Spezialista per il dialog cun la clientella AFQ
Spezialist per il dialog cun la clientella AFQ
![[object Object],[object Object]](https://media.sdbb.ch/transform/9ee0ede3-13cb-4138-8b37-1798c2ee5237/Kundendialog_MM_009-jpg?io=transform:fill,width:740,height:490)
1. onn d’emprendissadi: CHF 700–900.–
2. onn d’emprendissadi: CHF 900–1100.–
3. onn d’emprendissadi: CHF 1100–1400.–
Sco spezialista u spezialist per il dialog cun la clientella es ti l'emprima persuna da contact per las clientas ed ils clients d'ina interpresa. Sur differents chanals da communicaziun das ti infurmaziuns e cusseglias davart purschidas e servetschs. Ti fas discurs da vendita ed enquistas, evalueschas ils resultats ed administreschas las datas davart la clientella, ils products ed ils servetschs.
Incumbensas
- garantir, ch'i funcziunan tut ils chanals da communicaziun sco telefon, e-mail, chat u medias socialas
- preparar discurs da cussegliaziun e metter ensemen infurmaziuns davart products e servetschs, p.ex. cumparegliaziuns u graficas
- prender encunter telefons, dumondas e reclamaziuns, controllar ed ordinar quellas tenor impurtanza
- cussegliar ed infurmar la clientella, p.ex. davart il pretsch, la furniziun u la garanzia
- prender encunter empustaziuns, elavurar e concluder contracts
- vesair ils basegns da la clientella, als tadlar attentamain e porscher servetschs adequats
- proponer soluziuns adattadas en connex cun recurs
- furnir sez servetschs u renviar als posts responsabels
- tgirar contact cun la clientella existenta, p.ex. infurmar davart purschidas u novaziuns
- pledentar nova clientella sur differents chanals
- planisar e realisar enquistas, evaluar ils resultats e meglierar las purschidas sco er ils servetschs
- evaluar ed analisar ils discurs cun la clientella, per sa meglierar permanentamain
- examinar ils andaments e far propostas per als meglierar, p.ex. cun glistas da controlla, cun fegls d'infurmaziun davart products e cun models da contracts
- observar las directivas e las prescripziuns davart la segirezza e la protecziun da datas
- endatar, elavurar e tgirar datas en il sistem, p.ex. davart la clientella, ils products ed ils servetschs
Ambient da lavur
Sco spezialista u spezialist per il dialog cun la clientella lavuras ti en centers da servetsch da clientella, er numnads callcenters. Ti lavuras savens sut squitsch da temp ed has situaziuns da discussiun pretensiusas. Tut tenor l'interpresa respundas ti er dumondas d'auters collavuraturs, p.ex. en helpdesks.
Ti pos lavurar en differentas interpresas, p.ex. tar bancas, assicuranzas, purschiders da telecommunicaziun, servetschs publics u gronds negozis. Tia lavur po cumpigliar secturs sco vendita, marketing u lavur da publicitad. Enconuschientschas da pliras linguas naziunalas e da l'englais èn in grond avantatg. Suenter in'experientscha professiunala d'intgins onns pos ti surpigliar incumbensas directivas p.ex. sco manadra u manader dal team en il servetsch da clientella.
Pretensiuns e interess
- Abilitad da lavurar en in team
- Prontezza da lavurar durant uras irregularas u servetschs da notg
- Expressiun a bucca
- Dun per linguas
- Resistenza cunter stress
- Plaschair da vender e da cussegliar
- Avair contact cun persunas
- Duvrar linguas
- Cussegliar
- Dar vinavant savida
- Lavurar en il team
Scolaziun
La scolaziun vegn fatga sco emprendissadi en in manaschi.
Furmaziun pratica en in center da servetschs per la clientella: 3-4 dis per emna
1-2 dis per emna en las scolas professiunalas spezialisadas chantunalas
En plirs chantuns: 16 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista per il dialog cun la clientella AFQ
Furmaziun cuntinuanta
Examen professiunal (EP)
- Manader / Manadra dal team servetsch da clientella EP
- Spezialist / Spezialista dal e-commerce EP
- Spezialist / Spezialista per manar ina gruppa EP
- Spezialist / Spezialista da marketing EP
- Spezialist / Spezialista da vendita EP
Examen professiunal superiur (EPS)
- Manader / Manadra da communicaziun EPS
- Directur / Directura da marketing EPS
Scola spezialisada superiura (SSS)
- Econom / Economa da manaschi SSS
- Manager / Managera da marketing SSS
Scola auta spezialisada (SAS)
- Bachelor of science en economia da manaschi
Tut tenor la scola auta spezialisada valan differentas cundiziuns d'admissiun.
Professiuns sumegliantas
