Professiun

Automaticra AFQ
Automaticher AFQ

Correspunda questa professiun a mai?

Elektrotechnik

Gebäudetechnik, Innenausbau

Mikrotechnik, Uhren

Durada

4 onns

Terminaziun

Eidgenössisches Fähigkeitszeugnis EFZ

Recumandaziuns davart il salari

1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
4. onn d’emprendissadi: CHF 1170–1265.–

Sco automaticra u automaticher sviluppas ti regulaziuns d'implants automatisads. Latiers tutgan roboters, ascensurs e portas stuschablas. Ti construeschas ils indrizs cun la software CAD, mettas en funcziun e reparas quels. Ti sviluppas e programmeschas soluziuns per diriger implants e per reducir lur basegn d'energia.

Nossa tip

Lehrstellenbewerbung Candidarsi per un posto di apprendistato

Incumbensas

Sviluppar regulaziuns

examinar las pretensiuns da la clientella, sviluppar il project cun il biro da planisaziun e far models cun la software CAD
chapir, co che l'indriz funcziunescha e producescha e tge pass da lavur che pon vegnir automatisads
lavurar cun software u sviluppar ella tenor ils giavischs da la clientella
proponer soluziuns per l'automatisaziun e testar tala al computer u al lieu
planisar e survegliar il process da producziun
elavurar ils documents tecnics per il manaschi ed il mantegniment da l'indriz

Montar e metter en funcziun indrizs

metter ensemen, montar ed encablar indrizs, roboters u sistems da regulaziun automatisads tenor ils plans
testar la sveltezza, la temperatura u l’interrupziun d'urgenza da l'indriz
configurar correctamain l'indriz ed al testar sut las differentas cundiziuns d'utilisaziun, en quest connex observar las prescripziuns da segirezza
schliar problems u consultar persunas spezialisadas
metter en funcziun indrizs e colliar differents apparats cun il modul da cumond
programmar sistems d'automatisaziun u da roboter, controllar, sch'els funcziunan e configurar tals

Mantegnair ils indrizs

mantegnair u actualisar ils indrizs
controllar regularmain, sch'ils indrizs funcziunan correctamain
chattar cun apparats da mesiraziun il motiv per disturbis e per sbagls
eliminar sbagls vi da l'indriz u vi da la software da regulaziun
survegliar las datas dals process ed instradar las mesiras
mesirar il consum d'energia e meglierar ils indrizs, per ch'els dovrian main energia

Manar incumbensas

planisar incumbensas per automatisar indrizs
survegliar, sche las incumbensas vegnan realisadas correctamain e tenor plan
nudar ed evaluar resultats
mussar a la clientella, co duvrar ils indrizs

Ambient da lavur

Sco automaticra u automaticher lavuras ti en il lavuratori u tar la clientella. En quest connex lavuras ti principalmain cun inschigneras, electronists, informaticras, polimecanists sco er cun montadras d'automatica.

Ti lavuras en interpresas che applitgeschan proceduras da producziun u da fabricaziun automatisadas. Il martgà da lavur è bun. Ti chattas lavur en l'industria da maschinas, d'electro e da metal (industria MEM), en l'industria da chemia, da victualias u d'emballadis. Er en il provediment d'energia, en ovras electricas, en l'automatisaziun d'edifizis, en il sectur da transport ubain en instituziuns publicas sco ospitals datti pussaivladads d'engaschament per tai.

Pretensiuns e interess

Pretensiuns

Abilitad da s'adattar a novas tecnologias
Chapientscha tecnica
Dun per cifras
Moda da lavurar sistematica
Abilitad da lavurar en in team
Inschign manual
Imaginaziun tridimensiunala

Interess

Schliar incumbensas tecnicas
Lavurar en moda exacta
Lavurar cun cifras
S'occupar cun electricitad ed electronica
Lavurar al computer

Scolaziun

La scolaziun vegn fatga sco emprendissadi en in manaschi u en ina scola a temp cumplain.

Manaschis

Furmaziun pratica en in manaschi da l’industria da maschinas, d'electro e da metal: 3-4 dis per emna

Scola

1-2 dis per emna en las scolas professiunalas spezialisadas chantunalas

Curs odaifer il manaschi

En plirs chantuns: 50 dis durant 4 onns

Scola a temp cumplain

Tut las scolas

Durada

4 onns

Cundiziuns d'admissiun

Terminà la scola obligatorica

Maturitad professiunala

Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.

Titel da finiziun

Automaticher / Automaticra AFQ

Furmaziun cuntinuanta

Curs

Purschidas da Swissmechanic

Examen professiunal (EP)

Spezialist / Spezialista d'automatica EP
Manader / Manadra da project e Schef / Scheffa dal lavuratori en la fabricaziun da tavlas electricas EP
Spezialist / Spezialista da mantegniment EP
Spezialist / Spezialista per la producziun EP
Mainaproject d'automatisaziun d'edifizis EP
Spezialist / Spezialista da process EP