils elements
- scriver rapports da montascha
- metter en funcziun las maschinas ed ils indrizs
- decumponer, nettegiar, unscher e puspè metter ensemen maschinas ed indrizs per prevegnir cunter isadas
- tegnair en urden ils urdains
- reparar donns vi d'apparats da producziun e barattar las parts defectas
- survegliar las cundiziuns dal manaschi da maschinas e d'indrizs, p.ex. la temperatura
Ambient da lavur
Sco mecanista u mecanist da producziun lavuras ti en lavuratoris cun differents utensils, indrizs e differentas maschinas. E ti portas in equipament da protecziun correspundent sco egliers da protecziun e guants. Tes temps da lavur èn regulars.
Ti lavuras cunzunt en manaschis da l'industria da maschinas, d'electricitad e da metal, p.ex. en l'industria d'uras, d'armament, da farmazia u da victualias. Tia activitad dependa da la direcziun professiunala e da la grondezza da l'interpresa. Savens ta spezialiseschas ti per in tschert gener da producziun. La purschida da plazzas d'emprendissadi è buna. Suenter la scolaziun chattas ti per regla in engaschament. Cun dapli experientscha pos ti surpigliar tschertas funcziuns, p.ex. sco manader da team u scheffa d'in lavuratori. En questa professiun èsi impurtant da s'infurmar cuntinuadamain davart novas tecnologias e da sa perfecziunar.
Pretensiuns e interess
- Inschign manual
- Chapientscha tecnica
- Moda da lavurar sistematica
- Imaginaziun tridimensiunala
- Moda da lavurar conscienziusa ed exacta
- Gronda toleranza da canera
- Resistenza corporala
- Abilitad da lavurar en in team
- Lavurar cun maschinas
- Elavurar metal
- Schliar incumbensas tecnicas
- Lavurar cun ils mauns
Scolaziun
La scolaziun vegn fatga sco emprendissadi en in manaschi u en ina scola a temp cumplain.
Furmaziun pratica en in manaschi da l’industria da maschinas, d'electro e da metal: 4 dis per emna
1 di per emna en las scolas professiunalas spezialisadas chantunalas
En plirs chantuns: 48 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Mecanist / Mecanista da producziun AFQ
Furmaziun cuntinuanta
Curs
Curs da las federaziuns Swissmechanic e SwissmemAcademy
Emprendissadi supplementar
Sco mecanista u mecanist da producziun pos ti per regla far in emprendissadi scursanì da polimecanista u polimecanist AFQ.
Examen professiunal (EP)
- Spezialist / Spezialista per la producziun EP
- Spezialist / Spezialista da mantegniment EP
- Spezialist / Spezialista da process EP
- Commerziant tecnic / Commerzianta tecnica EP
- Tecnicist / Tecnicista d'eromobils EP
Examen professiunal superiur (EPS)
- Directur / Directura da producziun industriala EPS
- Manader / Manadra da facility management e maintenance EPS
Scola spezialisada superiura (SSS)
- Tecnicist / Tecnicista da construcziun da maschinas SSS
- Tecnicist / Tecnicista da process SSS
- Tecnicist / Tecnicista da sistem SSS
- Tecnicist / Tecnicista da microtecnica SSS
Scola auta spezialisada (SAS)
- Bachelor of science en scienzas da l'inschigneria da maschinas
- Bachelor of science en tecnica da sistems
- Bachelor of science en microtecnica
- Bachelor of science en electrotecnica
- Bachelor of science en tecnica d'edifizis
Tut tenor la scola auta spezialisada valan differentas cundiziuns d'admissiun.
Professiuns sumegliantas
Ulteriuras infurmaziuns
- Swissmem
Verband für KMU und Grossfirmen der Schweizer Tech-Industrie
- Swissmem: Ausbildung
- Faszination Technik
Technische Lehrberufe in der Schweiz
- Basa legala