Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Manader / Manadra d'indrizs AFQ

Manaders e manadras d'indrizs utiliseschan e surveglian indrizs da producziun e d’emballadi. Pannas e disturbis remartgeschan ed elimineschan els immediat.

Lavurs

Manaders e manadras d'indrizs lavuran en differents manaschis industrials, cunzunt en l’industria da victualias, chemia, biotecnologia, da materias sinteticas, d’uras e da maschinas ed en l’industria farmaceutica. Els manevreschan e surveglian ils implants da producziun e d’emballadi che produceschan ed emballeschan ils products producids en gronds dumbers. La paletta da products è fitg vasta e tanscha da bavrondas e medicaments sur mecanissems da l’ura fin a tocca da maschinas.

Manaders d'indrizs planiseschan l’andament da la producziun tenor l’incumbensa. Cun endrizzar e midar ils implants a moda professiunala garanteschan els il pli aut grad d’utilisaziun pussaivel e procuran per la pli gronda productivitad. Els èn responsabels per la qualitad da la producziun da serias e procuran ch’ils products correspundan a las prescripziuns ed als giavischs da la clientella. En cas da basegn adatteschan els ils implants. Ils products ston per exempel vegnir emballads bain e la data da la vendita e da scadenza sto vegnir inditgada correctamain.

Il process da producziun surveglian els a moda precisa. En cas da disturbis e pannas intervegnan ils manaders d'indrizs spert e cun clera finamira. Sch’els constateschan deviaziuns, vegnan quellas curregidas. Pitschnas reparaturas e mantegniments fan ils manaders d'indrizs sezs, uschia che la producziun po cuntinuar. Las enconuschientschas da la pneumatica, da l’electrotecnica e da la mecanica vegnan dabun ad els.

Durant la lavur resguardan ils manaders d'indrizs las prescripziuns da segirezza, da la sanadad e da l’ambient. L’igiena è in impurtant factur en bleras branschas, sco p.ex. en la producziun da products farmaceutics e da victualias. Ils manaders d'indrizs sa tegnan vi da las prescripziuns da la vestgadira da lavur e garanteschan uschia cundiziuns igienicas. Els portan in protegiabucca, in vestgì suren, ina schlappa e guants.

Per ordinari lavuran ils manaders d'indrizs en in team: en blers manaschis èn las lingias da producziun ed ils implants en funcziun 24 uras per di e quai set dis per emna. Els surveglian per quest motiv las maschinas en squadras.

Scolaziun

Basa legala

Ordinaziun federala 12-12-2008

Durada

3 onns

Furmaziun en la pratica

En in manaschi industrial

Furmaziun en scola

1 di per emna a la scola professiunala
scola professiunala Cuira GBC (emnas da bloc)
scola professiunala artisanala-industriala GIBS Olten

Roms professiunals

  • lingias d’implants e da producziun
  • producziun ed emballadi
  • garanzia da qualitad
  • economia da manaschi
  • scienza e tecnica, igiena, segirtad da lavur, protecziun da la sanadad, protecziun da l’ambient
  • Curs ordaifer il manaschi

    emprender ed exercitar las basas professiunalas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "manader / manadra d'indrizs AFQ"

Premissas

Furmaziun preliminara
  • scola populara terminada
Pretensiuns
  • enclegientscha tecnica: enclegientscha da basa per apparats tecnics e process mecanics
  • inschign manual resp. dun pratic
  • moda da lavurar exacta e conscienziusa
  • abilitad da sa concentrar
  • fidadadad e senn per responsabladad
  • dun d’organisar
  • abilitad da lavurar en in team
  • abilitad da supportar squitsch e prontadad da lavurar a temp irregular (lavur en squadras)

Furmaziun supplementara

Curs

purschidas d’associaziuns professiunalas e scolas professiunalas

Spezialisaziun

persuna responsabla per il team da manaders e manadras d'indrizs, manader / manadra da sectur u mainagestiun

Examen professiunal (EP)

cun certificat professiunal federal: p. ex. spezialist / spezialista d’automatica, spezialist / spezialista da process, spezialist / spezialista da producziun

Scola spezialisada superiura (SSS)

p. ex. tecnicist diplomà / tecnicista diplomada SSS construcziun da maschinas (approfundaziun tecnica da producziun), tecnicist diplomà / tecnicista diplomada SSS process da manaschi (approfundaziun tecnica da manaschi)

Scola auta spezialisada (SAS)

p. ex. Bachelor of Science (SAS) en tecnica da maschinas, Bachelor of Science (SAS) en tecnica da sistems

Cundiziuns da lavur

Manaders d'indrizs lavuran en divers manaschis industrials. Els chattan plazzas en l’industria da farma e da chemia sco era en la branscha da victualias, bavrondas e da la producziun dad uras. Era en concerns che sa fatschentan cun tecnica, energia, cement, biotecnologia, palpiri ed emballadi chattan els lavur. La purschida da plazzas d’emprendissadi è perquai gronda.

Grazia a lur vasta furmaziun pon ils manaders d'indrizs lavurar en differents manaschis. Suenter curt temp d’introducziun en la nova lavur pon els midar la branscha.

Il temp da lavur è savens irregular e cuntegna servetsch da notg e da fins d’emna. Ils manaders d'indrizs èn cunresponsabels per la productivitad e lavuran savens sut squitsch da temp.

Ulteriuras infurmaziuns

Vereinigung für die Ausbildung von Anlagenführern / Anlagenführerinnen FOMA
3007 Bern
Tel: 031 381 64 54
URL: www.foma-oma.ch

Berufsbildungszentrum Olten
Gewerblich-Industrielle Berufsfachschule GIBS
URL: www.bbzolten.so.ch



orientamento.ch