Practicista da mecanica AFP
Practicist da mecanica AFP
![[object Object],[object Object]](https://media.sdbb.ch/transform/3cf6482a-06db-4b1e-b8cb-a7af2d834125/BE_13_Mechanikpraktiker_LV-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
Sco practicista u practicist da mecanica produceschas ti elements da construcziun per maschinas ed apparats. Ti elavuras materialas sco tola, aluminium, atschal u materia sintetica. Per quest intent dovras ti differents utensils e differentas maschinas. Silsuenter mettas ti ensemen ils elements da construcziun ad apparats, maschinas ed indrizs. Ti exequeschas simplas lavurs da producziun e gidas a montar e mantegnair.
Incumbensas
- endrizzar plazza da lavur e maschinas
- elavurar tocs, p.ex. cun volver, fresar, furar, stanzar u storscher
- producir elements cun maschinas dirigidas dal computer (CNC)
- producir e controllar las parts d'apparat electricas u electronicas tenor instrucziun
- tractar u raffinar elements cun chalur
- producir products da seria vi d'indrizs da producziun
- metter ensemen parts cun buglir u struvegiar
- metter ensemen tocs u gruppas d'elements ad apparats u maschinas e metter en funcziun quels
- controllar, sche las maschinas funcziunan
- survegliar maschinas ed indrizs
- far lavurs da mantegniment
- remplazzar las parts defectas
- dismetter ecologicamain ruments, sco ieli vegl, aua da sfradentar u stalizzas
Ambient da lavur
Sco practicista u practicist da mecanica lavuras ti en lavuratoris cun differents utensils, indrizs e differentas maschinas. E ti portas in equipament da protecziun correspundent sco egliers da protecziun e guants. Ti lavuras sut instrucziun da persunas spezialisadas sco polimecanistas u constructurs d'indrizs e d'apparats. Tes temps da lavur èn regulars.
Ti lavuras cunzunt en manaschis da l'industria da maschinas, d'electricitad e da metal, p.ex. en l'industria d'uras, d'armament, da farmazia u da victualias. Savens ta spezialiseschas ti per in tschert gener da producziun. La purschida da plazzas d'emprendissadi è buna. Suenter la scolaziun chattas ti per regla in engaschament.
Pretensiuns e interess
- Inschign manual
- Chapientscha tecnica
- Moda da lavurar sistematica
- Imaginaziun tridimensiunala
- Moda da lavurar conscienziusa ed exacta
- Resistenza corporala
- Gronda toleranza da canera
- Abilitad da lavurar en in team
- Lavurar cun maschinas
- Elavurar metal
- Schliar incumbensas tecnicas
- Lavurar cun ils mauns
- Lavurar en moda exacta
Scolaziun
La scolaziun vegn fatga sco emprendissadi en in manaschi u en ina scola a temp cumplain.
Furmaziun pratica en in manaschi da l’industria da maschinas, d'electro e da metal: 4 dis per emna
1 di per emna en las scolas professiunalas spezialisadas chantunalas
En plirs chantuns: 28 dis durant 2 onns
2 onns
Terminà la scola obligatorica
Practicist / Practicista da mecanica AFP
Furmaziun cuntinuanta
Curs
Curs da las federaziuns Swissmechanic e Swissmem-Academy
Emprendissadi supplementar
Sco practicista u practicist da mecanica AFP pos ti per regla far in emprendissadi scursanì da mecanista u mecanist da producziun AFQ.
Professiuns sumegliantas
Ulteriuras infurmaziuns
- Swissmem
Verband für KMU und Grossfirmen der Schweizer Tech-Industrie
- Swissmem: Ausbildung
- Faszination Technik
Technische Lehrberufe in der Schweiz
- Basa legala