Survegliader da bartgas AFQ
Survegliadra da bartgas AFQ
Correspunda questa professiun a mai?![[object Object],[object Object]](https://media.sdbb.ch/transform/9e0c2391-3c0a-4696-8e22-05c4b38c4263/Agent-bateau-NC-031-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 850.–
3. onn d’emprendissadi: CHF 1100.–
4. onn d’emprendissadi: CHF 1500.–
Sco survegliadra u survegliader da bartgas mantegnas ti differents tips da bartgas, p.ex. bartgas a motor, bartgas da remblar u bartgas a vela, e preparas quellas per l'envernada. Ti mantegnas e repareschas motors, indrizs electrics ed indrizs sanitars sco er l'equipament intern ed exteriur da las bartgas.
Incumbensas
- purtar las bartgas cun agid d'indrizs d'auzar ed apparats da transport sco tractors, cranas u plunaders en il lavuratori, l'uschenumnà plazzal naval
- controllar differentas parts da las bartgas, p.ex. bist, carena, timun e battaria
- controllar, reglar e nettegiar ils motors tenor instrucziun
- nettegiar e pulir la punt ed il sectur intern
- mantegnair indrizs electrics e sanitars e remplazzar las parts ruttas
- montar e reglar masts, velas e sugas da bartgas a vela
- prender mesira e skizzar parts da bartgas
- producir tocs da reserva cun urdains u maschinas
- far simplas reparaturas vi da bartgas da lain, da poliester u d'auter material
- stritgar las bartgas, per ch'ellas sajan protegidas cunter umiditad, sulegl u schelira
- glischs, lampas, stgaudaments installar ventilaziuns, apparats da func e da communicaziun ed auters instruments da bord
- preparar las bartgas sin l'examen uffizial e procurar che tut correspundia a las prescripziuns legalas
- mantegnair indrizs d'auzar ed apparats da transport, maschinas ed utensils dal plazzal naval
- gizzar ils instruments da tagliar
- observar las prescripziuns per la protecziun da l'ambient ed evitar ina contaminaziun da l'aua
Ambient da lavur
Sco survegliadra u survegliader da bartgas lavuras ti il pli savens en pitschens teams en lavuratoris serrads u mez averts d'in plazzal naval. La gronda part da las lavurs executeschas ti dentant al liber. Durant la stagiun da bartgas è tia chargia da lavur pli auta, perquai ch'ils manaschis porschan in servetsch da pannas durant las fins d'emna ed ils firads.
Ti lavuras en interpresas pitschnas e mesaunas da construcziun da bartgas. Er la polizia maritima e las autoritads da duana porschan engaschaments. Ti pos er ta deditgar ad auters secturs da la branscha, p.ex. a la vendita u a l'expertisa da bartgas a chaschun d'inspecziuns. Malgrà che la branscha da construcziun da bartgas è plitost pitschna, datti avunda plazzas d'emprendissadi per persunas interessadas.
Pretensiuns e interess
- Inschign manual
- Imaginaziun tridimensiunala
- Moda da lavurar conscienziusa ed exacta
- Chapientscha tecnica
- Resistenza corporala
- Resistenza a la temperatura u a l'aura
- Gronda toleranza da canera
- Abilitad da lavurar en in team
- Lavurar cun ils mauns
- Elavurar lain
- Schliar incumbensas tecnicas
- Esser corporalmain activ
Scolaziun
La scolaziun vegn fatga sco emprendissadi en in manaschi.
Furmaziun pratica en in chantier: 4 dis per emna
1 di per emna en la scola professiunala spezialisada a Zofingen (AG)
En plirs chantuns: 20 dis durant 4 onns
4 onns
- Terminà la scola obligatorica
- Intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Survegliader / Survegliadra da bartgas AFQ
Furmaziun cuntinuanta
Curs
Purschidas da l'Associaziun svizra dals construiders da bartgas
Emprendissadi supplementar
Sco survegliadra u survegliader da bartgas pos ti per regla far in emprendissadi scursanì da Construider / Construidra da bartgas AFQ.
Examen professiunal (EP)
- Commerziant tecnic / Commerzianta tecnica EP
- Spezialist / Spezialista da servetsch tecnic EP
Scola spezialisada superiura (SSS)
- Tecnicist / Tecnicista da lain SSS scrinaria / construcziuns d'interiurs
- Tecnicist / Tecnicista da construcziun da maschinas SSS
Furmaziuns supplementaras a l'exteriur
- Bachelor of engineering en construcziun da navs e tecnica da la mar, Bremen e Kiel (Germania)
- Bachelor of science en navigation and maritime science, Plymouth (Engalterra)
- Bachelor of engineering en yacht and powercraft design u en maritime engineering, Southampton (Engalterra)
Tut tenor la scola auta spezialisada valan differentas cundiziuns d'admissiun.
Professiuns sumegliantas
