Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Vernischader / Vernischadra da carossaria AFQ

Vernischaders e vernischadras da carossaria sprizzan si lac sin surfatschas da vehichels. Els embelleschan, renoveschan e fan inscripziuns sin vehichels. Els preparan las surfatschas che duain vegnir vernischadas, maschaidan colurs e dattan si il lac.

Lavurs

Vernischaders e vernischadras da carossaria tractan carossarias da vehichels utilitars, autos da persunas, vehichels spezials e vehichels da rodaglias sco er surfatschas da motos, bartgas, aviuns euv. Els surlavuran surtut donns d’accidents e donns da lacs ch’èn sa dads tras isadas, influenzas da l’aura e segns d’isada, els mainan dentant er tras vernischs novas e midadas da vernischs vi da vehichels.

L’emprim analiseschan vernischaders da carossaria adina la cumposiziun dal lac original e determineschan lura ils singuls pass da lavur. Il fund che duai vegnir dà si cun lac preparan els a moda conscienziusa. Els guliveschan malgulivezzas cun massa da spategliar, puleschan a moda guliva ils lieus che duain vegnir tractads enfin che tuttas malgulivezzas èn gulivas ed allontaneschan rests da pulvra e da grass. Suenter cuvran els las parts dal vehichel, che na duain betg vegnir vernischadas, a moda exacta.

Cun agid dal code da colur, che sa chatta vi da mintg’auto, determineschan vernischaders da carossaria la colur originala dal vehichel. Cunquai che la colur sa mida en il decurs dal temp, ston els l’adattar levamain. Els calculeschan la quantitad da lac e maschaidan las colurs cun ina stadaira da precisiun enfin che la nianza da colur constat. Tut tenor intenziun dovran els lacs solvibels en l’aua u lacs cun duas cumponentas. Il dar si il lac succeda en ina cabina da squittar senza pulvra cun ina pistola da sprizzar. Suenter vegn la colur brischada en. A la fin fan ils vernischaders traglischar l’auto e protegian il lac cun products spezials.

Tar la lavur da vernischaders da carossaria tutgi era da far inscripziuns e da decorar vehichels. Ils vernischaders tatgan folias tagliadas dal computer sin il vehichel u preparan schablonas ch’els tatgan si u ch’els sprizzan ora. Ulteriuras incumbensas èn p. ex. la demontascha e la montascha da parts d’elements montabels en connex cun lavurs da vernischar, il far or las bottas suenter donns pitschens vi da la carossaria senza donnegiar il lac u il controllar e regular il viertgel dal motor, las portas e las serras.

Durant la lavur sa tegnan vernischaders da carossaria vi da las prescripziuns davart la protecziun cunter tissis e la protecziun da l’ambient. Cunter la pulvra e las vapurs da colurs sa protegian els cun ina mascra per la protecziun da respiraziun. Cunquai ch’i vegn sviluppà adina novs materials e novas tecnologias, emprendan els adina novas tecnicas d’elavuraziun.

Scolaziun

Basa legala

Ordinaziun federala 31-3-2005

Durada

4 onns

Furmaziun en la pratica

En ina vernischaria d’autos

Furmaziun en scola

1 di per emna a la scola professiunala

Roms professiunals

  • elavuraziun da la surtratga da basa, determinaziun dal vernisch da basa, dal vernisch d’effect e dal vernisch da cuverta
  • exequir lavurs da creaziun e da restauraziun sco era lavurs da finiziun
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentà la scola da maturitad professiunala durant la furmaziun da basa.

    Diplom

    Attestat federal da qualificaziun "vernischader / vernischadra da carossaria AFQ"

Premissas

Furmaziun preliminara
  • scola populara terminada
Pretensiuns
  • senn per creaziun, per colurs e furmas
  • persuna inschignaivla e lavurar a moda exacta
  • fidadadad
  • abilitad da lavurar en ina gruppa
  • buna sanadad (naginas allergias en connex cun chemicalias, nagin asma)
  • nagin disturbi da la vesida da colurs

Furmaziun supplementara

Curs

purschidas dal Schweiz. Carrosserieverband VSCI, da produciders per isegls spezials, da furniturs da colurs e da scolas professiunalas

Examen professiunal (EP)

manader / manadra da lavuratori d’autos cun certificat professiunal federal, direcziun speziala vernischaria

Examen professiunal superiur (EPS)

maister / maistra da carossarias, direcziun speziala vernischader / vernischadra

Scola spezialisada superiura (SSS)

cun furmaziun preliminara correspundenta, p.ex. Bachelor of Science (SSS) en tecnologia d’automobils (BFH, Bienna)

Exteriur / scola spezialisada

tecnicher / tecnicra direcziun speziala tecnica da colurs e da lac cun diplom federal, a la scola spezialisada per tecnica da vernischar, SFG Stuttgart, Germania

Spezialisaziun

sco expert / experta da donns, furmaziun supplementara tar ina societad d’assicuranzas

Cundiziuns da lavur

Vernischaders da carossaria lavuran il pli savens en vernischarias d’autos pitschnas u mesaunas u en manaschis da carossarias. Suenter ina furmaziun supplementara èsi er pussaivel da lavurar sco expert da donns per assicuranzas u sco cussegliader da clientella en in manaschi da carossarias.

La purschida da plazzas d’emprendissadi è gronda.

Vernischaders da carossaria da professiun han bunas schanzas sin il martgà da lavur. Las cundiziuns da lavur vegnan regladas tras in contract collectiv da lavur.

Ulteriuras infurmaziuns

Schweiz. Carrosserieverband VSCI
Strengelbacherstr. 2B
4800 Zofingen
Tel: 062 745 90 80
URL: www.vsci.ch

Revista professiunala:
"Carrossier"



orientamento.ch