Constructura d’indrizs e d’apparats AFQ
Constructur d’indrizs e d’apparats AFQ
Correspunda questa professiun a mai?![[object Object],[object Object]](https://media.sdbb.ch/transform/91f05281-620a-4a67-bee6-fa6814941e54/ApparatebauEFZ-CR-1480-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
4. onn d’emprendissadi: CHF 1170–1265.–
Sco constructura u constructur d'indrizs e d'apparats produceschas ti maschinas ed indrizs da metal, p.ex. pendicularas, trens u indrizs medicinals. Ti furmas, monteschas e reparas tolas, tocs da metal, da materia sintetica u da material cumponì. En quest connex ta tegnas ti vi da las prescripziuns tecnicas, ils dissegns ed ils models.
Incumbensas
- far skizzas, plans e models cun agid da programs da CAD (computer-aided design)
- leger e chapir indicaziuns tecnicas
- preparar il material ed ils elements da construcziun e far in plan da lavur
- producir prototips e fabritgar indrizs d'emprova
- mesirar tolas e metal e tagliar a maun u cun maschinas
- segnar furmas sin tola, p.ex. marcar chantuns e colliaziuns
- storscher, furmar e stender bischens, tagliar e furar crennadiras
- far parts singulas or da tola fina, furmar chaud e rinforzar, tagliar, storscher u drizzar, p.ex. cun maschinas che vegnan dirigidas dal computer
- controllar ils tocs e cumparegliar quels cun plans
- observar las divergenzas permessas e la structura da la surfatscha tenor plans
- preparar tocs per als buglir ensemen u per als fravegiar ensemen
- tscherner la tecnica da buglir u da fravegiar adattada, p.ex. utilisar roboters da buglir e resguardar en quest connex las prescripziuns e las qualitads dal material
- controllar las bugliadiras e tractar, allontanar spitgs, glimar e pulir surfatschas
- struvegiar, rebatter, tatgar, montar, adattar tscherts tocs e metter ensemen quels cun auters elements da construcziun
- configurar e metter en funcziun apparats ed indrizs
- controllar la funcziun e la qualitad
- reparar u remplazzar parts donnegiadas en il lavuratori u tar la clientella
- elavurar instrucziuns da diever per l'indriz e scolar las utilisadras ed ils utilisaders
- tegnair en urden ils utensils ed il material
- dismetter ils ruments en moda correcta
Ambient da lavur
Sco constructura u constructur d'indrizs e d'apparats lavuras ti en pitschens teams e lavuras per il solit en hallas da fabricas. En cas da montaschas finalas e da mantegniment es ti tar la clientella al lieu.
Ti lavuras en l'industria da maschinas e chattas plazzas en la construcziun da maschinas e da vehichels, en manaschis electrics, en la tecnica d'aviatica, en l'industria da chemia u en l'industria da victualias. Il martgà da lavur è bun. Suenter intgins onns experientscha professiunala e cun la furmaziun supplementara correspundenta pos ti surpigliar incumbensas directivas, p.ex. sco manadra da team, manader dal lavuratori u manader da producziun u mainagestiun.
Pretensiuns e interess
- Inschign manual
- Resistenza corporala
- Chapientscha tecnica
- Imaginaziun tridimensiunala
- Moda da lavurar conscienziusa ed exacta
- Gronda toleranza da canera
- Abilitad da lavurar en in team
- Naginas allergias cunter ils products utilisads
- Elavurar metal
- Lavurar cun maschinas
- Lavurar cun ils mauns
- Schliar incumbensas tecnicas
- Esser corporalmain activ
Scolaziun
La scolaziun vegn fatga sco emprendissadi en in manaschi.
Furmaziun pratica en in manaschi da l’industria da maschinas, d'electro e da metal: 3-4 dis per emna
1-2 di per emna en las scolas professiunalas spezialisadas chantunalas
En plirs chantuns: 48 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Constructur / Constructura d’indrizs e d’apparats AFQ
Furmaziun cuntinuanta
Curs
Curs da l'associaziun Swissmem Academy
Examen professiunal (EP)
- Spezialist / Spezialista da buglir EP
- Spezialist / Spezialista da process EP
- Spezialist / Spezialista per la producziun EP
- Spezialist / Spezialista da mantegniment EP
- Spezialist / Spezialista d'automatica EP
Examen professiunal superiur (EPS)
- Directur / Directura da producziun industriala EPS
Scola spezialisada superiura (SSS)
- Tecnicist / Tecnicista da construcziun da maschinas SSS
Scola auta spezialisada (SAS)
- Bachelor of science en scienzas da l'inschigneria da maschinas
- Bachelor of science en mecatronica
- Bachelor of science en microtecnica
- Bachelor of science en electrotecnica, tecnologia d'infurmaziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
Ulteriuras infurmaziuns
- Swissmem
Verband für KMU und Grossfirmen der Schweizer Tech-Industrie
- Swissmem: Ausbildung
- Faszination Technik
Technische Lehrberufe in der Schweiz
- Basa legala