Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Vaschler / Vaschlera AFQ

Vaschleras e vaschlers fabritgeschan e reparan recipients da lain per l’economia da vin e l’agricultura sco era recipients decorativs per differents intents d’utilisaziun. Els elavuran oravant tut lain da ruver.

Lavurs

Vaschleras e vaschlers lavuran en lavuratoris da vaschlers u en torcleras da vin ed en manaschis da commerzi da vin. Els lavuran per gronda part cun lain massiv ch’els elavuran cun maschinas e meds d’agid a recipients. Pli baud fabritgavan els oravant tut gronds recipients da lain e sadellas per l’economia da vin e l’agricultura. Oz èn quels dentant per gronda part vegnids remplazzads cun recipients da materia sintetica u da metal. Vaschlers fabritgeschan oz plitost products per in martgà da nischa: sper buts tradiziunalas fan els era products spezials sco bogneras al liber (hot tub), vaschs da plantas, butschins decorativs, sfradentavins, stgaffas per buttiglias, e.u.v.

Per la producziun da butschins calculeschan vaschlers las curvaturas dals elements da lain, las uschenumnadas duvas, e fan skizzas. Els taglian las duvas, las splaunan e las collian cun agid da tschertgels da metal. Per storscher las duvas vegnan applitgadas differentas tecnicas. La metoda tradiziunala è da far in fieu en il recipient e bagnar las surfatschas da lain cun aua. A la fin monteschan ils vaschlers ils funs e magari era portas dal butschin e spinas.

Per lur recipients dovran vaschlers bunamain mo lain da ruver. Per elavurar il lain utiliseschan els sper las maschinas per l’elavuraziun da laina usitadas sco la resgia circulara, la maschina da sfender u la maschina da splanar er utensils spezials: differentas splaunas, il bloc d’enchastrar, il martè da tschentar, e.u.v.

Vaschlers èn era responsabels per mantegnair e reparar lur products. Els midan per exempel duvas u remplazzan ils tschertgels. Tar recipients fitg gronds vegn questa lavur fatga al lieu.

Tar la scolaziun da vaschler tutga era la vinificaziun e la tgira dal vin. Sin quest champ han els incumbensas sumegliantas sco ils tecnologs e las tecnologas da vin. Cun agid d'indrizs tecnics moderns fan els most e maischa cun puma ed ivas e surveglian il process da fermentaziun. Cura ch’il vin ha cuntanschì il grad da madirezza, vegn el filtrà, tratgs giu en buttiglias e preparà per la vendita.

Scolaziun

Basa legala

Ordinaziun federala 5-12-2008

Durada

3 onns

Furmaziun en la pratica

En in lavuratori da vaschler u en ina torclera da vin

Furmaziun en scola

A la Scola da sculptura da lain a Brienz/BE (4 blocs à 2 emnas l'onn da scolaziun da basa)

Roms professiunals

  • incumbensa: contact cun la clientella ed accumpagnament, material da fabricaziun, AVOR, urden creativ
  • administraziun: calculaziun, marketing, documentaziuns
  • fabricaziun: istorgia, utensils a maun, preparaziun dal material da fabricaziun, schablonas / furmas, colliaziuns, maschinas, tractament da la surfatscha, elavuraziun da metal, logistica / montascha
  • preparaziun dal vin: bain d’ivas, fermentar, vinificar, embuttigliar, garanzia da la qualitad
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "vaschler / vaschlera AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • imaginaziun dal spazi
  • sanadad robusta e forza corporala
  • senn per lavurs nettas ed exactas
  • conscienza da l’igiena

Furmaziun supplementara

Curs

purschidas da scolas spezialisadas e professiunalas, da la Scola auta spezialisada da Berna – architectura, lain e construcziun, da l'Associaziun svizra dals maisters scrinaris e fabricants da mobiglias ASSFM e da la ZHAW, Wädenswil (viticultura)

Furmaziun da basa scursanida

tecnolog / tecnologa da vin AFQ, viticultur / viticultura AFQ

Scola spezialisada superiura (SSS)

studis en direcziuns spezialas parentadas, p.ex. tecnicist / tecnicista SSS tecnica da lain

Scola auta spezialisada (SAS)

studis en direcziuns spezialas parentadas, p.ex. Bachelor of Science (SAS) en tecnica da lain u Bachelor of Science (SAS) en enologia

Cundiziuns da lavur

Blers onns è il dumber da lavuratoris da vaschlers stà fermamain regressiv. Ils paucs manaschis ch’existan oz anc servan in martgà da nischa. Per pudair surviver ston lavuratoris da vaschlers adattar cuntinuadamain lur paletta da products als basegns da la clientella u svegliar ils basegns da la clientella cun products innovativs.

Ulteriuras infurmaziuns

Cuminanza d'interess artisanadi da lain IGKH
3855 Brienz BE
Tel: 079 853 88 99
URL: www.kunsthandwerk-holz.ch

Schule für Holzbildhauerei Schleegasse 1
3855 Brienz BE
Tel: 033 952 17 51
URL: www.holzbildhauerei.ch



orientamento.ch