Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Artisan / Artisana da lain AFQ

Artisanas ed artisans da lain elavuran lain massiv e produceschan tut tenor direcziun speziala elements turniclads u entagliads. Els planiseschan il process da producziun e s'occupan cun la vendita da lur products.

Lavurs

Artisanas ed artisans da lain lavuran en turnarias e lavuratoris da vaschler. Là elavuran els tocs singuls e products da seria or da lain massiv. Els exequeschan incumbensas a moda autonoma, dal sboz a la producziun enfin a la vendita.
Per preparar la lavur planiseschan artisans da lain il temp e fan ina glistas da material, planiseschan il process da la producziun e da la lavur per products singuls e products da seria, fan skizzas e dissegns a maun liber sco era dissegns tecnics.

Artisans da lain spezialisads sin la turnaria fabritgeschan elements da turnaria e da resgiar: chommas da maisa e chommas da sutgas, gianigls dal tschabargal, pilasters ed auters elements da la construcziun interiura sco cuppas, stgadellas, plats, manetschs per utensils, gieus, objects d’art ed anc bler dapli. Fertant ch’intginas turnarias produceschan per gronda part objects d’art, sa concentreschan autras sin elements tecnics.

Artisans da lain spezialisads sin la turnaria fan las bleras lavurs al turn. Els tendan il toc da lain resgià ed elavuran il toc da lain che rotescha cun utensils da turnaria d’urs gizs. Uschia allontaneschan els stalizza per stalizza ed il toc nunelavurà survegn plaunsieu la furma giavischada. Per finir ina lavur gliman, sblatgeschan, empizzeschan, colureschan e dattan els si lac u mettan si ieli sin las surfatschas.

Artisans da lain spezialisads sin la vaschlaria s'occupan cun la producziun d’utensils or da lain ischi u lain pign cler. Oriundamain èn quai surtut products per l’economia da latgiras e d’alp: sadellas da latg, vaschs per paintg, tignas, e.u.v ch'èn savens entagliads. Ozendi tutgan er utensils da cuschina ed objects d’endrizzament, regals, souvenirs ed anc bler dapli tar il sortiment.

Per la producziun da vaschs taglian artisans da lain spezialisads sin la vaschlaria laina da pign e d’ischi a planettas da lain da furma speziala. Quellas uneschan e furman els a vaschella radunda u ovala. Tschertgels da lain u da metal ch'els han fabritgà sezs tegnan ensemen las planettas.

Scolaziun

Basa legala

Ordinaziun federala 5-12-2008

Durada

4 onns

Direcziuns

  • turnaria
  • vaschlaria

Furmaziun en la pratica

En ina turnaria u ina vaschlaria

Furmaziun en scola

A la Scola da sculptura da lain a Brienz/BE (4 blocs à 2 emnas l'onn d’emprendissadi)

Roms professiunals

  • incumbensa / administraziun
  • producziun
  • Curs ordaifer il manaschi

    Davart differents temas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "artisan / artisana da lain AFQ"

Premissas

Furmaziun preliminara
  • scola populara terminada
Pretensiuns
  • persuna inschignaivla
  • bun sentiment per furmas
  • buna imaginaziun dal spazi
  • bun egl
  • abilitads da dissegnar
  • moda da lavurar exacta
  • forza corporala
  • nagina sensibladad cunter pulvra e canera da maschinas

Furmaziun supplementara

Curs

purschidas da scolas spezialisadas e professiunalas, da scolas per art applitgà, da la Scola auta svizra per economia da lain a Bienna, sco era da l'Associaziun svizra dals maisters scrinaris e fabricants da mobiglias ASSFM

Examen professiunal (EP)

spezialist / spezialista da lain cun certificat professiunal federal

Examen professiunal superiur (EPS)

maister / maistra turnaria

Scola spezialisada superiura (SSS)

curs da furmaziun en direcziuns spezialas parentadas, p.ex. tecnicist / tecnicista dipl. SSS tecnica da lain

Scola auta spezialisada (SAS)

studis en direcziuns spezialas parentadas, p.ex. Bachelor of Science (SAS) en tecnica da lain, Bachelor of Arts (SAS) en architectura d’interiurs u Bachelor of Arts (SAS) en design da products e d’industria

Cundiziuns da lavur

En Svizra na datti betg pli bleras turnarias e vaschlarias che scoleschan emprendists. La tschertga da plazzas d’emprendissadi pretenda per quest motiv flexibilitad pertutgant il lieu da lavur.

Artisans da lain han bunas premissas da lavurar independentamain, cunquai ch’ins dovra per in agen manaschi mo paucas maschinas.

Ulteriuras infurmaziuns

Scola da sculptura da lain
Schleegasse 1
3855 Brienz BE
Tel: 033 952 17 51
URL: www.holzbildhauerei.ch

Cuminanza d'interess artisanadi da lain IGKH
URL: www.kunsthandwerk-holz.ch



orientamento.ch