Tecnologa da biera e da bavrondas AFQ
Tecnolog da biera e da bavrondas AFQ
![[object Object],[object Object]](https://media.sdbb.ch/transform/d23adbe5-c0a0-4e1b-9164-ae934c9ca306/Feldschloesschen-Getraenke-AG-jpg?io=transform:fill,width:740,height:490)
Sco tecnologa u tecnolog da biera e da bavrondas produceschas ti or da materias primas bieras e bavrondas. Ti es responsabla u responsabel per l'entir process da producziun – da la consegna da las materias primas fin a l'emballadi dals products. Ti manevreschas indrizs analogs e digitals e controlleschas la qualitad dals products.
Incumbensas
- empustar materias primas
- controllar il pais e la qualitad da la rauba che entra
- magasinar rauba e procurar en quest connex, che l'umiditad da l'aria, la temperatura e las relaziuns da glisch constettian
- prender emprovas or da la rauba furnida e las controllar, p.ex. la parita, il gust sco er caracteristicas chemicas e microbiologicas
- preparar materias primas, aditivs, substanzas auxiliaras e material d'emballadi
- preparar e configurar indrizs per producir biera e bavrondas
- survegliar e documentar la producziun
- concentrar, filtrar ed elavurar bavrondas e fixar la successiun da maschadar
- administrar tecnicas da conservaziun
- emplenir e pachetar ils emballadis, p.ex. en buttiglias, stgatlas u butschins
- configurar endretg las maschinas d'emballadi ed adattar a la grondezza dals products
- controllar ils products finids, p.ex. sin il pais, la sigillaziun u l'etichetta
- controllar las unitads da spediziun
- observar las prescripziuns d'igiena e procurar ch'ils indrizs, ils locals e ils urdains sajan nets
- serrar giu las maschinas suenter che la producziun è terminada
- giustar e survegliar maschinas ed apparats, p.ex. areguard la sveltezza, la temperatura u la pressiun
- mantegnair indrizs e sistems tecnics
- identifitgar disturbis, prender mesiras necessarias ed eliminar disturbis
- separar ils products secundars ed ils ruments da la producziun da victualias per als reciclar u dismetter
- meglierar ils process, per che la producziun daventia pli effizienta
Ambient da lavur
Sco tecnologa u tecnolog da biera e da bavrondas lavuras ti en in conturn cun fermas odurs, temperaturas fluctuantas, in'auta umiditad da l'aria e canera da maschinas. Pervia da las reglas d'igiena portas ti vestgadira da protecziun speziala. Bleras interpresas lavuran en squadra, intginas er durant la notg.
Per regla es ti activa u activ en manaschis da l'industria da victualias, chattas dentant er plazzas en autras branschas parentadas. Ti pos lavurar tar la controlla da rauba, la controlla da qualitad, il svilup da products e da proceduras u la planisaziun da producziun. Cun in'experientscha correspundenta pos ti surpigliar posiziuns directivas.
Pretensiuns e interess
- Senn per igiena e per nettezza
- Fitg bun gust e bun nas
- Abilitad da lavurar en in team
- Dun per cifras
- Moda da lavurar sistematica
- Chapientscha tecnica
- Moda da lavurar svelta
- Resistenza corporala
- Lavurar cun victualias
- Lavurar cun maschinas
- Experimentar, perscrutar
- Lavurar en moda exacta
Scolaziun
La scolaziun vegn fatga sco emprendissadi en in manaschi.
Furmaziun pratica en in manaschi da l'industria da victualias
Curs da bloc da 10 emnas per onn en la Scola professiunala spezialisada Strickhof a Wädenswil (ZH)
Wädenswil: 10 fin 15 dis durant 3 onns, tut tenor l'accent
3 onns
- biera
- bavrondas
- Terminà la scola obligatorica
- Intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Tecnolog / Tecnologa da biera e da bavrondas AFQ
Furmaziun cuntinuanta
Curs
Purschida da la Cuminanza da lavur Tecnologs da victualias
Emprendissadi supplementar
Sco tecnologa u tecnolog da biera e da bavrondas pos ti per regla far in emprendissadi scursanì da Tecnolog / Tecnologa da victualias AFQ.
Examen professiunal (EP)
- Tecnolog / Tecnologa da victualias EP
Examen professiunal superiur (EPS)
- Tecnolog / Tecnologa da victualias EPS
Scola spezialisada superiura (SSS)
- Tecnicist / Tecnicista da victualias SSS
Scola auta spezialisada (SAS)
- Bachelor of science en tecnologia da victualias
- Bachelor of science en life sciences
Tut tenor la scola auta spezialisada valan differentas cundiziuns d'admissiun.
Professiuns sumegliantas
