Vai al titolo

Galvanostegist / Galvanostegista AFQ

Galvanostegistas e galvanostegists AFQ elavuran e protegian surfatschas  d’objects ord metal u materia sintetica cun metter els en bogns galvanics u chemics. Per far quai surtirain els ina fina rasada d’in metal u d’in auter material sin la surfatscha dals objects sablunai u pulids. Uschia vegnan quels nobilisads, vegnan main spert da ruina e daventan pli conductivs ed isolads.

Lavurs

Els exequeschan suandantas lavurs:

Preparaziun dals objects
  • analisar la structura da la surfatscha e definir ils detagls per il tractament preliminar u la fermezza da la forza electrica
  • eleger tut tenor l’object il med da tractament adattà
  • definir la quantitad da las parts integralas e da las substanzas chemicas necessarias per la soluziun da sal metallic, l’uschenumnà electrolit
  • far bogns d’electrolit, analisar e survegliar
Tractament d’objects
  • sfunsar ils objects en ils bogns d’electrolit e resguardar - tut tenor metal - ils differents temps da tractament
  • far controllas d’auta precisiun da las rasadas da metal durant ch’il metal sa distatga ed interprender mesiras correspundentas tar irregularitads
  • diriger e survegliar ils indrizs galvanics automatisads en ils quals ils metals sa depositeschan cun agid da l’electricitad
  • tractar las chemicalias cun las mesiras da precauziun necessarias per proteger ils collavuraturs e l’ambient
  • lavar ils objects suenter il tractament ed modifitgar las surfatschas sche necessari
  • metter puspè en funcziun  ils bogns d’electrolit suenter la purificaziun
  • documentar las lavurs, ils tests, las analisas e las controllas da qualitad
Mantegnair ils indrizs
  • endrizzar e calibrar (drizzar exactamain) ils indrizs, ils apparats e las maschinas
  • mantegnair ils indrizs tecnics sco pumpas, maschinas da pulir u mesirar ed  instruments da controlla ed examinar ch’els funcziunian correctamain
  • exequir reparaturas pitschnas

Scolaziun

Durada

3 onns

Furmaziun en la pratica

En in manaschi spezialisà en la  surtratga da surfatschas u en la galvanotecnica

Furmaziun en scola

1 di l'emna a la scola professiunala

Roms professiunals

  • fisica
  • chemia
  • analitica
  • segirezza da lavur, protecziun dal ambient
  • nobilisaziun chemica e fisicala
  • roms spezialisads
  • dissegn spezialisà
  • enconuschientscha da materials
  • garanzia e controlla da la qualitad

Curs ordaifer il manaschi

Tar differents temas

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "galvanostegist / galvanostegista AFQ"

Premissas

Furmaziun preliminara
  • temp da scola obligatoric terminà
Pretensiuns
  • interess da connexs chemics e fisicals
  • inschign manual
  • sanadad robusta
  • naginas allergias
  • movibladad corporala
  • moda da lavurar autonoma
  • fidadadad

Furmaziun supplementara

Curs

purschidas da scolas professiunalas e spezialisadas

Examen professiunal (EP)

p.ex.  spezialista galvanotecnica cun certificat federal

Scola spezialisada superiura (SSS)

p.ex. tecnicist dipl. SSS, electrotecnica  u tecnicista dipl. SSS construcziun en metal

Scola auta spezialisada (SAS)

p.ex. Bachelor of Science (SAS) en chemia resp. Life Science u Bachelor of Science (SAS) en electrotecnica, e.u.v.

En Germania

tecnicist / tecnicista da la direcziun speziala galvanotecnica, p.ex. a Schwäbisch Gmünd, Solingen, Ilmenau u a Nürnberg

Cundiziuns da lavur

Tut tenor manaschi, abilitads ed experientscha sa spezialiseschan galvanostegistas e galvanostegists per exempel sin la galvanotecnica generala, sin la galvanotecnica da metals prezius, sin la tecnica da surcromar ferm, sin la producziun da tocca per l’industria da stampa. Tut tenor ils products utilisads dovra la glieud da professiun vestgadira da protecziun, sco egliers, guants u mascrinas e sto sa tegnair exactamain vid las perscripziuns da segirezza. Forza fisica è d’avantatg, perquai che las persunas professiunalas ston star bler en pe e sa muentar bler.

Galvanostegistas e galvanostegists èn persunas dal fatg dumandadas sin il martgà da lavur. En Svizra lavuran ellas cunzunt sin il sectur da l’industria d’uras e bischutaria u en la producziun da tocca da construcziun u maschinas.

Ulteriuras infurmaziuns

SSO Schweizer Stiftung für Oberflächentechnik
3001 Berna
Tel: +41 31 310 20 12
URL: www.sso-fsts.ch

Uniun SWISSGALVANIC manaschis svizzers da galvanotecnica
8956 Killwangen
URL: www.swissgalvanic.ch

Vereinigung Schweizerischer Verzinkereien VSV
6005 Lucerna
URL: www.verzinkereien.ch

VSA-ASA Verein Schweizerischer Anodisierbetriebe
8027 Turitg
URL: www.vsa-asa.ch



orientamento.ch