Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Decoratur / Decoratura d’interiurs AFQ

Decoraturas e decoraturs d’interiurs embelleschan abitaziuns e locals commerzials. Els restaureschan mobiglias, mettan palantschieus, tiran si tapetas, monteschan lampas e surpiglian autras lavurs decorativas.

Lavurs

Decoraturas e decoraturs d’interiurs dattan in’atmosfera agreabla ed empernaivla als locals d’abitar e da commerzi. Els mettan tarpuns e palantschieus, monteschan sumbrivals, decoraziuns, tapetas, lampas sco er indrizs da far sumbriva a l'intern e pulstreschan, repareschan, tgiran e restaureschan mobiglias.

En la furmaziun da basa sa spezialiseschan ils decoraturs d’interiurs en ina da las sis direcziuns: pulstrar, palantschieus, montascha, sumbrivals, sellaria u tapetas. Ils manaschis èn sa spezialisads en ina u pliras direcziuns.

En la direcziun pulstrar stat il pulstrar tradiziunal en il center. En la direcziun palantschieus mettan ils decoraturs d'interiurs oravant tut cuvridas diras e parchets. En la direcziun montascha è il montar mobiglias ed adattar palantschieus, paraids e palantschieus sura la prioritad da la lavur. En la direcziun sellaria vegnan oravant tut producids e reparads products da seller. En la direcziun tapetas vegnan en emprima lingia tratgas si tapetas. Decoraturs d’interiurs da la direcziun sumbrivals èn sa spezialisads da far e montar sumbrivals sco era da producir garnituras da letg.

Sper las lavurs da basa da pulstrar, tgirar e reparar mobiglias sco era da montar objects d’endrizzament cumpiglian tut las direcziun – cun excepziun da la direcziun sumbrivals – er il metter tarpuns, far borduras e metter glistas.

La gronda part da las lavurs vegn preparada ed exequida en l’atelier. En il local da commerzi cusseglian decoraturs d’interiurs la clientella areguard las pussaivladads da concepziun e la tscherna dal material. Decoraturs d’interiurs na lavuran dentant betg mo en l’atelier. Per far mesiraziuns e lavurs da montascha van els tar lur clientella a chasa.

Scolaziun

Basa legala

Ordinaziun federala 21-5-1999 (en revisiun)

Durada

4 onns

Direcziuns

  • pulstrar
  • palantschieus
  • montascha
  • sumbrivals
  • sellaria
  • tapetas

Furmaziun en la pratica

En in’interpresa per decoraziun d’interiurs

Furmaziun en scola

In di l'emna a la scola professiunala

Roms professiunals

  • dissegn dal rom
  • enconuschientscha da materials
  • enconuschientscha dal rom (ambient, ecologia, qualitad, tgira, meds e metodas da lavurar, stil, furmas, colurs, spazi)
  • quints dal rom
  • Curs ordaifer il manaschi

    emprender ed exercitar las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "decoratur / decoratura d’interiurs AFQ"

Premissas

Furmaziun preliminara
  • scola populara terminada
  • bunas prestaziuns en quints e geometria
Pretensiuns
  • inschign manual
  • buna imaginaziun dal spazi
  • movibladad corporala
  • sentiment per furmas e colurs
  • nagina tschorvadad da colurs
  • plaschair da contacts
  • creativitad

Furmaziun supplementara

Curs

purschidas da scolas spezialisadas e professiunalas, da l’Associaziun interieursuisse sco era da manaschis da furniziun

Examen professiunal (EP)

decoratur / decoratura d’interiurs, cussegliader / cussegliadra d'indrizs interns, creader / creadra da textilias interiuras, pulstrader spezialisà da mobiglia / pulstradra spezialisada da mobiglia, colurist / colurista, concepider artisan / concepidra artisana

Examen professiunal superiur (EPS)

decoratur d’interiurs diplomà / decoratura d’interiurs diplomada

Scola spezialisada superiura (SSS)

studis en champs parentads, p.ex. colurist / colurista dipl. SSS u tecnicist / tecnicista dipl. SSS per la planisaziun da construcziun, approfundaziun architectura d’interiurs

Scola auta spezialisada (SAS)

p.ex. Bachelor of ARTS (SAS) en architectura d’interiurs u Bachelor of Arts (SAS) en design industrial e da products

Cundiziuns da lavur

En la branscha da decoraziun d’interiurs datti oravant tut manaschis pitschens e mesauns. Tut tenor la direcziun dal manaschi fan ils emprendists lur emprendissadi en ina direcziun specifica.

En la direcziun sellaria e tapeta na datti mumentan naginas plazzas d’emprendissadi.

Ulteriuras infurmaziuns

Interieursuisse Associaziun svizra dals decoraturs d'interiurs e dals commerziants da mobiglias SVIM
Eichholzstr. 11
Postfach 428
2545 Selzach
Tel: 032 641 66 10
URL: www.interieursuisse.ch

Revista professiunala
"Interieur"



orientamento.ch