Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Resgiader / Resgiadra en l'industria da laina AFQ

Resgiadras e resgiaders en l'industria da laina AFQ lavuran cun laina che deriva gist dal guaud e resgian ordlonder aissas, travs squadradas e lattas. Els manevreschan cun indrizs moderns d'entagliar e da transport, magasineschan la laina a moda professiunala e cusseglian la clientella.

Lavurs

Resgiadras e resgiaders en l'industria da laina enconuschan las differentas sorts da laina, lur qualitad e l'intent d'utilisaziun. Els elavuran laina radunda a travs, aissas, lattas e glistas. Oravant tut vegnan quels products da tagl duvrads en la construcziun da lain, en interpresas da splanar e da collar, en l'industria d'emballadi da lain ed en l'industria da palettas, en scrinarias ed interpresas da construcziun.

Resgiaders en l'industria da laina prendan encunter la laina radunda che deriva dal guaud e controlleschan ella. Els mesiran e marcheschan la laina radunda, sorteschan ils bists e resgian ella sin la lunghezza giavischada. Suenter che la tocca da laina radunda è vegnida scursada cun agid da maschinas, vegn ella tagliada cun differentas maschinas en hallas da resgiar.

Singulas lavurs vegnan fatgas a maun, sin tut ils stgalims d'elavuraziuns vegn però lavurà cun maschinas computerisadas ed indrizs da transport electronics. Resgiaders en l'industria da laina endrizzan, manevreschan e mantegnan las differentas maschinas da tagl sco resgias, indrizs da scursar, indrizs da transportar e da sortir. Tar lur incumbensas tutga era da nettegiar e trair si regularmain ils guaffens da tagl.

Sch'ils products da lain sco aissas e travs squadradas na vegnan betg vendids directamain, als deponan ils resgiaders en l'industria da laina a moda professiunala . Els setgan la laina sut tschiel avert sin il plaz per la laina da tagl u en chombras spezialas cun sistems da setgar electronics.

Lur lavur cumpiglia era lavurs administrativas. Resgiaders en l'industria da laina scrivan scrits da furniziun e dattan rapport da las lavurs exequidas.

Resgiaders en l'industria da laina enconuschan ils ristgs ed ils privels en ina resgia. Els lavuran perquai a moda attenta e persequiteschan strictamain las prescripziuns da segirtad e da prevenziun d'accidents.

Scolaziun

Basa legala

Ordinaziun federala 5-9-2007

Durada

3 onns

Furmaziun en la pratica

En ina resgia

Furmaziun en scola

1 di l'emna a la scola professiunala da Lenzburg u da Moutier

Roms professiunals

  • materials da laina
  • maschinas e guaffens
  • exequir l'incumbensa ed andament da la producziun
  • Curs ordaifer il manaschi

    Emprender ed exercitar a moda pratica las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "resgiader / resgiadra en l'industria da laina AFQ"

Premissas

Furmaziun preliminara
  • scola populara terminada
  • bunas prestaziuns en matematica
Pretensiuns
  • inschign manual
  • enclegientscha tecnica
  • buna constituziun corporala e movibilitad corporala
  • abilitad da lavurar en in team

Furmaziun supplementara

Curs

Purschidas da scolas spezialisadas e professiunalas, dad associaziuns da la branscha e da la scola auta spezialisada da Berna, architectura, lain e construcziun

Examen professiunal (EP)

Spezialist / spezialista da laina

Scola spezialisada superiura (SSS)

Tecnicist / tecnicista dipl. SSS tecnica da lain, approfundaziun en l'industria da laina

Scola auta spezialisada (SAS)

Bachelor of Science (SAS) en tecnica da laina

Cundiziuns da lavur

Resgiaders e resgiadras en l'industria da laina lavuran per gronda part en resgias, dentant er en interpresas da splanar e da collar sco er en l'industria da laina. Resgiaders e resgiadras en l'industria da laina cun diplom han bunas schanzas sin il martgà da lavur. La purschida da plazzas d'emprendissadi è gronda.

Ulteriuras infurmaziuns

Industria da lain Svizra
Mottastrasse 9
3000 Berna 6
Tel: 031 350 89 89
URL: www.holz-bois.ch

Revista professiunala:
"Schweizer Holzzeitung"



orientamento.ch