Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Flexostampadur / Flexostampadura AFQ

Flexostampaduras e flexostampadurs stampan materials sco palpiri, chartun e folias da materia sintetica, dals quals vegnan producids surtut  emballadis. Els valiteschan models da stampa, monteschan furmas da squitsch, maschaidan colurs, endrizzan maschinas e surveglian la producziun.

Lavurs

Flexostampaduras e flexostampadurs stampan cun maschinas fitg modernas rollas u artgas da palpiri, chartun ondulà, folias da materia sintetica, folias d’aluminium u folias cumponidas. Or da quest material vegnan fatgs principalmain emballadis flexibels, tastgas, stgatlas da chartun ondulà, displays da vendita, etichettas, satgs da palpiri, palpiris e folias da zugliar en, euv. Els lavuran per regla en in team.

Per mintga incumbensa survegnan flexostampadurs ina descripziun e documents da squitsch. Els controlleschan, schebain tut è cumplet ed ils materials necessaris disponibels. Tut tenor manaschi preparan els sezs las furmas da squitsch cun apparats d’exposiziun moderns u laschan preparar quellas da manaschis da preparaziun per la stampa spezialisads. Las furmas da squitsch monteschan els sin zullas grondas, uschenumnads cilinders da squitsch. Suenter monteschan els ils cilinders en la maschina da stampar ed endateschan al pult da cumond las datas necessarias, sco la sveltezza da gir ed il dumber da tocs. Els equipeschan la maschina cun la dretga taila da stampar, maschaidan las colurs tenor il model e las emplainan.

Cura che tut è pront, cumenzan ils flexostampadurs cun il process da stampa. Els controlleschan e curregian las maschaidas da colur e las regulaziuns e dattan libra la producziun. Els surveglian il process da stampa, uschia ch'els pon immediat intervegnir en cas da disturbis. Ultra da quai procuran els per in'auta qualitad per ch’ins possia elavurar vinavant products irreproschabels.

Suenter il squitsch preparan flexostampadurs puspè las maschinas ed ils apparats accessorics. Els als nettegian e fan lavurs da mantegniment simplas. Els remplazzan per exempel regularmain las racleras, stritgan davent la colur ch’è da memia e fan controllas da funcziun.

Durant lur lavur resguardan flexostampadurs las prescripziuns da segirezza e da la protecziun da la sanadad. Els dovran ils materials a moda economica ed als dismettan da maniera adattada a l'ambient.

Scolaziun

Basa legala

Ordinaziun federala 1-11-2006

Durada

3 onns

Furmaziun en la pratica

En in manaschi per emballadis flexibels, en ina stamparia d’etichettas u en l’industria da chartun ondulà

Furmaziun en scola

1 di l'emna a la scola professiunala d'art applitgà Medien Form Farbe a Turitg

Roms professiunals

  • segirezza da la lavur / igiena / protecziun da l’ambient
  • co utilisar il material
  • preparaziun per la stampa
  • colurs da stampar
  • stampar (incl. basa da la scienza natirala)
  • ulteriura elavuraziun
  • basa d’economia da manaschi
  • Curs ordaifer il manaschi

    Emprender ed exercitar a moda pratica las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "flexostampadur / flexostampadura AFQ"

Premissas

Furmaziun preliminara
  • scola populara terminada
Pretensiuns
  • enclegientscha tecnica
  • inschign manual
  • lavurar a moda precisa e schubra
  • abilitad da sa concentrar er en cas da pressiun dal temp
  • fidadadad
  • nagin disturbi da la vesida da colurs

Furmaziun supplementara

Curs

purschidas d’associaziuns professiunalas e da scolas professiunalas

Examen professiunal (EP)

commerziant / commerzianta da tipografia cun certificat professiunal federal, spezialist / spezialista da manaschi tecnologia da stampa e d’emballadi cun certificat professiunal federal

Examen professiunal superiur (EPS)

Packaging manager / managera cun diplom federal, manager / managera da publicaziun cun diplom federal (DF), gestiunari / gestiunaria cun diplom federal

Scola spezialisada superiura (SSS)

tecnicist / tecnicista dipl. SSS medias

Scola auta spezialisada (SAS)

en Svizra: p.ex. Bachelor of Science (SAS) en inschigneria da medias
en Germania: Bachelor of Engineering en tecnica d’emballadi, Master of Engineering en Packaging Technology (studi da cooperaziun CH – D)

Cundiziuns da lavur

Flexostampadurs lavuran surtut en manaschis per emballadis flexibels, en stamparias d’etichettas ed en l’industria da chartun ondulà.

La lavur succeda per part en squadras e cun temp da lavur irregular; per quest motiv duessan ils flexostampadurs esser abels da lavurar sut squitsch.

La purschida da plazzas d’emprendissadi è plitost pitschna, interessads chattan per regla ina plazza d’emprendissadi. Flexostampadurs scolads èn tschertgads sin il martgà da lavur.

Ulteriuras infurmaziuns

flexo suisse
Bergstr. 110
Chascha postala 1071
8032 Turitg
Tel: 044 266 99 30
URL: www.flexosuisse.ch

Scola professiunala d'art applitgà Turitg
Medien Form Farbe
Ausstellungsstr. 104
8090 Turitg
Tel: 044 446 97 77
URL: www.medienformfarbe.ch

Revistas professiunalas:
"Flexoprint"
"Flexo- und Tiefdruck"



orientamento.ch