?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Lavori di manutenzione: A causa di lavori di manutenzione sul server di orientamento.ch potrebbero risultare complicazioni nell'utilizzo del portale dalle 17.00 alle 24.00 di martedì 17 maggio.

Mecanist / Mecanista da velos AFQ

Mecanists e mecanistas da velos reparan velos e velos electrics. Els surprendan lavurs da service, cusseglian la clientella e realiseschan lur giavischs.

Lavurs

Els exequeschan suandantas lavurs:

Service
  • chattar la raschun dals problems e giuditgar il temp ch'i dovra per la reparatura, ils custs u sche autras schliaziuns èn pussaivlas.
  • controllar ils roms, ils frains, las rodas, las glischs e las rodas ed instradar la reparatura u midar tocca sche necessari
  • tschertgar cun agid d'apparaturas da mesirar suenter disturbis tar velos electrics
  • nettegiar ed unscher pilotadis, ischigls u autra tocca movibla
Reparatura
  • reparar rodas, drizzar giavegls, montar e demontar pneus, controllar la pressiun da l'aria dals pneus
  • eliminar defects vid ils motors electrics, chargiar e remplazzar las battarias
  • examinar velos e velos electrics pinads
  • realisar giavischs spezials da la clientella, p.ex. midar il design
  • enconuscher e duvrar las tecnicas da resgiar, buglir u tagliar bain crennadiras
  • tgirar il magasin da tocs da reserva
  • resguardar la segirezza da la lavur e da la protecziun dal ambient
Vendita
  • cussegliar la clientella tar la cumpra d'in velo u d'in velo electric
  • vender accessoris sco chapellinas u guants
  • controllar las reservas da material, far empustaziuns e prender encunter furniziuns

Scolaziun

Basa legala

Ordinaziun federala 5-9-2011 (stan 1-1-2018)

Durada

3 onns

Furmaziun en la pratica

En ina fatschenta speziala da velos

Furmaziun en scola

1 di per emna a la scola professiunala

Roms professiunals

  • mantegnair, reparar e midar roms e tocca dil schassis u da la tracziun e da cumponentas da la midada dals girs
  • examinar, reparar e midar indrizs electrics ed electronics
  • mantegnair e reparar velos electrics
  • garantir la communicaziun interna e far diever dal linguatg tecnic correct
  • realisar giavischs da la clientella, process da lavur interns dal manaschi e mesiras davart la protecziun da l'ambient
  • utilisar e mantegnair apparaturas, giuditgar velos
  • proceders da fabricaziun
  • infurmaziuns da mantegniment e da reparaturas

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "mecanist / mecanista da velos AFQ"

Premissas

Furmaziun preliminara
  • temp da scola obligatoric terminà
  • bunas enconuschientschas da fisica e matematica
Pretensiuns
  • inschign manual
  • enclegientscha tecnica
  • imaginaziun dal spazi
  • lavurar a moda exacta e conscienziusa
  • pazienza e perseveranza
  • senn da responsabladad
  • plaschair vi dal contact cun clientella

Furmaziun supplementara

Curs

purschidas da 2rad Schweiz e da scolas professiunalas

Furmaziun da basa scursanida

1 onn furmaziun da basa professiunala sco mecanist / mecanista da motos pitschnas e velos AFQ, 2 onns furmaziun da basa sco mecanist / mecanista da motos AFQ

Examen professiunal superiur (EPS)

maister mecanist / maistra mecanista da velos, maister mecanist / maistra mecanista da velos e motos

Scola spezialisada superiura (SSS)

p.ex. tecnicher / tecnicra dipl. SSS construcziun da maschinas

Scola auta spezialisada (SAS)

p. ex. Bachelor of Science (SAS) en tecnica d’automobil, Bachelor of Science (SAS) en tecnica da maschinas. Tut tenor scola auta professiunala valan autras cundiziuns d'admissiun.

Cundiziuns da lavur

Mecanists da velos lavuran savens en lavuratoris pitschens u mesauns. Pussaivel è er ina lavur tar firmas da producziun u firmas commerzialas da velos.

Il pli bler da far han mecanists da velos la primavaira u la stad, lura pon ils dis da lavur en il lavuratori esser fitg lungs. Durant l’enviern pon els sa deditgar a reparaturas pli grondas u preparar vehichels d’occasiun per la vendita.

Il temp da lavur correspunda per regla a las uras d’avertura dal negozi. I vegn pia er lavurà la sonda.

Ulteriuras infurmaziuns

2rad Schweiz
via da la staziun 86
chascha postala
5001 Aarau
Tel: +41 62 823 37 85
URL: www.2radschweiz.ch



orientamento.ch