Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Construider / Construidra da furmas AFQ

Construiders e construidras da furmas fabritgeschan models, furmas e prototips surtut per l’industria da maschinas, da vehichels e da cularia. Els applitgeschan tant tecnologias modernas sco era tecnicas d’elavuraziun nua ch’igl inschign manual è dumandà.

Lavurs

Construiders da furmas fabritgeschan models, furmas, apparats da producziun, prototips, models da funcziun e models da design tridimensiunals. Quests products vegnan duvrads en l’industria da materia sintetica, da cularias da metal, da tecnica medicinala, en la construcziun da vehichels ed aviuns, en il design da products ed en auters secturs da l’industria. Per l’industria d’elavuraziun da materia sintetica fabritgeschan construiders da furmas las furmas per pressegiadas ad injecziun sco er autras furmas spezialas. Per producents d’elements da culaditsch da metal produceschan els models da cularia e per designras creeschan els prototips a maun da skizzas.

Construidras da furmas construeschan al computer cun programs spezials CAD l’element da construcziun tridimensiunal. Ellas elavuran las datas 3D al computer e fan ils programs da resgiar ch’èn necessaris per la producziun. Uschespert che tut las infurmaziuns per reglar ils indrizs e las maschinas da resgiar èn prontas, cumenzan ellas cun la producziun. Sper las maschinas da resgiar enconuschan las construidras da furmas er auters proceders dirigids dal sistem da CNC per la producziun da prototips.

Construiders da furmas n'enconuschan betg mo las tecnicas da producziun dirigidas dal computer mabain er las tecnicas d’elavuraziun manualas sco resgiar, gizzar, tatgar, glimar, furar, laminar, fresar e storscher. Ultra da quai san els exactamain tge materia sintetica ch'i dovra. Differenta materia sintetica en furma liquida ed insolubla e differents metals èn ils materials da fabricaziun che vegnan duvrads il pli savens.

Construidras da furmas sa spezialiseschan en la segunda part da lur furmaziun almain sin in dals champs d'applicaziun: cularia da construcziun da models, design da construcziun da models, construcziun da furmas cun la tecnica da strair plat, construcziun da models architectonics, construcziun da prototips, rapid prototyping, construcziun da furmas culadas ad injecziun, construcziun da dispositivs, construcziun da furmas a moda da rotaziun, construcziun da furmas a moda da pressar, construcziun da mantels, construcziun d'object, svilup/emprovas/musters, engineering, construcziun da furmas da composit, fabricaziun da parts da composit, fabricaziun d'utensils specifics tenor ils giavischs da la clientella.

Construiders e construidras da furmas guardan da lur atgna segirezza e sanadad. Cun lavurar cun las maschinas resguardan els strictamain las prescripziuns. En contact cun materia privlusa tiran els p.ex. en guants e mettan si egliers da protecziun, tar lavurs cun gronda canera portan els ina protecziun da l’udida. Ultra da quai allontaneschan els il rument a moda correcta e dovran material da construcziun ed energia a moda ecologica.

Scolaziun

Basa legala

Ordinaziun federala dals 30-10-2009 (versiun dal 1-1-2018)

Durada

4 onns

Furmaziun en la pratica

En in manaschi da construcziun da models u da furmas

Furmaziun en scola

1½ di per emna a la scola professiunala

Roms professiunals

  • instrucziun da roms construcziun da tocs en elavuraziun
  • instrucziun da roms mecanica: basa tecnica, englais tecnic, tecnica da material da fabricaziun e tecnologia, tecnica da dissegn e maschinas, electrotecnica e tecnica da regulaziun, projects interdisciplinars
  • Curs ordaifer il manaschi

    tecnica da fabricaziun manuala, fabricaziun convenziunala cun la maschina, elavuraziun CAM

    Maturitad professiunala

    Tar fitg bunas prestaziuns da scola po vegnir frequentà la scola da maturitad professiunala durant la furmaziun da basa.

    Diplom

    Attestat federal da qualificaziun "construider / construidra da furmas AFQ"

Premissas

Furmaziun preliminara
  • scola populara terminada
  • bunas prestaziuns en quint, geometria e dissegn tecnic
Pretensiuns
  • abilitad pregnanta da s’imaginar chaussas en il spazi
  • inschign manual
  • enclegientscha tecnica
  • pensar analitic resp. chapir ils connexs
  • talent da dissegn (dissegn tecnic e dissegn a maun liber)
  • moda da lavurar exacta e conscienziusa
  • abilitad da sa concentrar, pazienza e perseveranza
  • bun dun receptiv

Furmaziun supplementara

Curs

purschidas da scolas professiunalas, da SWISS FORM ed autras associaziuns professiunalas

Examen professiunal (EP)

spezialist / spezialista da process cun certificat professiunal federal

Examen professiunal superiur (EPS)

maister / maistra en l’industria

Scola spezialisada superiura (SSS)

p.ex. tecnicist / tecnicista dipl. SSS construcziun da maschinas, tecnicist / tecnicista dipl SSS construcziun en metal

Scola auta spezialisada (SAS)

p.ex. Bachelor of Arts (SAS) en design da products e d’industria, Bachelor of Science (SAS) en tecnica da maschinas

Cundiziuns da lavur

Construiders da furmas lavuran surtut en manaschis da construcziun da models ed en cularias, latiers sa tracti da firmas pitschnas e mesaunas. Els han la pussaivladad da sa spezialisar en differentas direcziuns, p.ex. sco constructur, programmader CAD/CAM u fresader CAM.

Construiders da furmas han bunas schanzas sin la fiera da lavur, cunquai ch’els èn disads tras lur furmaziun extendida da lavurar cun different material, da manevrar differentas maschinas e da schliar incumbensas cumplexas.

Ulteriuras infurmaziuns

SWISS FORM – Verband Schweiz. Modellbaubetriebe
Sekretariat
6210 Sursee
Tel: 041 926 07 89
URL: www.swiss-form.ch



orientamento.ch