Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Electroplanisader / Electroplanisadra AFQ

Electroplanisaders ed electroplanisadras planiseschan, calculeschan e dissegnan indrizs da current ferm e da current a bassa tensiun per edifizis. Els lavuran en biros da planisaziun e principalmain al computer.

Lavurs

Electroplanisaders ed electroplanisadras lavuran en la secziun da planisaziun da firmas d’installaziuns electricas ed ovras electricas. Tut tenor il manaschi s’occupeschan els plitost dal provediment d’energia u da la tecnica d’edifizis. Il provediment d’energia sa fatschenta cun la distribuziun generala dal current, da l’implant electric sur indrizs da distribuziun d’auta tensiun, da tensiun media e da bassa tensiun fin il consument. Tar la tecnica d’edifizis stattan la distribuziun precisa e l’utilisaziun dal current a l’intern da locals d’abitar, da biro e d’industria en il center.

Tut tenor l’engaschament s’occupeschan electroplanisaders cun indrizs electrics differents, p.ex. cun indrizs termals u indrizs da forza electrica, indrizs da reglar forza electrica, indrizs da la telecommunicaziun, raits d’avertura per entiras fracziuns u indrizs d’illuminaziun. Els procuran per exempel che avunda bischlas da contact, attatgs da televisiun, telefon ed internet vegnan montads al dretg lieu.

Durant la planisaziun d’indrizs electrics sa basan electroplanisaders sin plans dals architects. L’emprim fixeschan els las vias d’avertura: Els calculeschan il basegn da forza electrica e las lingias necessarias ed elements da segirezza. Al cumenzament skizzeschan els lur ideas per schemas ed installaziuns a maun. Cura ch’il concept è madir elavureschan els ils plans detagliads al computer – lur utensil da lavur principal. Per quella lavur dovran els programs da computer spezials (CAD). En ils plans d’installaziun confurms a la scala, en ils schemas da las stgaffas dals interrupturs ed en ils schemas da colliaziun nodan els exactamain tut las lingias, ils tips da lingia, las colliaziuns ed ils indrizs. Cun l’agid da quests plans pon electroinstallaturs sinaquai lavurar sin il plazzal. Electroplanisaders elavuran plinavant documents che gidan autras interpresas a calcular ils custs.

Electroplanisaders projecteschan indrizs simpels a moda autonoma. Tar indrizs pli cumplitgads lavuran els stretg cun inschigners. En il mintgadi professiunal stattan els en contact cun auters participads sco il patrun da construcziun, las autoritads u firmas da furniziun ed installaziun.

En il mintgadi professiunal d’electroplanisaders èsi impurtant da resguardar las normas valaivlas e las prescripziuns da segirezza sco era las directivas davart ils custs e davart ils termins. Il plaz da lavur principal è il biro da planisaziun, nua ch’els fan sper las lavurs da planisar e dissegnar era lavurs administrativas. Ins chatta dentant era els sin il plazzal, nua ch’els fan lavurs da scleriment davart la planisaziun u surveglian las installaziuns.

Scolaziun

Basa legala

Ordinaziun federala 27-04-2015

Durada

4 onns

Furmaziun en la pratica

En in biro d’inschigneria, ina firma d’installaziuns electricas u en in’ovra electrica. Tar la furmaziun en la pratica tutga era in praticum d’installaziun da 6 mais.

Furmaziun en scola

1./2. onn d’emprendissadi 1½ dis, 3./4. onn d’emprendissadi 1 di per emna a la scola professiunala

Roms professiunals

  • tecnica d’elavuraziun (p.ex. materials, segirezza da lavur)
  • basas tecnologicas (p.ex. matematica, electrotecnica, electronica)
  • documents da planisaziun e documentaziun tecnica (p.ex. documentaziun da la construcziun, reglas da la tecnica)
  • tecnica da sistems electrica (p.ex. tecnica da regulaziun, automatisaziun d’edifizis)
  • tecnica da communicaziun (p.ex. indrizs da communicaziun)
  • temas d’instrucziun interdisciplinars

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "electroplanisader / electroplanisadra AFQ"

Premissas

Furmaziun preliminara
  • scola populara terminada, stgalim da scola mesaun u superiur
  • bunas prestaziuns en geometria, matematica, fisica
  • en regiuns singulas è in test da qualificaziun pretendì
Pretensiuns
  • patratgar abstract-logic
  • enclegientscha tecnica
  • fitg bun’imaginaziun spaziala
  • pazienza e perseveranza
  • maniera da lavurar fitg exacta e conscienziusa
  • talent d’organisar
  • abilitad da lavurar en in team
  • buna demananza, abilitad da communitgar
  • contact cun la clientella
  • nagins disturbis da la vesida da colurs (ins sto savair distinguer las colurs)

Furmaziun supplementara

Curs

purschidas dal VSEI, dad ulteriuras federaziuns professiunalas sco era da scolas professiunalas e spezialisadas

Furmaziun da basa scursanida

electroinstallatur / electroinstallatura AFQ, telematicher / telematicra AFQ

Examen professiunal (EP)

cussegliader / cussegliadra da d’electricitad e da segirezza cun certificat professiunal federal, electricist / electricista manader/ manadra da project cun certificat professiunal federal, manader / manadra da projects da telematica cun certificat professiunal federal

Examen professiunal superiur (EPS)

electroinstallatur diplomà / electroinstallatura diplomada,
telematicher diplomà / telematicra diplomada

Scola spezialisada superiura (SSS)

curs da furmaziun en il champ spezial da tecnica, p.ex. tecnicist diplomà / tecnicista diplomada (SSS) en tecnica d’edifizis

Scola auta spezialisada

p.ex. Bachelor of Science (SAS) en electrotecnica, Bachelor of Science (SAS) en tecnica d’edifizis (direcziun da studi Gebäude- Elektroengineering)

Cundiziuns da lavur

Electroplanisaders lavuran en biros d’inschigneria, firmas d’installaziun electrica ed en ovras electricas. Installaziuns electronicas e tecnologicas èn indispensablas per il funcziunament da l’economia e la societad. Spezialists han bunas schanzas da chattar ina plazza sin il martgà da lavur.

Ulteriuras infurmaziuns

Verband Schweiz. Elektro- Installationsfirmen VSEI
Limmatstr. 63
8005 Zürich
Tel: 044 444 17 17
URL: www.vsei.ch

Revistas professiunalas:
"Electro Revue"
"Elektrotechnik"



orientamento.ch